платежна картичка – Kurir.mk

18 годишник пронашол паричник со платежна картичка, па си точел гориво – си пазарел и во продавници, еве ги деталите

Дарко Андоновски — Tue, 28 Mar 2023 14:30:38 +0000

Поради постоење основано сомнение за сторено кривично дело „оштетување и неовластено навлегување во компјутерски систем“, СВР Охрид поднесе кривична пријава против А.А.(18) од Охрид. Тој, на 05.03.2023 година, на улицата „7 Ноември“ во Охрид, пронашол паричник во кој имало платежни картички и други документи, при што противправно во неколку наврати, неовластено ја искористил платежната картичка во неколку продавници и бензински пумпи.

Седум месеци со измама ја користел картичката на својот татко – детали за дрскоста на маж од Пробиштип

Ивана Ефремовски — Tue, 27 Dec 2022 15:36:25 +0000

Надворешната канцеларија за криминалистички работи Пробиштип поднесе кривична пријава против И.Ј.(39) од Пробиштип, поради постоење основи на сомнение за сторено кривично дело „изработка и употреба на лажна платежна картичка“. Во периодот од март до октомври 2022 година, пријавениот набавил банкарски податоци од дебитна платежна картичка на неговиот татко, по што преку интернет извршил 39 успешни трансакции кон повеќе домашни правни лица. Со тоа го оштетил за износ од 74.465 денари.

Скопјанец пронашол туѓа платежна картичка и со неа си пазарел, поднесена кривична пријава

Магдалена Андонова — Fri, 18 Nov 2022 14:05:15 +0000

СВР Скопје – Единица за економски и компјутерски криминал поднесе кривична пријава против А.Ј.(35) од Скопје, поради постоење основи на сомнение за сторено кривично дело „оштетување и неовластено навлегување во компјутерски систем“ по член 251 од Кривичниот законик. Имено, пријавениот пронашол изгубена платежна картичка на лице од Скопје и, наместо да ја врати, со неа плаќал стоки и услуги во разни правни лица. На тој начин тој се стекнал со противправна имотна корист од 14.652 денари.

Пронашол туѓа картичка и од нејзе потрошил 229 илјади денари: Полицијата го пронајде лицето, еве што следува

Магдалена Андонова — Wed, 02 Nov 2022 10:46:50 +0000

На 01.11.2022 во 09.30 часот, полициски службеници од СВР Куманово го лишиле од слобода Р.Х.(48) од Куманово. Тој се сомничи дека откако пронашол платежна картича на 40-годишна жена од Куманово од неа извршил повеќе нелегални трансакции во вредност од 229.531 денари. Платежната картичка била пронајдена и вратена на сопственичката. Лицето било задржано во полициска станица и по целосно документирање на случајот против него ќе следува соодветна пријава.

Млад кавадарчанец испразнил туѓа платежна картичка

Ивана Ефремовски — Fri, 15 Jul 2022 15:19:44 +0000

ОВР Кавадарци поднесе кривична пријава против И.Б.(21) од Кавадарци, поради постоење основи на сомнение за сторено кривично дело „оштетување и неовластено навлегување во компјутерски систем“. На 02.03.2022 и на 04.03.2022 на подрачје на Кавадарци и Неготино, пријавениот неовластено употребил платежна картичка на лице од Кавадарци и во повеќе наврати подигнал парични средства во износ од 16.500 денари.

Тинејџери украле чанта, а со платежната картичка во неа „пазареле“ на бензинска

Магдалена Андонова — Wed, 29 Jun 2022 15:33:23 +0000

Денеска во Скопје, полициски службеници од Одделението за криминалистички работи Карпош и Единицата за интервентна полиција при СВР Скопје ги лишиле од слобода М.С.(18) и еден малолетник, двајцата од Скопје. Тие се сомничат дека на 04.06.2022 на ул.„Миле Поп Јорданов“ со употреба на електрошок од З.М. од Скопје одзеле чанта со лични документи и платежна картичка, кој ја употребиле на неколку бензински станици. При претрес во домот на М.С., извршен со судска наредба, бил пронајден електрошок и други предмети кои потекнуваат од кривичното дело. Тие биле приведени во полициска станица и по целосно документирање на случајот против нив ќе биде поднесена соодветна пријава.

