плагијат – Kurir.mk

ЕВРОВИЗИЈА НЕ МОЖЕ ДА ПОМИНЕ БЕЗ СКАНДАЛ – победничката песна е плагијат? Кога ќе го слушнете овој звук ќе се уверите во сличноста (ВИДЕО)

Дарко Андоновски — Mon, 15 May 2023 06:47:38 +0000

Дали е на пат голем евровизиски скандал !? Имено, некои обожаватели и гледачи на Евровизија тврдат дека победничката песна е плагијат! Да потсетиме, синоќа во Ливерпул победи претставникот на Шведска Лорин со песната „Tattoo“. Имено, шведската претставничка Лорин со песната „Tattoo“ освои вкупно 583 поени и ги потврди предвидувањата на евровизиските обложувалници. На второ место се најде Финска со 526 поени и најмногу гласови од публиката, вклучувајќи 376 поени од публиката, а Израел на третото место. Многумина веќе изразија незадоволство од победникот, а следеа и многу теории на заговор и обвинувања дека песната „Tattoo“ е плагијат. На пример, Шпанците го обвинуваат овогодинешниот победник за плагијат. Тврдат дека песната премногу потсетува на други песни. Велат дека некои делови од песната потсетуваат на песната „The Winner Takes It All“ на групата АББА, додека рефренот потсетува на евровизиската победничка песна „Euphoria“ од 2012 година. Друга работа на која многу луѓе реагираа е инструменталниот вовед на песната. Тие велат дека тоа е многу слично на воведот на песната на Понт Аерис „Flying Free“ од 1999 година. Но, тоа не е се. Во текот на денешниот ден социјалните мрежи се вжештија бидејќи е забележана огромна сличност во музиката помеѓу победничката песна и онаа што ја отпеа украинската пејачка во 2005 година. Корисниците на социјалната мрежа Твитер велат дека песната „Tattoo“ е украдена. Имаше дури и снимка на оваа песна во оригиналната верзија, изведена од пејачката Мика Њутн.

Toliko. #caosvima #ESC2023 #Loreen #Eurovision23 😱 pic.twitter.com/aSRt7S17M8
— Tik Tok Slagalica (@TSlagalica) May 14, 2023

Секако, песната мора да биде нова како и музиката и текстот. Не смее да трае повеќе од три минути, мора да се пее во живо. Покрај тоа, на сцената не смее да има повеќе од шест луѓе. На Евровизија исто така нема место за политика, са само дел од строгите правила на ова музичко шоу.

Ед Ширан на суд: Се брани од обвинувањата за плагијат

Ивана Ефремовски — Thu, 27 Apr 2023 07:23:04 +0000

Ед Ширан се појави пред судот во Њујорк за да се брани од обвинувањата дека е плагијат песната „Let's Get It On“ на Марвин Геј и ја искористил за неговата сопствена хит балада „Thinking Out Loud“. -Англискиот пејач лично сведочеше дека „Thinking Out Loud“ ја компонирале тој и ко-писателката Ејми Веџ на заедничка сесија за пишување, инспирирана од љубовта меѓу неговите баба и дедо, објави „Гардијан“. Во тужбата, поднесена од наследниците на ко-сценаристот на Геј „Let's Get It On“, Ед Таунсенд, првично поднесена во 2017 година, се наведува дека Ширан и Веџ ја копирале нагорната секвенца од четири акорди, како и нејзиниот ритам. Адвокатот на тужителите Бен Крамп тврдеше дека снимката на која Ширан ја изведува „Thinking Out Loud“ во живо од „Let's Get It On“ е признание за плагијат. Пејачот подоцна возврати дека повеќето поп песни може да се комбинираат. -Можете да преминете од „Let it Be“ до „No Woman, No Cry“ и повторно да се вратите, рече тој, мислејќи на песните на Битлси и Боб Марли. Ширан повремено реагираше бурно за време на сослушувањето. „Ако го направев тоа за што ме обвинувате, ќе бев вистински идиот да застанам на сцената пред 20.000 луѓе и да го сторам тоа“, нагласи тој.

