планини – Kurir.mk

ВО ОВИЕ МОМЕНТИ НА ОВИЕ МЕСТА ВО МАКЕДОНИЈА ТРУПА СНЕГ – вистинска зимска идила и снежна покривка од неколку сантиметри (ФОТО)

Дарко Андоновски — Tue, 22 Nov 2022 09:38:38 +0000

Во Македонија од вчера веќе дојде значително постудено време кое низ нашата држава донесе дожд, но и снег. Во текот на целата ноќ снег паѓаше на неколку повисоки места во Македонија, а во овие моменти според камерите на „SkiMacedonia“ може да се забележи дека паѓа снег на Попова Шапка и на повисоките места во Маврово. Снег има и на Галичица,а според метеоролозите нови врнежи се најавени и за во текот на ноќта, но и утре. Од УХМР најавуваат и засилен, а во источните делови и долж Повардарието повремено силен ветер од југоисточен правец (70 км/час). Попладне и во текот на ноќта ќе има врнежи од дожд, пообилни во западните делови (над 20 л/м2 за 12 часа). На повисоките планини врнежите ќе бидат од снег.

Променливо облачно време со локален дож, а на планините снег

Тале Кристо — Sat, 06 Mar 2021 08:06:56 +0000

Времето денеска во Македонија ќе биде променливо облачно, од наутро во западните, а потоа и во северните делови ќе има повремен локален дожд, а на планините снег. Ќе дува умерен до засилен северен ветер (понекаде со брзина од над 70 км/час). Ветерот ќе биде најизразен долж пошироко Повардарие и на повисоките места. Максималните дневни температури ќе достигнат во Скопје 11 Целзиусови степени, Маврово 5, Охрид 11, Битола 12, Крива Паланка 9, Кавадарци 13, Берово 10, Дојран 17. И за утре прогнозата е променливо облачно и посвежо со сончеви периоди особено во посеверните делови. Во јужните делови ќе има услови за слаб локален дожд, на планините за слаб локален снег. Ќе дува слаб до умерен претежно јужен ветер. Дневните температури ќе се движат од 3 до 12 степени.

Нова снежна покривка за викендот на планините, утре наместа пообилни врнежи дожд

Ивона Петрова — Fri, 25 Dec 2020 10:57:28 +0000

Нова снежна покривка ќе се формира викендов на планините од врнежите што ги најавуваат метеоролозите. Од УХМР информираат дека под влијание на влажен бран за време на викендот ќе преовладува облачно време со врнежи од дожд, а на планините од снег. Повремено врнежите ќе бидат пообилни, на места и поројни (локално над 20л/м2). Поради продор на постудена воздушна маса во недела врнежи од снег ќе има и на некои повисоки места, особено во западните делови од земјава. На планините ќе се формира нова снежна покривка. Од понеделник ќе преовладува претежно стабилно време, освен во крајните западни делови, каде ќе има услови за повремен дожд. Утре температурата утринска ќе биде од три до седум, дневната од шест до 14. Во недела утринската од два до осум, дневната од 4 до 11 степени. Во наредната недела утринските температури ќе се спуштат и под нулата и ќе се движат од минус три до седум степени. Дневните ќе бидат од 5 до 15 степени.

На планините снег, најмногу на Маврово

Ивона Петрова — Wed, 04 Dec 2019 07:19:18 +0000

На планините од утринава има снег. Најмногу снег има наврнато во Маврови Анови 11 сантиметри, додека во Берово снежната покривка изнесува осум сантиметри и на Попова Шапка шест сантиметри. Снег има и во Пожаране девет сантиметри, во Крива Паланка, Лазарополе и Штип три сантиметри, во Тетово и Крушево два сантиметри и во Битола еден сантиметар. Снег нема само на крајниот југозапад и крајниот југоисток од државата. Утринава е облачно, а на места се уште провејува слаб снег и дува слаб до умерен северен ветер. Синоптичарите за денеска најавуваат променливо облачно и студено време со слаб до умерен ветер претежно од северен правец. Дневната температура ќе биде во интервал од -1 до 5 степени. Во Скопје слично време со температура до четири степени.

ФОТО: Непалец постави рекорд за најбрзо искачување на 14-те највисоки врвови

Ивона Петрова — Tue, 29 Oct 2019 08:42:04 +0000

Нирмал Пурџа од Непал тврди дека поставил нов светски рекорд за најбрзо искачување на сите врвови повисоки од 8.000 метри на Земјата. „ Мисијата е завршена!“, напиша планинарот откако се искачи на Шишапангма, последниот врв од листата што му преостануваше. Тој лани доби признание за искачување на три од петте највисоки планини за пет дена, три часа и 35 минути. Пурџа, неофицијално, ги искачи врвовите за седум месеци, а досегашниот рекорд беше седум години, 11 месеци и 14 дена.

“MISSION ACHIEVED !” says @nimsdai from the summit of #Shishapangma #14peaks7months #History At 8:58 hrs local time, Nims and his team reached the summit of Shisha Pangma. Team Members includes: Mingma David Sherpa, Galjen Sherpa and Gesman Tamang.#BremontProjectPossible pic.twitter.com/PeYUVQ7RnL
— Nirmal Purja MBE (@nimsdai) October 29, 2019