Кривична пријава против кичевчанец, „олеснил“ свој сограѓанин за околу две илјади евра

Тале Кристо — Fri, 27 May 2022 14:05:31 +0000

Надворешната канцеларија за криминалистички работи Кичево поднесе кривична пријава против И.И.(44) од с.Манастирско Доленци, кичевско, поради постоење основи на сомнение за сторено кривично дело „оштетување и неовластено навлегување во компјутерски систем“. Во текот на февруари 2022 година во Кичево, И.И. неовластено дошол до платежна картичка и пин на лице од Кичево и од банкомат во неколку наврати извршил трансакции и се стекнал со противправна имотна корист од околу 126.000 денари.

Кривична пријава за „изработка и употреба на лажна платежна картичка“

Катерина Бојаџиева — Wed, 18 May 2022 14:32:07 +0000

СВР Скопје – Единица за економски и компјутерски криминал, по преземени мерки и активности, расчисти кривично дело „изработка и употреба на лажна платежна картичка" по чл.274-б од Кривичниот законик. Имено, М.А. од Скопје пријавил дека во текот на април 2022 година без негово знаење и согласност во два наврати му била злоупотребена платежната картичка и му биле повлечени парични средства во вкупен износ од 18.200 денари. Веднаш биле преземени мерки и било утврдено дека сторител на делото е Д.А., по што од Единицата за економски и компјутерски криминал до ОЈО Скопје поднесен е соодветен поднесок.

Спортско обложување на интернет страна плаќал со туѓа картичка

Ивана Ефремовски — Sat, 08 Aug 2020 12:17:23 +0000

ОВР Прилеп до ОЈО Прилеп поднесе кривична пријава против А.Ц.(26) од Прилеп, поради постоење основи на сомнение за сторено кривично дело „оштетување и неовластено навлегување во компјутерски систем“. Пријавениот, искористувајќи ги податоците од платежната картичка на Е.У., извршил повеќе плаќања за спортско обложување на интернет страна, стекнувајќи се со противправна имотна корист, а на штета Е.У.

Ќе го урнат ли јавниот предизборен поткуп: Платежната картичка на владата на Уставен суд

Љупчо Цветаноски — Wed, 08 Jul 2020 09:35:13 +0000

Уставниот суд на Република Северна Македонија денеска ќе одржи седница на чиј дневен ред се повеќе иницијативи за оценување на уставноста и законитоста на неколку уредби со законска сила и одлуката за утврдување на постоење на вонредна состојба. На дневен ред на 24-тата седница на Уставен суд се 16 точки, од кои прва е иницијативата за оценување на уставноста и законитоста на Член 353 став 5 од Кривичниот законик, кој предвидува казна затвор од минимум пет години за функционери кои го оштетиле буџетот со јавни набавки. Од Уставниот суд за МИА велат, дека ова е една од поинтересните точки за медиумите и дека по завршување на седницата ќе информираат за сите точки на дневен ред. – Уставниот суд еднаш има расправано и одлучувањето беше одложено, велат од Уставниот суд. Уставниот суд оваа иницијатва, под број 106/2018 претходно ја има разгледано на 26-тата седница одржана на 13.11.2019 година. На дневен ред се и уредбите со законска сила за финансиска подршка на граѓаните и вработените лица со низок доход, млади лица и здравствени работници преку издавање домашна платежна картичка намената за купување на македонски производи и услуги за време на вонредна состојба и уредбата за прашања поврзани со изборниот процес, како и одлуката за утврдување на постоење на вонредна состојба од 16 мај 2020 година