пласман – Kurir.mk

УЕФА го зголеми фондот за клубовите без пласман во групната фаза

Тале Кристо — Thu, 07 Sep 2023 18:01:37 +0000

Фудбалските клубови кои нема да успеат да се пласираат во групната фаза во едно од трите европски клупски натпреварувања од следната сезона ќе добијат поголем дел од приходот од УЕФА, согласно новиот модел на распределба објавен денеска. УЕФА и Здружението на европски клубови (ЕЦА) потпишаа нов договор со важност до 2030 година, кој „ќе ја засили долгорочната стабилност и одржливиот раст во европскиот клупски фудбал“, се наведува во официјалното соопштение. Здружението на европски лиги, кое ги застапува професионалните фудбалски лиги во Европа, прецизираше од своја страна дека измените ќе донесат 308 милиони евра за распределба меѓу клубовите, во споредба со сегашните 175 милиони евра. „Денешната објава ќе им помогне на сите клубови ширум Европа да ја зачуваат својата конкурентност на теренот и надвор од него, додека продолжуваат да инвестираат во младите и развојот на таленти“, се додава во заедничкото соопштение на УЕФА и ЕЦА.

Португалија и Хаити обезбедија дебитантски настапи на женскиот Мундијал во фудбал

Тале Кристо — Wed, 22 Feb 2023 14:17:00 +0000

Репрезентациите на Португалија и Хаити ги пополнија денеска две од преостанатите три места за настап на Светското фудбалско првенство во женска конкуренција кое од 20 јули до 20 август ќе се одржи во Австралија и Нов Зеланд. Својот дебитантски настап на мундијалскиот турнир фудбалерките на Португалија го обезбедија со триумф во плејофот против Камерун од 2-1 по продолжение во новозеландскиот град Хамилтон. Португалија на Мундијалот ќе игра во групата Е против САД, Виетнам и Холандија. Претходно денеска свое прво Светско првенство обезбеди и Хаити триумфирајќи во Оукленд над Чиле со 2-1. Хаити на завршниот турнир ќе биде во групата Д со Англија, Данска и Кина. Последниот учесник на претстојното Светско првенство ќе биде познат по одигрување на утрешниот плејоф во Хамилтон меѓу репрезентациите на Панама и Парагвај, а победникот ќе игра во групата Ф со Бразил, Јамајка и Франција.

Хендбол планет со прогноза за Светското, на Македонија и предвидуваат катастрофален пласман

Ристе Здравков — Thu, 12 Jan 2023 13:08:08 +0000

Најпознатиот сајт за ракомет не ја респектира многу подмладената репрезентација на Македонија, ниту нашата ракометна традиција, потврдена со пласман во топ 11 во светот и тоа два пати. Handball-Planet.com го состави конечното рангирање на 32-те земји учеснички на Светското првенство во Шведска и Полска кое се игра од 11 до 29 јануари. Според нивната прогноза, Данска трет пат по ред ќе го зграпчи златото, среброто ќе го освои Франција, а бронзата ќе оди кај Шведска. Понатаму, четвртата селекција која ќе стигне до полуфинале ќе биде Шпанија, а Исланд, Хрватска и Германија ќе бидат репрезентациите кои ќе се пласираат на олимпискиот квалификациски турнир. Блиску до четвртфиналните битки ќе бидат Египет, Србија, Португалија и Словенија. На Македонија која инаку на СП 2009 заврши 11-та, а шест години подоцна во Катар стигна до најдобриот пласман како 9-та во свет и ја предвидуваат позицијата број 25 и утешниот „Президентс куп“ во кој продолжуваат сите елиминирани селекции од првата фаза. Да се надеваме дека ќе излезат како многу лоши пргнозери, барем што се однесува на тимот на Кире. 1. Данска 2. Франција 3. Шведска 4. Шпанија 5. Исланд 6. Хрватска 7. Норвешка 8. Германија 9. Египет 10. Србија 11. Португалија 12. Словенија 13. Унгарија 14. Бахреин 15. Полска 16. Аргентина 17. Црна Гора 18. Холандија 19. Бразил 20. Тунис 21. Катар 22. Иран 23. Зеленортски Острови 24. Мароко 25. Македонија 26. Белгија 27. Алжир 28. Јужна Кореа 29. Саудиска Арабија 30. Чиле 31. САД 32. Уругвај

Италија сепак ќе се пласира на СП во Катар?!