Нови обвинувања: Победничката песна на Евровизија е плагијат ?! (ВИДЕО)

Ивона Петрова — Mon, 07 Jun 2021 06:03:30 +0000

Евровизискиот победник, италијанската група „Манескин“ повторно е во центарот на вниманието откако се обвинети дека нивната песна „Zitti e buoni“ е плагијат. Џорис Лиснс, член на групата „The Vendettas“ обвинува дека делови од италијанската песна потсетуваат на нивниот хит „You want it, you’ve got it“. Оваа музичка група, прецизира РТЛ, сепак нема да превземе никакви правни мерки против Италијанците. -Оваа младина не беше родена кога ние имавме наш рок бенд, призна пејачот, но додава дека не е целосно сигурен дека се „ограбени“ Дали Демиано и останатите членови од групата победија на Евровизија со плагијат проценете сами. Песната „You want it, you’ve got it“ Песната “Zitti e Buoni”

Српскиот хит е копија од бугарската песна- снимена е пред две години и има над 20 милиони прегледи (ВИДЕО)

Дарко Андоновски — Tue, 22 Sep 2020 13:59:31 +0000

Малкумина кои знаат дека еден од најголемите хитови во овие моменти во регионот е копија од бугарска песна. Имено оргиналната песна ја изведува бугарската пејачка Галена, додека две години подоцна настанал истиот хит препеан од српската пејачка Тијана Милентијевиќ. Српската верзија на песната е насловена „Жена од султана“ додека бугарската е „Феноменален“. Сепак српската пејачка и видео спот имаат многу повеќе прегледи од бугарската верзија која очигледно не поминала толку многу добро колку што овој хит во овие моменти е највртен во регионот, слушнете.

Горан Бреговиќ осуден за плагијат тежок милион евра

Ивона Петрова — Tue, 16 Jun 2020 10:15:41 +0000

Босанскиот музичар Горан Бреговиќ е осуден за плагијат. Тој морал да му платил отштета од милион евра на францускиот композитор Енрико Масијас, поради недозволена употреба на неговата музика. Масијас поднел тужба против Бреговиќ пред околу десет години. Тој тврдеше дека Бреговиќ ја користел неговата музика и ја претставил како своја, за потребите во филмот „Сонот на Аризона“ на Емир Кустурица. Десет години подоцна, францускиот суд го прогласи Горан Бреговиќ за виновен

Трагата на еден владин плагијат

Предраг Кукиќ — Fri, 10 Aug 2018 13:09:38 +0000

Официјален постер на кампањата за референдумот кој треба да се одржи на 30-ти септември. Корица на книга за едукација на деца... ...објавена во Шпанија на 19 март 2015 година!

Судот ќе пресече: Доколку се докаже дека победничката песна на Евровизија е плагијат, Израел ќе го загуби изборот (ВИДЕО)

Дарко Андоновски — Wed, 04 Jul 2018 16:49:25 +0000

Победата на Израел на Евросонг 2018 е загрозена откако една од најголемите светски музички компании се закани дека ќе ги тужи композиторите на израелската песна поради повреда на авторски права. Компанијата „Universal Music Studios“ испрати писмо пред тужба до Дорон Медалие и Став Бегер кои заедно ја компонирале победничката песна на Нета, за која тврдат дека е копија на хитот “Seven Nation Army” од групата White Stripes од 2003 година. Ако ова тврдење се докаже на суд, Израел би можел да биде дисквалификуван од Евровизија, како и да го изгуби правото да биде домаќин следната година.

