плачење – Kurir.mk

Зошто плачеме додека гледаме филмови? Еве по што се разликуваат овие луѓе од оние кои ги кријат чувствата

Ристе Здравков — Wed, 06 Sep 2023 07:37:21 +0000

За некои тоа е знак на слабост, но Пол Џ. Зак, професор на американскиот универзитет Клермонт, во своето истражување покажа дека луѓето кои плачат додека гледаат потресни филмови се поемпатични, ментално посилни, поспособни да се справат со емоциите и да се соочат со секојдневните предизвици од луѓето кои ги потиснуваат своите чувства. Еве што всушност се случува кога гледате филм и се чувствувате како нешто да ве гуши и почнувате да ги бришете солзите: Луѓето се свесни дека филмот не ја претставува реалноста и дека приказната на екранот е измислена, но многумина не можат да ги задржат солзите кога ќе видат емотивна сцена, бидејќи не сакаат да ги задржат своите емоции, вели професорот Зак. Окситоцинот, хормонот на среќата, делува како невротрансмитер и е одговорен за она што го чувствуваме кога сме сведоци на сцена. Реагираме според тоа чувство, кое подоцна не поттикнува да дејствуваме позитивно. Накратко, овој хормон не прави посочувствителни и поприемливи за ситуациите околу нас. – Луѓето кои не се срамат да плачат додека гледаат филм се ментално посилни од оние кои се обидуваат да ги сокријат солзите – вели професорот Зак. – Доволно се храбри да ги изразат своите емоции, без да се плашат дека другите ќе ги критикуваат. Тука повторно треба да му се оддаде признание на окситоцинот, бидејќи кога сочувствуваме со луѓето на екранот, покажуваме дека не се плашиме да се залагаме за она што мислиме дека е правилно. Истражувањата покажаа дека луѓето кои плачат додека гледаат филм знаат колку солзите се лековити и дека понекогаш е неопходно да им се препуштите. Имено, ова им дава можност да постигнат поголема емоционална стабилност во споредба со луѓето кои ги кријат своите чувства. Од друга страна, сите добро знаеме колку е застапен стереотипот дека вистинските мажи не плачат. Повеќето од мали се воспитани дека плачење пред другите покажува колку се слаби, што е сосема погрешно бидејќи момчињата и девојчињата не се разликуваат по тоа колку плачат кога се мали. Тоа е одговор на чувство кое не е поврзано со родот.

Не воздржувајте се: Поради ОВИЕ пет причини понекогаш е добро да плачете

Ивана Ефремовски — Mon, 19 Dec 2022 19:56:28 +0000

Плачењето обично се поврзува со некаква слабост, но тоа воопшто не е така. Дури се препорачува одвреме-навреме да ви олесни на душата и убаво да плачете. 1. Солзите ги чистат очите Солзите делуваат како природен антибиотик и можат да убијат до 95 проценти од штетните бактерии во очите за само пет минути. 2. Солзите го подобруваат видот Мембраната на окото може да биде дехидрирана, што предизвикува проблеми со видот, а сликата што ја гледаме е едноставно заматена. Кога плачеме, солзите ја обезбедуваат влажноста на мембраната и на тој начин го олеснуваат и подобруваат видот. 3. Солзите ги елиминираат токсините Во текот на 1980-тите Др. Вилијам Феј, истражувач во медицинскиот центар Ремзи во Минеаполис, открил дека солзите, во зависност од причината, имаат различен хемиски состав. Така, рефлексните солзи (предизвикани, на пример, со сечење кромид) се состојат од 98 проценти вода, додека емотивните солзи се полни со хормонот на стресот - пролактин. 4. Солзите нудат утеха Интересно е како плачењето е придружено со зголемена активност на одреден дел од нервниот систем, чија задача е да го смири телото по стресен настан и да го забави отчукувањата на срцето. 5. Солзите нудат емоционално ослободување и поврзување со другите „Пресметката“ со емоции преку плачење ни помага и полесно да продолжиме со животот. Плачењето ги буди нашите заштитни инстинкти и делува како повик за помош.