Ристе Здравков — Wed, 30 Mar 2022 18:23:45 +0000

Фудбалската репрезентација на Италија второ Светско првенство по ред не успеа да обезбеди пласман, откако во полуфиналето од баражот за мундијалот во Катар загуби на домашен терен од Македонија со 0-1. И покрај тоа што Италија преку квалификациите не успеа да се најде во Катар, од оваа земја веруваат дека би можеле да влезат на шампионатот како замена. Имено на последниот меч на Иран во квалификациите против Либан не им беше дозволено на жените да влезат на стадионот. Оваа одлука не им се допадна на раководните лица на ФИФА, па сега се шпекулира дека поради тоа оваа земја би можела да остане без мундијалот, а на нејзино место да влезе Италија како најдоброрангирана земја на ФИФА ранг листата и актуелен европски шампион.

Сејдини: Македонските фудбалери ќе дадат максимум за историски пласман на Светско првенство

Тале Кристо — Thu, 24 Mar 2022 17:57:09 +0000

Претседателот на Фудбалската федерација на Македонија (ФФМ), Муамед Сејдини е уверен дека националниот тим вечерва против Италија во Палермо ќе даде максимум за да го исполни историскиот сон и да обезбеди пласман на Мундијалот 2022 во Катар. – Оваа репрезентација и овие момци ги краси карактер и заедништво. Тие веќе покажаа дека се спремни за големи работи. Македонските играчи веруваат во себе и знам дека ќе дадат сè од себе за да го исполнат сонот за пласман на Светско првенство, истакна Сејдини во видеообраќање пред вечерашниот полуфинален мундијалски бараж против актуелниот европски првак. Дуелот започнува во 20:45 часот на стадионот „Ренцо Барбера“, чиј капацитет од 36.000 седишта е распродаден, а „црвено – жолтите“ ќе имаат поддршка од трибините од околу 2.000 навивачи. Првиот човек на ФФМ во обраќањето упати посебна благодарност до нив. – Благодарност до сите навивачи, кои дојдоа да ја бодрат репрезентацијата, уживајте, порача Сејдини.

Клоп: Барнли за нас беше полуфинале, Кристал Палас е финале за пласман во ЛШ

Тале Кристо — Thu, 20 May 2021 07:34:42 +0000

Тренерот на Ливерпул, Јирген Клоп ја коментираше победата над Барнли со 3:0 во 37. коло од Премиер лигата и се искачи на 4. место на табелата кое носи пласман во Лигата на шампионите. – Тоа беше за нас полуфинале и го добивме. Моравме да го сториме тоа. Ништо сè уште не е решено, но ја подобривме нашата позиција во борбата за Лигата на шампионите. Ние го заслужуваме тоа затоа што игравме добро против Барнли. Финалето е пред нас. Треба да се освежиме што е можно побрзо и да се подготвите за последниот натпревар. Навистина со нетрпение го очекувам, бидејќи на „Енфилд“ ќе има 10 илјади навивачи. Сè уште ништо не е решено – Кристал Палас е многу силен, изјави Клоп. Во последното 38. коло од англискиот шампионат, Ливерпул ќе игра на домашен терен против Кристал Палас. Средбата ќе се одржи в недела на 23 мај.

Доколку не се пласира во Лигат на шампиони, Ливерпул ќе има проблем со трансверите

Тале Кристо — Thu, 04 Mar 2021 08:52:06 +0000

Тренерот на Ливерпул, Јирген Клоп зборуваше за потенцијалните проблеми на клубот на трансфер пазарот доколку ја пропушти Лигата на шампионите оваа сезона. – Најважната работа за нас е влез во Лигата на шампионите. Од ова многу зависи финансискиот фактор. Самиот турнир е исто така одличен, но парите се важни за клубовите. Секако, би сакал да ги инспирирам играчите за време на преговорите. Кога првпат дојдов во Ливерпул, преговаравме со играчи кои имаа понуди од клубови од Лигата на шампионите, а ние можевме да им ја понудиме само Лигата на Европа, изјави Клоп за „Goal“. Ливерпул е шести во поредокот во Премиер лигата со 43 бода од 26 натпревари. Тимот заостанува зад зоната во Лигата на шампионите два бода.

Ниту еден германски клуб не се пласираше во осминафиналето во Лига Европа

Тале Кристо — Fri, 26 Feb 2021 06:45:53 +0000

Ниту еден германски клуб не избори учество во осминафиналето во Лигата на Европа, за прв пат од 2014 година. Баер Леверкузен два пати загуби од Јанг Бојс во 1/16финалната пресметка (3:4, 0:2), додека Хофенхајм беше послаб од Молде (3:3, 0:2). Така, ниту еден клуб од Бундеслигата не се пласираше во 1/8 финалето на турнирот по втор пат во историјата на второто по квалитет клупско фудбалско натпреварување во Европа. Претходно во тековната Лига Европа, Волфсбург загуби во плејоф рундата од грчки АЕК (1:2).

Несторовски ги уништи надежите на Рома за пласман во ЛШ

Тале Кристо — Fri, 03 Jul 2020 06:35:15 +0000

Рома загуби од Удинезе со 0:2 како домаќини во 29-то коло од Серија „А“ синоќа а поразот на „волчицата“ практично значи крај на нивните соништа за место во топ 4 и пласман за Лигата на шампионите следната сезона. Во 12. минута Кевин Лазања успеа да го доведе својот тим предност на „Олимпико“. Половина час подоцна, играчот на Рома, Диего Пероти беше испратен со директен црвен картон за фаул над противничкиот играч. Дванаесет минути пред крајот на регуларното време Удинезе стигна до вториот гол преку нашиот Илија Несторовски. Така, Удинезе се искачи на 14-тата позиција во Серија „А“ со 31 поен – шест бода над зоната за испаѓање. Рома, од друга страна, останува на петтото место со 48 бода – 12 зад четвртата Аталанта, која го доби својот натпревар од рундата.

ВЕСЕЛА МАТЕМАТИКА: Македонија само на овој начин може да се пласира во следната фаза на ЕП во ракомет

Тале Кристо — Sun, 12 Jan 2020 19:59:16 +0000

Во третото коло Чешка ќе игра со Украина. И двете репрезентации имаат своја математика. Ако слави Украина со два гола разлика, а Македонија загуби од Австрија, тогаш Македонија, Чешка и Украина ќе имаат по два бода, но понатаму ќе оди Украина, заедно со Австрија. Но ако Украина ја совлада Чешка, нам ќе ни биде доволен и бод од средбата со Австрија. Ако Украина и Чешка играат нерешено, тогаш нам ни треба било каква победа против Австрија. Ако, пак, земеме дека Чешка реално ќе ја совлада Украина, тогаш нашите математики се следни: – Ќе ни треба победа против Австрија со 1 гол разлика, но и ќе мораме да постигнеме најмалку 32 гола на таа средба. Во тој случај прва е Австрија, а втора е Македонија. – Ако ја победиме Австрија со два гола разлика, тогаш пак Австрија е прва, а ние втори, но не ќе мораме да бркаме 32 гола. – Ако Македонија победи со три гола разлика, тогаш Македонија е прва, а Австрија е втора. – Ако Македонија победи со 4 или повеќе голови, Македонија е прва, Чешка втора, а Австрија испаѓа од игра. Извор: Дриблинг.мк