Излегоа докази: Овој голем хит е плагијат! (ВИДЕО)

Ивана Ефремовски — Mon, 02 Jul 2018 12:57:29 +0000

Британскиот пејач Ед Ширан доби тужба за плагијаторство за еден од неговите најголеми хитови „Thinking Out Loud“, и ако се докаже дека е точно, поп ѕвездата ќе мора да плати сто милиони долари. Тужбата е од семејството на покојниот Марвин Геј. Тие тврдат дека Ширан ги украл музиката, ритмот, хармонијата, тапаните, темпото и придружните вокали од песната „Let's Get It On“ од 1973 година. Ширан засега се уште не се огласил за обвиненијата. Песната „Thinking Out Loud“ се најде на неговиот албум „Х“ кој беше продаден во повеќе од 15 милиони примероци. На Јутјуб, пак, песната е преслушана над милијарда пати.

ФОТО: Македонски пејачи снимале плагијати, избришани илјадници видеа од Јутјуб

Даниел Василев — Tue, 17 Apr 2018 16:49:40 +0000

Илјадници песни на наши поп и фолк пејачи деновиве биле избришани од интернет каналот Јутјуб, бидејќи биле плагијати, односно песни кои биле превземени и преснимени без дозвола од продукцијата која ги поседувала авторските права. Како што дознава „Фокус“ српската продукција „Вејв Ентертејнмент“ до надлежните служби во Јутјуб доставила листа со видеата за кои поседува авторски права, а без дозвола биле преснимени и преземени од наши музичари, по што видеата биле избришани. Даниела Темелковска, Влатко Миладиновски, Татијана Стефановска, Ѓоко Јовиќ, ,,Анета Арсовска, група Молика, Дрим тим, Респекти, Екстра бенд и многу други музичари се нашле на црната листа и нивните видеа не се повеќе достапни на Јутјуб.

Исто така, се подготвувала и групна тужба од авторите чии песни биле нелегално преснимени, со цел да си ги остварат авторските права за во иднина да не се продолжи со старата пракса – градење на кариера и заработување од музика за која се немаат откупено авторските права. Од естрадни кругови дознаваме дека наши пејачи, поради завист неретко самите си ги пријавувале колегите плагијатори кај продукциите кои имале авторски права за одредена песна. Помеѓу наши музичари се коментира дека ова е всушност војна поради конкуренција, помеѓу самите пејачи, кои еден со друг се клеветеле. -Снимаат кавери на некоја песна, без воопшто да побараат дозвола или да го контактираат оригиналниот изведувач, ги игнорираат авторите, се снимаат плагијати. Денес веќе и самиот Јутјуб ги препознава ритмовите, па и да не е целата песна плагијат, туку само одреден дел, се случува веднаш да се тргне од каналот. Сето тоа е во ред, но се има случено да бидат избришани и стари народни песни, чиј автор е непознат, а ги препеале многу наши пејачи. Избришани се песните ,,Облаче ле бело’’, ,,Судбо моја’’, ,,Лилјано моме’’ и други, кои ги изведуваат повеќе музичари. Некои продукции си ги ставиле под нивна заштита, и можат да се вратат во етер на каналот единствено ако се докажат авторските права – раскажува соговорник за Фокус, продуцент во позната музичка продукција.

Евровизиски плагијат: Пејачот удри по Хрватска, престанете да лажете ми ја украдовте песната! (ВИДЕО)

Дарко Андоновски — Tue, 03 Apr 2018 07:34:45 +0000

Евровизија речиси и да не е во центарот на вниманието секоја година доколку не го поврзуваат скандали најгледаното шоу во Европа. Овој пат се работи за плагијат на песната на хрватската изведувачка Франка Бателиќ чија песна именувана како „Crazy“ наиде на критики на само месец дена пред почетокот на музичкиот натпревар. Романскиот музичар Гуез тврди дека хрватскиот евровизиски тим лаже. -Не постои бесплатна инструментална верзија од оваа песна, а продуцентот на хрватската песна ја злоупотребил целата музика. Престанете да лажете за мене, Романија не краде песни од Хрватска. Ви праќам бакнежи и за*бете со Евровизија, напиша на својот Фејсбук профил музичарот од Романија. Но и покрај ова хрватскиот тим вели дека песната не е плагијат, сепак сами одлучете: