плата – Kurir.mk

Британец кој бил на боледување 15 години ја тужел компанијата затоа што не му ја зголемила платата во тој период

Ивона Петрова — Sun, 29 Oct 2023 20:02:20 +0000

Иан Клифорд, 50-годишен ИТ вработен во технолошкиот гигант IBM ја тужел компанијата затоа што не му ја зголемила годишната плата од 62.000 евра во периодот од 15 години колку што бил на боледување. Клифорд тврделдека бил жртва на дискриминација поради инвалидитет бидејќи неговата плата не била покачена во 15-те години кога бил без работа. Тој смета дека „не е алчно да се сака зголемување на платата“. ИТ експертот добивал повеќе од 62.000 евра годишно според здравствениот план на IBM и гарантирано ќе зема плата до 65-годишна возраст. Сепак, Клифорд тврдел дека тоа „не е доволно дарежливо“, бидејќи неговата плата ќе „овене“ со текот на времето поради инфлацијата. 50-годишникот зел боледување поради ментално здравје во 2008 година, а во 2012 година му била дијагностицирана леукемија во четврта фаза. Сепак, минатата година тој ја тужел компанијата за дискриминација на инвалидитет бидејќи IBM не му ја зголемила платата од 2013 година. Но, трибуналот за вработување во Ридинг, Беркшир, го отфрли неговото барање, при што судијата му кажал на Клифорд дека му била дадена „многу значајна придобивка“ и „поволен третман“. Зборувајќи за првпат по пресудата, Клифорд рече дека сака да се погрижи неговиот син да биде згрижен и дека шансата тој да живее до 65 години е „малку веројатна“.

„Реалната плата паѓа, стандардот е се понизок, картели на власта профитираат на грбот на народот“

Катерина Бојаџиева — Tue, 26 Sep 2023 06:33:08 +0000

Реалната плата паѓа, стандардот е се понизок, картели на власта профитираат на грбот на народот, велат од ВМРО-ДПМНЕ. -Реалната плата е помала за 5%, и со тоа Македонија ја има најлошата статистика во регионот. Стандардот е се понизок, народот од година во година е се посиромашен, тоа што се купувало пред неколку години за 500 денари, сега не може ниту со 1.000 денари. Апсурдот е уште поголем што земјоделските производи кои од земјоделците се купуваат по екстремно ниски цени на пазарите завршуваат неколкукратно поскапо. Парите наместо кај земјоделците завршуваат кај фирми блиски до власта, прекупувачи кои повеќе асоцираат на картели, отколку на бизнисмени. Власта не сака да ги реши проблемите. Власта ги создава проблемите. Потребни се промени, додаваат од партијата.

Просечната нето-плата во јули изнесувала 36.286 денари

Ристе Здравков — Thu, 21 Sep 2023 08:51:55 +0000

Според податоците на Државниот завод за статистика, индексот на просечната месечна исплатена нето-плата по вработен во јули 2023 година, во однос на јули 2022 година, изнесува 114.1. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Градежништво (19.5 %), Образование (17.2 %) и Јавна управа и одбрана; задолжително социјално осигурување (16.8 %). Намалување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (7.9 %), Финансиски дејности и дејности на осигурување (5.3 %) и Објекти за сместување и сервисни дејности со храна (4.6 %). Просечната месечна исплатена нето-плата по вработен, во јули 2023 година, изнесува 36 286 денари.

ССМ: Без плата вработените во „Печатница“ која треба да ги печати учебниците и „Службен весник“

