Плачковица – Kurir.mk

Потрагата по тројцата моторџии изгубени на Плачковица заврши среќно

Ивона Петрова — Mon, 22 May 2023 07:17:12 +0000

Среќно заврши потрагата по тројцата моторџии кои вчера биле пријавени дека се изгубени на планината Плачковица, а нивните семејства не можеле да воспостостават телефонски контакти, информираа од Центарот за управување со кризи (ЦУК). Од ЦУК го пренесуваат известувањето од регионалниот ЦУК -Штип, дека преку единствениот повикувачки број за итни случаи, е добиена информација за изгубени лица на планина Плачковица. Тројцата моторџии биле со поголема група кои се упатиле од хотел „Бел камен“ -Радовиш кон село Зрновци. Последен контакт со нив е околу 19:00 часот, при што кажале дека се заглавени во некоја кал на неодредена локација. - Во потрага биле вклучени: 15-16 лица со мотори кои биле во нивната група, едно полициско возило од Полициската станица (ПС )Штип на правецот Туртел – одмаралиште Универзитет „Гоце Делчев“ (УГД), едно полициско возило од село Зрновци кон Плачковица, околу 20-25 луѓе од поблиската фамилија на исчезнатите лица. Истоврено, било контактирано со Доброволна планинска спасувачка служба „Осогово“ од Кочани, кои се организираат да тргнат во пребарување. Биле известени и дежурните од ДЗС Скопје за превземање мерки во нивна надлежност, се вели во соопштението од ЦУК. Регионалниот ЦУК Штип утринава извести дека од Планинарска служба Осогово со четири лица и едно теренско возило во 5.00 часот излегле на терен и пребарувале на релација Видовиште, Латал - Бел Камен. Според последните информации добиено од РЦУК Штип, едното од изгубените лица во 06:58 часот воспоставило контакт со член на фамилија и известил дека трите лица со моторите се заглавени во кал, па ноќта ја поминале на планината Плачковица и дека се во добра здравствена состојба.

Човечки труп пронјден во близина на радовишко Козбунар

Тале Кристо — Fri, 25 Nov 2022 16:46:12 +0000

На 24.11.2022 година во 14.50 часот во Полициската станица Радовиш, З.Н. од Радовиш пријавил дека на планина Плачковица, на место викано „Чаркова река“ во атар на село Козбунар, радовишко, бил пронајден човечки труп. Увид на местото извршиле екипа на Одделението за внатрешни работи Радовиш и Јавен обвинител од Основно јавно обвинителство Радовиш, по чија наредба трупот бил даден на обдукција.

Пронајден човечки труп на планината Плачковица

Ивана Ефремовски — Fri, 25 Nov 2022 13:00:47 +0000

Вчера околу 15 часот во Полициската станица Радовиш З.Н. од истоимениот град пријавил дека на планина Плачковица, на местото „Чаркова река“ во атар на село Козбунар, Радовишко, забележал човечки труп, соопштија денеска од СВР Струмица. Според информациите од полицијата, трупот подолго време бил на местото каде е пронајден. Бил лоциран на тешко пристапен планински предел, во длабок дол. Увид на местото извршиле екипа на Одделението за внатрешни работи Радовиш и Јавен обвинител од Основно јавно обвинителство Радовиш, по чија наредба трупот е предаден на обдукција.

Пронајдена исчезната жена на планината Плачковица

Ивона Петрова — Tue, 19 Jul 2022 08:57:34 +0000

Пред еден час на планината Плачковица пронајдена е 65 годишна од Штип, која во текот на вчерашниот ден беше пријавена за исчезната. Портпаролот на Центарот за управување со кризи, Илија Бојаровски информира дека околу 9.45 часот жената која беше изгубена е пронајдена на радовишката страна на планината Плачковица од страна на полициски службеници и е во добра здравствена состојба. Инаку, потрагата по неа е беше почната во текот на вчерашниот ден од страна на полициските службеници, а биле вклучени планинари и ловци. Со случајот се запознати Општина Карбинци, Шумска полиција, потоа ЈП Македонски шуми „Серта“-Штип и Дирекцијата за заштита и спасување.