ЗОШТО ПОНЕКОГАШ ПЛАЧЕЊЕТО Е ДОБРО ЗА ЗДРАВЈЕТО? Го намалува притисокот и стресот

Ристе Здравков — Wed, 24 Aug 2022 13:25:30 +0000

Можете ли да се потсетите кога последен пат сте плачеле? Повеќето луѓе сметаат дека плачењето е знак на емотивна слабост, меѓутоа соочувањето со сопствените емоции бара многу сила во форма на лична ранливост. Дали некогаш, додека солзите ви течат по образите и ви го замаглуваат погледот, сте се запрашале кои се физичките и емоционалните предности на таа „беспомошна состојба“? Земете марамче со себе и прочитајте за изненадувачките предности на плачењето: Плачењето ги ослободува токсините Познато е дека плачењето има и физички и ментален учинок на чистење. Солзите му помагаат на телото да се ослободи од хормонот на стресот, познат како кортизол. Токму како и при другите егзокрини процеси – мокрењето, издишувањето, потењето и при плачењето телото се ослободува од отровните материи. Болката се намалува од протеинот пролактин, а главни хемиски состојки на емоционалните солзи се адренокортикотропните хормони и ендорфинлеуцинот – енкефалин. Плачењето го подобрува видот Потврдено е дека солзите од солзните жлезди го бистрат нашиот поглед и ги подмачкуваат капаците и очните јаболка. Погледот може да стане матен кога очната слузокожа е дехидрирана. Солзите ја одржуваат влажноста на површината на очите и ја плакнат од прашината. Плачењето ја одржува хидратацијата на слузокожата. Плачењето ги уништува бактериите Плачењето може да биде добар начин за ослободување од бактерии, бидејќи солзите содржат лизозим – ензим што има противвоспалително дејство. Тој се наоѓа и во спермата, мајчиното млеко, во лигите, и ги уништува речиси 90 проценти од сите видови бактерии во рок од 10 минути. Го подобрува расположението Солзите го подобруваат нашето расположение подобро од кој било антидепресив . Студијата од 2008 година на универзитетот во Јужна Флорида откри дека 90 проценти од луѓето кои плачеле во стресни ситуации почувствувале значително олеснување и подобрено расположение. Поединците со анксиозно нарушување помалку ги доживувале позитивните ефекти од плачењето. Ослободува од стрес Дури кога околностите и натаму остануваат исти, доброто исплачување овозможува чувство на олеснување. Општо е познато дека при плачењето се ослободува хормонот на стресот или токсините од телото, со што значително се намалува напнатоста. Плачењето е сигурен и ефектен начин за справување со стресот и обезбедува емоционално ослободување од негативните чувства, фрустрациите и стресот. Ја подобрува комуникацијата Плачењето може да го пренесе она што не може да се изрази со зборови, особено во некаква врска. Плачењето може да ја смири кавгата и да го истакне она што не е изразено со зборови или едноставно да го нагласи значењето на чувствата што стојат зад дијалогот. Затоа слободно можеме да заклучиме, доброто плачење може да нè исцели, и физички и психички.

Лековити солзи: Четири причини поради кои ПЛАЧЕЊЕТО е добро за здравјето!

Ристе Здравков — Sat, 14 May 2022 20:40:59 +0000

Плачењето е сосема нормална работа и е начинот на кој се бориме со тагата, емоциите, загубата… Сепак, потребата за плачење често се потиснува под влијание на различни општествени норми. Од луѓето денес се очекува да бидат силни, расположени, насмеани, оптимисти… Се чини дека нема простор за негативното, кое неизбежно го чувствуваме. Чувствителноста и слабоста се осудени, па солзите стануваат непожелни. Често слушаме од другите „не плачи, не е толку страшно“. Особено на момчињата им се кажува дека вистинските мажи не плачат, а ако плачат, тогаш ги осудуваат со зборовите „плачеш како девојче“. Ако тоа се случи во детството, детето учи да ги потиснува своите емоции, да „голта солзи“ во моментите кога плаче, за да не предизвика потсмев, осуда или екскомуникација, од семејството или пријателите. Сепак, психолозите истакнуваат дека плачењето е многу важно и корисно за здравјето: 1. Солзите помагаат да се воспостави близок контакт Ако ви е тешко да ја отворите душата и да ја споделите тагата со другите, но треба да го направите тоа, солзите ќе ви помогнат. Кога некој плаче, се отстрануваат многу бариери меѓу него и другите. Таа личност станува поотворена, а другите покажуваат поголема нежност, тие се погрижливи, луѓето се зближуваат еден со друг. Плачењето влијае на основните инстинкти на луѓето и ги поттикнува да се грижат за личноста која плаче. Затоа солзите се еден од начините на манипулација. 2. Тие ви дозволуваат да продолжите понатаму Солзите ќе ви помогнат да се ослободите од она што ве мачи, ве стиска, она што е неподносливо. Кога ќе се ослободите од премногу емоции, „камен ви паѓа од срце“, главата ви се расчистува – добивате поинаков увид во ситуацијата, можете да ја видите од друг агол… За да разберете зошто се случило, што точно ве вознемирило … Сè што ви овозможува да продолжите понатаму кога сте подготвени. 3. Ги намалува стресот и напнатоста Плачењето е моќен одбранбен механизам на телото. Дури и ако не го елиминира целосно стресот, значително ќе го ублажи. Ова ќе му помогне на вашето тело да се смири и да го активира парасимпатичкиот нервен систем. Исто така, предизвикува благо ослободување на ендорфин, што моментално ве прави посреќни. Кога ќе се ослободите од она што ве мачи, веднаш ќе ви биде полесно, барем малку. 4. Ја покажува вашата човечка страна Не е срам да плачете, тоа не ве прави слаби или помалку вредни. Солзите велат дека сте само човек кој има проблеми како и сите други, на кој понекогаш му е тешко. Плачењето е всушност начин да се бориме со нашите емоции, наместо да ги потиснуваме.