Ивона Петрова — Mon, 11 Sep 2023 13:37:40 +0000

Вработените во „Печатница Напредок принт“ и „Напредок 1“ кои преку „Просветно дело“ се ангажирани за издавање на дел од учебниците за средно образование за државните институции и кои подолг временски период го печатат „Службен весник“, веќе два месеца немаат добиено плата од работодавачот (управителот), со што се загрозува навременото печатење на учебниците, како и на „Службениот весник“, соопшти Сојузот на синдикатите на Македонија (ССМ). Според ССМ, со ова, освен што се нанесува штета кон вработените со неисплаќањето на платите, ќе се нанесе штета и на образовниот процес, како и на редовната објава на сите службени акти во Службениот весник. -Работниците веќе со години немаат навремено здравствено осигурување, а 80 отсто од нив се над 50 години старост и лекувањата ги плаќаат на приватно. Управителот на Печатниците, иако наплаќа државни пари, пари од граѓаните и од даноците, не исплаќа редовно плата ниту пак здравствено осигурување кон вработените, а што во изминатиот период по пријави на ССМ е констатирано брзо и ефикасно и од страна на Државниот инспекторат за труд, наведува ССМ. Сојузот бара државните институции веднаш да преземат мерки за да не се доведе во прашање печатењето на учебниците и на Службениот весник. -Работниците се подготвени да ги преземат сите чекори и преку протест и евентуален штрајк да го остварат ова егзистенцијално работничко право на плата и со тоа да си овозможат подостоинствен живот за себе и за своите семејства, а ние, заедно со Синдикатот ССДМ при ССМ ќе застанеме со работниците и ќе им ја дадеме целосната поддршка во борбата за остварување на нивните права од работен однос, велат од ССМ.

Спасовски: 10% поголема плата од први октомври за вработените во МВР и К15 од 10 000 денари

Ристе Здравков — Mon, 11 Sep 2023 09:03:18 +0000

На први октомври ќе имаме зголемување на платите на сите вработени во МВР за 10 проценти и до крајот на годината, регрес за годишен одмор од 10 000 денари за секој полициски службеник. Ова го порача министерот за внатрешни работи, Оливер Спасовски на отворањето на синдикалните игри на МПС. „Секогаш кога верувате во една иста цел, мора да дојдете до решение. Тоа решение мора да биде во интерес на членовите на Македонскиот полициски синдикат, но и на сите вработени во МВР“ порача Спасовски. Изјавата од министерот Спасовски погледнете ја ТУКА

Прекин на железничкиот сообраќај од 16 часот: Бојкот на машинскиот и извршен персонал поради неисплатена плата

Ивона Петрова — Fri, 25 Aug 2023 13:39:03 +0000

Машинскиот и извршен персонал во ЖРСМ Транспорт попладнево во 16 часот ќе стапи во бојкот со прекин на железничкиот сообраќај поради неисплатен втор дел од платата за јули, изјави за МИА Тони Димовски, претставник на машинскиот и извршниот персонал. Димовски најави дека нема да сообраќаат патничките и товарните возови. -Бојкотот ќе трае до исполнување на поставеното барање, изјави Димовски. Тој соопшти дека првиот воз што нема да сообраќа поради бојкотот ќе биде на релација Скопје-Гевгелија предвиден со возниот ред за 16:55 часот.

Кога парите се во прашање, ОВИЕ луѓе не можат да се контролираат – платата им трае еден ден

Ивана Ефремовски — Wed, 23 Aug 2023 16:25:10 +0000

Факт е дека сите ние сакаме малку да се опуштиме, а понекогаш и да потрошиме повеќе на одредени работи што нè прават среќни, како облека, храна, патувања, автомобили и слично. Сепак, во хороскопот постојат знаци кои едноставно трошат премногу често и премногу непотребно. Кога станува збор за пари, тие се неодговорни и не можат да се контролираат. 1. Близнаци Претставниците на овој знак се најнеодговорни кога станува збор за парите. Тие се толку безгрижни со парите што можат да ја потрошат целата своја плата за еден ден, поради што честопати се наоѓаат во финансиски проблеми. 2. Стрелец Стрелците, заради изразениот оптимизам, лесно ги надминуваат границите на реалноста. Планираат и остваруваат работи за кои немаат апсолутно никакви пари, но некако секогаш успеваат. Нивните намери се добри, но тие едноставно се невнимателни и често се однесуваат детско. Стрелците сакаат забава и ќе ги потрошат последните пари на добра забава. 3. Лав Лавовите трошат пари исклучиво на себе. Не им е грижа колку пари имаат на сметката, туку само уживаат да во животот. Тие не жалат што трошат огромни суми пари на луксузна облека и накит. Исто така сакаат адреналин, па затоа често се занимаваат со коцкање со цел да ги зголемат своите пари.

