планинарски марш – Kurir.mk

Планинарски марш на Пелистер во чест на Димитар Илиевски Мурато

Ивона Петрова — Sat, 13 May 2023 08:42:32 +0000

Планинарскиот спортски клуб „Пелистер“ во чест и слава на Димитар Илиевски-Мурато, првиот Македонец што се искачи на највисокиот врв на Светот, Еверест, денеска го организира 34. традиционален планинарски марш на кој учествуваат планинари од земјава и странство. Планинарите до Димев Врв на Пелистер ќе стигнат преку две маршрути, изјави за МИА Диме Попов, претседател на ПСК „Пелистер“-Битола. -Првата група планинари утрово стартуваше во 7 часот од Инфо центар и ќе се движат до Палиснопје, потоа Ловечка куќа, врв Пелистер и Димев Врв, додека втората маршрута стартуваше од Нижо Поле, потоа преку Дебел Рид, Големо Езеро и Партизански Врв, а на Широко Стапало ќе се спојат двете групи планинари и заеднички продолжуваат до врвот Пелистер, а потоа до Димев Врв. Според востановената традиција, за време на маршот, пред сите учесници ќе потсетиме на ликот и делото на Димитар Илиевски-Мурато и ќе положиме цвеќе пред споменикот на Мурато што се наоѓа во дворот на планинарскиот дом „Копанки“, потврди Попов. Пред 34 години, на 10 мај 1989 година, битолчанецот Димитар Илиевски Мурато, член на македонската алпинистичко-хималајска експедиција „Еверест 89“, беше првиот македонски алпинист кој се искачи и го освои највисокиот планински врв на светот Монт Еверест висок 8.848 метри.

Во тек пријавувањето за традиционалниот планинарски марш ,,Голак 2022″

Ивона Петрова — Sat, 03 Sep 2022 12:16:32 +0000

Започна пријавувањето за традиционалниот планинарски марш „Голак 2022″, што се одржува во организација на планинарскиот-спортски клуб „Голак”. -Осмиот традиционален марш ќе се одржи на 11 септември 2022 година (недела). Сите заинтересирани своето учество можат да се пријават најдоцна до четврток (09.09.2022) кај претседателот на клубот Љупчо Чучуковски на телефон 070/605-137 или на емаил адресата [email protected], информираа од ПСК ,,Голак” Делчево. Планинарски марш ќе биде во должина од 12 километри со висинска разлика од 1000 метри. -Патеката се искачува за 3 часа и 30 минути а се слегува за 2 часа. Истата е маркирана и добро позната на организаторот бидејќи е помината многу пати. Започнува од градот Делчево низ повеќе месности се до врвот Мала Чавка на 1538 м.н.в. минува низ дабова, габерова и борова шума, додадоа од делчевскиот планинарски клуб. Планинарскиот-спортски клуб „Голак” од Делчево, маршот го организира во соработка со Федерацијата за планинарство и Општина Делчево.

Планинарски марш на Водно по повод 9 Мај

Катерина Бојаџиева — Sun, 09 May 2021 06:59:19 +0000

Европското движење во Македонија, кое дејствува во рамките на Меѓународното европско движење со седиште во Брисел, по повод одбележувањето на Денот на европското знаме, 9 Мај, денеска го организира традиционалниот Марш на Водно. Стартот на маршот традиционално е закажан пред Европската куќа во 9 часот со краток церемонијален дел кога претставници на Европското движење и на Делегацијата на ЕУ ќе ги разменат македонското и знамето на ЕУ, а на група планинари и други заинтересирани граѓани, како и членови на Европското движење ќе им бидат доделени мали ЕУ и МК знамиња. Знамињата ќе се носат до врвот на Водно. На Средно Водно, пак, на учесниците ќе им се поделат вода и кроасани, но оваа година ќе биде изоставено традиционалното планинарско гравче. Организаторите истакнуваат дека за време на маршот ќе бидат запазени сите мерки за претпазливост за движење во групи и заштита од пандемијата со КОВИД 19.

Денеска планинарски марш на Водно по повод денот на Европа

Магдалена Андонова — Sat, 08 May 2021 07:43:38 +0000

Европското движење во Македонија, кое дејствува во рамките на Меѓународното европско движење со седиште во Брисел, по повод одбележувањето на Денот на европското знаме, 9 Мај, го организира традиционалниот Марш на Водно денес, 8.5.2021 година (сабота), со почеток во 09:00 часот. Стартот на маршот традиционално е закажан пред Европската куќа (Europe House) со краток церемонијален дел кога претставници на Европското движење и на Делегацијата на ЕУ ќе ги разменат македонското и знамето на ЕУ, а на група планинари и други заинтересирани граѓани, како и членови на Европското движење ќе им бидат доделени мали ЕУ и МК знамиња. Важно е да се потенцира дека за време на маршот ќе бидат запазени сите мерки за претпазливост за движење во групи и заштита од пандемијата со КОВИД 19. Знамињата ќе се носат до врвот на Водно. На Средно Водно, пак, на учесниците ќе им се доделат вода и кроасани, но оваа година ќе биде изоставено традиционалното планинарско гравче.

Утре планинарски марш на Водно по повод денот на Европа

Катерина Бојаџиева — Fri, 07 May 2021 15:50:45 +0000

Европското движење во Македонија, кое дејствува во рамките на Меѓународното европско движење со седиште во Брисел, по повод одбележувањето на Денот на европското знаме, 9 Мај, го организира традиционалниот Марш на Водно утре, 8.5.2021 година (сабота), со почеток во 09:00 часот. Стартот на маршот традиционално е закажан пред Европската куќа (Europe House) со краток церемонијален дел кога претставници на Европското движење и на Делегацијата на ЕУ ќе ги разменат македонското и знамето на ЕУ, а на група планинари и други заинтересирани граѓани, како и членови на Европското движење ќе им бидат доделени мали ЕУ и МК знамиња. Важно е да се потенцира дека за време на маршот ќе бидат запазени сите мерки за претпазливост за движење во групи и заштита од пандемијата со КОВИД 19. Знамињата ќе се носат до врвот на Водно. На Средно Водно, пак, на учесниците ќе им се доделат вода и кроасани, но оваа година ќе биде изоставено традиционалното планинарско гравче.