КАКО ТАТКОТО СО ЕДЕН ПОТЕГ ГИ СМИРИЛ РАСПЛАКАНИТЕ ЌЕРКИ: Сите зборуваат за неговиот ТРИК кој го запира НАПАДОТ НА БЕС кај децата! (ВИДЕО)

Ристе Здравков — Sun, 13 Feb 2022 12:37:09 +0000

Советите на психолозите кога се во прашање гневните испади на децата се секогаш исти – не реагирајте и ќе помине. Не покажувајте нервоза и не им давајте важност на обидите на децата да го добијат она што го сакаат, фрлајќи се на под или ако ронат крокодилски солзи. Еден татко дал важност, но смислил генијален начин да се справи со тоа. Приказната вели дека татко од Калифорнија останал сам со своите ќерки на летен одмор во Мексико со своето семејство. Мама излезе на кратко, а Џорџа (3) и Женевиев (6) добија лути напади поради нејзиното заминување. Додека децата плачеа, тато се сети како сè да претвори во игра. Ги тешеше со тоа што ги натерал тројцата да се редат за нивната доза на плачење , но со услов девојките да молчат додека тој плаче. Во видеото подолу погледнете ја реакцијата на децата и се ќе ви биде јасно. Трикот е во тоа што децата учат да ги контролираат своите емоции , а на видеото се гледа дека постарата девојка сака да продолжи да плаче и многу тешко се контролира, но сепак знае дека се почитуваат правилата на играта и кога ќе почне да плаче преку ред, татокото е таму да ја прекине. По некое време и двајцата престануваат да плачат и се смируваат. „Ова го пробав пред неколку години со една од моите ќерки. Работи секој пат“, рече таткото.

Реакцијата на германскиот овчар на „плачењето“ на сопственикот ги насмеа СИТЕ на социјалните мрежи (ВИДЕО)

Ристе Здравков — Sat, 12 Feb 2022 13:42:39 +0000

Реакцијата на германскиот овчар Роки на „плачењето“ на сопственикот ги насмеа социјалните мрежи. Брзо сфатил дека сопственикот глуми. Во видеото што го објави на YouTube, можете да го видите Роки како седи до него и збунето го гледа како да се обидува да сфати што се случува. Роки го намириса сопственикот, се обеси околу него и конечно реши да седне на спротивниот крај од каучот и да чека додека не престане да плаче. Видеото насмеа многу корисници, кои напишаа дека Роки сигурно сфатил дека сопственикот глуми. „Кучињата можат да ги почувствуваат човечките емоции и Роки знаеше дека не сте навистина вознемирени. Се чудеше зошто испушташ такви звуци, ако се е во ред со тебе“, напиша коментаторот. „На почетокот беше загрижен, но потоа сфати што се случува“, додал коментаторот.

Немој да се срамите од плачење! Лицата кои никогаш не пуштиле солза може да имаат страшни последици по здравјето

Магдалена Андонова — Thu, 30 Sep 2021 19:48:14 +0000

Различни емоции може да не доведат до солзи. Некои од најчестите прчини кои предизвикуваат солзи се: страв, радост, благодарност, љубов. На некои луѓе им е непријатно да плачат, особено ако се опкружени со други луѓе. Замислете сцена каде што еден ден се будите и не можете да плачете. Последиците од тоа би биле неверојатни. Нашите очи не се извор на нашите солзи. Плачењето започнува и завршува во системот на солзи. Составот на солзи предизвикани од различни чувства се разликува. Под микроскоп, можеме да утврдиме кои солзи се предизвикани од смеа, тага, стрес. Не се сите солзи исти. Рефлексните солзи измиваат се што ни паѓа во очи. Емоционалните солзи се одговор на силни емоции. Во просек, жените плачат дури пет пати месечно. Нивниот просечен плач е шест минути. Мажите плачат многу поретко отколку жените. Еднаш во два месеци, еден маж пролева солза. Просечното времетраење на плачење е четири минути. По плачењето, можеме да почувствуваме големо олеснување, но и да паднеме во депресивна состојба. Многу зависи од луѓето околу нас. Ако не поддржат, плачењето ќе биде добра терапија за нас. Ако не можеме да плачеме, тоа ќе предизвика огромни промени во нашето тело. Тенката обвивка на очното јаболко и очен капак ќе се исуши и ќе се згусне. Нашиот вид ќе се замагли, без солзи да ги подмачкуваат очите и очните капаци. Нашите очи не можат да ги измијат остатоците од прашина и бактерии. Рожницата ќе стане течна. На крајот ќе дојде до слепило. Затоа, не треба да се срамите да плачете. Со солзи покажуваме болка, среќа, различни емоции. Солзите ги штитат нашите очи од разни бактерии и прашина. Тие се нормална реакција на организмот.

Ако ви е тешко – исплачете се: Тоа не е слабост!

Ивана Ефремовски — Mon, 22 Feb 2021 20:02:27 +0000

Кога бевме деца беше сосема нормално да се исплачеме ако чувствуваме физичка болка, тага, страв или некоја друга негативна емоција. Зошто тогаш често веруваме дека најлошото и најнезрелото нешто што можеме да го направиме да плачеме кога ни е тешко? Повеќето од нас се воспитани дека тоа е покажување слабост и неподготвеност да се соочиме со проблемите. Но, тоа е далеку од вистината. Не само што е во ред да си се исплачете, туку плачењето исто така е корисно за вашето ментално здравје.

ВИДЕО: Девет филмови за плачење

Магдалена Андонова — Thu, 20 Aug 2020 13:18:42 +0000

Времето е променливо, па крајностите од големи жештини и силен дожд кај луѓето предизвикува вообичаена летна мрзеливост. Според порталот „Вебкафе“, ова е вистинско време за приказни со плачење. Следуваат девет филма кои речиси сигурно ќе ве натераат да сроните по некоја солза… „Бележникот” (The Notebook) Главни улоги: Рејчел Мекадамс, Рајан Гослинг, Џејмс Гарнер и Џина Роуландс. Оценка на ИМДБ: 7,8/10. „Слаткиот ноември“ (Sweet November) Главни улоги: Кијану Ривс и Шарлиз Терон. Оценка на ИМДБ: 6,7/10. „П.С. Те сакам“ (PS: I Love You) Главни улоги: Хилари Свонк и Џерард Батлер. Оценка на ИМДБ: 7/10. „Збогум, Ленин!“ (Good Bye, Lenin!) Главни улоги: Даниел Брул, Катрин Хас и Марија Симон. Оценка на ИМДБ: 7,7/10. „Јас пред тебе“ (Me before You) Главни улоги: Емилија Кларк и Сем Клафлин. Оценка на ИМДБ: 7,4/10. „Форест Гамп“ (Forest Gump) Главни улоги: Том Хенкс, Робин Рајт, Сали Филд. Оценка на ИМДБ: 8,8/10. „Виновни се ѕвездите“ (The Fault In Our Stars) Главни улоги: Шејлин Вудли и Ансел Елгорт. Оценка на ИМДБ: 7,7/10. „Патот на промените“ (Revolutionary Road) Главни улоги: Кејт Винслет и Леонардо ди Каприо. Оценка на ИМДБ: 7,3/10. „Зелената милја“ (The Green Mile) Главни улоги: Том Хенкс, Мајкл Кларк Данкан, Бони Хант, Дејвид Морс и Сем Роквел. Оценка на ИМДБ: 8,6/10.

Исплачи се, ќе ти биде полесно: Работи кои многумина не ги знаат за солзите

Ивона Петрова — Fri, 06 Mar 2020 07:53:36 +0000

Со векови, луѓето мислеле дека солзите се создаваат во срцето, а современите студии покажаа дека со плачењето се лачи окситоцин и ендорфин, хемикалии кои нè прават да се чувствуваме подобро. Човечкото тело произведува три различни видови на солзи, вклучувајќи ги и базалните кои го навлажнуваат окото, рефлексивни, како одговор на иритација и емоционални кога ќе ве преплават среќа или тага . Сите три вида солзи се составени од солена вода што содржи масла, антитела и ензими, а содржат различни молекули, според „Readers Digest“. Емоционалните солзи, на пример, содржат и хормони на база на протеини како што е леуцин – енцефалин, кој ја ублажува болката и се ослободува кога телото е под стрес. Научното знаење за солзите главно име темели во латинскиот јазик. На латински, солза е лакрима. Солзи се создаваат во лакрималната жлезда лоцирана над окото и под веѓата. Зборот „лакримист“ опишува некој што често плаче, плачлив човек. Кромидот лачи состојка, т.н. лакримален фактор, кој служи за да се одвратат опасните предатори. За да го намалите овој ефект, чувајте го кромидот во фрижидер пред да го исечете, а потоа користете остар нож за да го намалите ослободувањето на оваа состојка. Бебињата не произведуваат солзи Иако бебињата често плачат, тие не произведуваат солзи до седмиот или осмиот месец од животот – тврди Американската академија на педијатри. Од друга страна, жените плачат 3,5 пати месечно, двојно повеќе од мажите. Во просек, едно лице годишно произведува 50 до 100 литри солзи. Плачењето помага Студиите покажаа дека со плачењето се лачи окситоцин и ендорфин, хемикалии кои прават да се чувствуваме подобро. Со плачењето, исто така, добивамеа социјална поддршка, па и затоа се чувствуваме подобро. Понекогаш се чувствуваме полошо Луѓето кои имаат тенденција да плачат за време на филмовите, обично се чувствуваат полошо од луѓето кои ретко плачат – резултат на една студија. Причини за плачење Entertainment Weekly тврди дека филмот „Време на нежност“ е оној што најмногу луѓе ќе поттикне на плачење, а зборува за тоа како семејството се справува со дијагноза на карцином. На второ место е анимираниот филм „Бамби“. Филмот „Титаник“ е на 16-то место на листата на вакви филмови, пренесува 24sata.hr. Зошто носот ви теле додека плачете? Вишокот на солзи произведени од солзните жлезди се слива во солзните канали, а од таму во носната празнина. Таму се меша со слуз, поради што носот ви тече додека плачете. Со векови луѓето мислеле дека солзите се формираат во срцето Стариот завет вели дека солзите се појавуваат кога дел од срцето слабее и станува вода. Во Библијата, многу протагонисти плачат, па така Давид во Псалм 56: 8, кога му вели на Бога: „Ти го забележа моето прогонство. Стави ги моите солзи во својата мешина. Не се ли тие во твојата книга?“ Во средниот век, плачењето било социјално прифатливо за мажите Во англосаксонската поема „Беовлф“, змејот го убива Беулф, а воините биле „неутешни и плачеле гласно за смртта на нивниот господар“. Кралот Артур исто така знаел да заплаче. Солзавецот не се користи во војна Конвенцијата за хемиско оружје од 1993 година забранува употреба на солзавец за време на војна. Осмислувањето на Конвенцијата било поттикнато од ирачката употреба на хемиско оружје во Иран во 1980-тите. Полициите во некои земји, вклучително и нашата сè уште легално може да користи солзавец за контрола на масите. Дарвин бил фасциниран од солзите Таткото на теоријата на еволуцијата, Чарлс Дарвин, ја напиша книгата „Изразување емоции кај човекот и животните“. Ги набудувал јужноафриканските мајмуни и ги споредувал со своите деца. „На плачењето мора да гледаме како на случаен резултат, исто толку бесмислено како лачење солзи од удар надвор од око … но тоа не претставува тешкотии во нашето разбирање за тоа како пролевањето солзи служи за олеснување на страдањето“, напиша тој. Како што старееме, се намалува базалното лачење солзи За време на хормоналните промени, како што е бременоста или менопаузата, жените се особено чувствителни на промените во базалното лачење солзи. Покрај тоа, како што старееме, тоа се намалува, што доведува до иритација поради сувост на окото. Ситуацијата може да се ублажи со користење вештачки солзи или со употреба на топли облози што се ставаат на очите неколку минути.