планина водно – Kurir.mk

Дали “бегалецот” поради кој настрадаа тројца полицајци е висок полициски службеник: МВР не ги објави иницијалите на сторителот

Дарко Андоновски — Thu, 19 Aug 2021 11:45:40 +0000

Пред три дена во бркотница со автомобили на Водно беа повредени тројца полицајци кои се обиделе да запрат маж и жена кои бегале од нив. Возилото во кое биле мажот и жената било бркано затоа што не ја почитувало забраната за движење низ шума поради пожарите, објавува Експрес. Во официјалниот билтен на МВР од 17 август МВР го објавува настанот но тој е единствениот во кој не се наведуваат иницијалите на луѓето кои се сторители односно поради кои настрадале тројцата полицајци. “На 17.08.2021 околу 01.45 часот во Сончев град, на патот кон ул.„Мариовска“ за место викано „Теферич“, при даден знак за запирање од полициски службеници на патничко возило „шкода октавија“, без регистарски ознаки, во кое биле едно женско и едно машко лице, возилото не застанало. При обид да ги запрат, службеното возило на МВР излегло надвор од коловозот. Притоа, еден полициски службеник се здобил со тешки телесни повреди, а двајца полициски службеници со телесни повреди, констатирани во Градската општа болница „Св.Наум Охридски“. Се работи на расчистување на случајот”, пишува во билтенот на МВР во кој невообичаено за вакви настани не се објавени иницијалите на луѓето кои предизвикале повреди на тројца полициски службеници. Поради необјавените иницијали од кои ќе беше јасно за кого се работи во јавноста од полициски извори почнаа да се шират информации дека мажот кој по полноќ бил бркан низ парк шумата Водно бил висок полициски службеник во една од најважните полициски специјални единици. Според истите информации од полициски извори неговите иницијали како и иницијалите на неговата пријателка не се објавени во полицискиот билтен на МВР по жесток притисок од владини функционери во институција каде како обезбедување работи братот на предизвикувачот на повреди кај тројцата полицајци. Иако МВР најави дека се работи на расчистување на случајот се уште нема информација каква кривична пријава добил човекот чии иницијали МВР не ги објави во својот билтен. Во билтенот на МВР нема информации ниту за информациите дека лицето чии иницијали се кријат од полицајците бегал со службено возило.

Боров четник и се заканува да ја уништи шумата на Водно – Шилегов мува не го лази

Дарко Андоновски — Tue, 29 Jun 2021 10:25:47 +0000

Молецот боров четник и се заканува да ја уништи шумата Водно, потенцираат граѓаните кои ни се обратија и до нашата редакција. Имено граѓани од повеќе здруженија за спас на планината Водно до нашата редакција испратија апел до градот Скопје да започне авионско прскање на шумата со цел зачувување на боровите дрва кои речиси се уништуваат по наездата на овие молци. Тие се обратиле и до градот Скопје кој топката ја префрлил кон Факултетот за шумарство и земјоделство од каде исто така не преземаат ништо, за да на крајот како што велат тие, останеме без шумата Водно. -Жално е што ќе дозволиме Водно да ни се уништи и толкав број на борови дрва да ни се исушат поради негрижата на градскиот татко ако може така да го наречам Петре Шилегов, вели граѓанинот кој ни се обрати телефонски. Инаку боров четник е молец т.е гасеница која буквално може да уништи цела шума доколку се „здружат“ повеќе на едно место. Иако боровите се најподлежни на гасениците и другите дрвја како што е аришот исто така е ранлив на овие најголеми непријатели на природата.

ВНИМАВАЈТЕ: Полицијата вечерва со контроли расчистува поголеми групи луѓе на јавни простори- расчистена група млади на Водно!

Дарко Андоновски — Fri, 13 Mar 2020 21:44:53 +0000

МВР вечерва информира дека во врска со препораките на Владата за преземање на мерки за расчистување на поголеми групи на луѓе јавни простори, како една од мерките за справување со корона вирусот, СВР Скопје презеде мерки за расчистување на поголема група на млади на Водно. Уште еднаш апелираме до младите да ги почитуваат мерките на владата