Просечната нето-плата во јуни 36.527 денари

Катерина Бојаџиева — Mon, 21 Aug 2023 12:32:27 +0000

Просечната месечна исплатена нето-плата по вработен, во јуни годинава изнесува 36.527 денари и во однос на јуни лани е зголемена за 14,6 проценти, објави денеска Државниот завод за статистика. Зголемувањето се должи, пред сѐ, на растот на просечната месечна исплатена нето-плата во секторите: Градежништво (19,6 проценти), Информации и комуникации (17,9 проценти) и Образование (17,5 проценти). Зголемување на просечната месечна исплатена нето-плата по вработен, во однос на претходниот месец, е забележано во секторите: Трговија на големо и трговија на мало; поправка на моторни возила и мотоцикли (6,3 проценти), Рударство и вадење на камен (5,7 проценти) и Објекти за сместување и сервисни дејности со храна (3,2 проценти). Просечната месечна исплатена бруто-плата по вработен, во јуни изнесува 54.720 денари.

Политичарите во Австрија нема да добијат зголемување на платата

Катерина Бојаџиева — Thu, 03 Aug 2023 16:51:29 +0000

Највисоките австриски политичари нема да добијат зголемување на платите оваа година и покрај високата инфлација, соопштија канцеларот и вицеканцеларот канцеларот Карл Нехамер и вицеканцеларот Вернер Кеглер. Одлуката се однесува на сојузниот претседател и сите членови на кабинетот, како и на претседателот на Националниот совет, Долниот дом на Парламентот и претседателите на пратеничките групи. Платите на политичарите обично се врзани со инфлацијата и во нормални околности тие би имале право на рекордно зголемување од 9,7 отсто оваа година. Австриската Влада соопшти дека на провинциските политичари и пратеници може да им се зголемат платите за 50 отсто од стапката на инфлација односно за приближно пет проценти. Одлуката на австриската Влада уследи откако опозициските Австриска Социјалдемократска партија (АСДП) и Австриската Партија на слободата (АПФ) ја критикуваа валоризацијата. АСДП преку соопштението побара замрзнување на платите на владата и федералните власти. - Би било апсолутно неморално платите на членовите на федералната влада да добијат најголемо зголемување, напиша шефот на АСДП, Андреас Баблер, кој исто така повика на валоризација на бенефициите за невработеност. И лидерот на АПС, Херберт Кикл валоризацијата ја „безобразна“. - Не е можно членовите на Владата да продолжат да заработуваат сè повеќе пари додека населението се бори со огромни финансиски и егзистенцијални проблеми, изјави Кикл, додавајќи оти АПС наесен ќе поднесе предлог против зголемувањето на платите на политичарите.

Работник од Унгарија по грешка примил 92.500 евра плата, но среќата кратко му траеше

Ивана Ефремовски — Thu, 03 Aug 2023 07:09:58 +0000

Вработен во унгарска компанија наместо форинти по грешка примил плата од над 92.500 евра, па затоа добил 388 пати повеќе пари отколку што му следувале. Човекот кому компанијата му го прекинала работниот однос пред истекот на пробниот период, ѝ дал сметка од австриска банка за да му ја исплатат преостанатата плата. Но, фирмата на таа сметка префрлила 92.549 евра наместо 92.549 унгарски форинти што му ги должела, а тоа е во реална вредност од 238 евра. Набргу потоа, компанијата си ја открила грешката и побарала од човекот да го врати „вишокот“. Тој одбил да го стори тоа, оправдувајќи се на различни начини. Меѓу другото, тој им кажал и дека моментно нема пристап до сметката. А, во меѓувреме, од банкомат во градот Капошвар, југозападна Унгарија подигнал околу 15.000 евра. Бидејќи поранешниот вработен упорно одбивал да ѝ го врати вишокот на компанијата, Обвинителството во Капошвар поднесе обвинителен акт против него. Поднесена е кривична пријава за злоупотреба на средства, според официјалните документи. Австриските власти успеале да ѝ вратат поголем дел од парите на оштетената компанија. Обвинителството бара да се изрече парична казна и да се надомести преостанатата штета на компанијата. (МИА)