платформа Х – Kurir.mk

ЌЕ СЕ ОТКАЖЕТЕ УШТЕ ДЕНЕС: Платформата X воведе уште две нивоа на претплата, еве колку чинат и што нудат

Дарко Андоновски — Mon, 30 Oct 2023 11:42:28 +0000

Дали ви беше прескапо да плаќате осум евра месечно за X Premium? Платформата на Маск сега нуди уште две нивоа на претплата, едното за три, а другото за дури 16 евра месечно, со различни достапни функции. Продолжуваат обидите на X (поранешен Twitter) да префрли што е можно повеќе свои корисници на еден од платените начини на користење. По контроверзната платена програма за верификација Twitter Blue, која сега се нарекува X Premium и чини осум евра месечно, социјалната мрежа и нејзиниот сопственик Илон Маск смислија уште неколку начини како да зграпчат пари. Неодамна започнаа платена програма за отворање на сите нови сметки, која важи за Нов Зеланд и Филипини, а чини еден долар годишно. Таа има за цел да го намали количеството на спам и ботови. Сега се реализира уште една неодамнешна објава на Маск – се проширува понудата на достапни претплатни пакети. Покрај постоечкиот X Premium за осум евра месечно, корисниците сега добиваат и поевтин, по цена од три евра, како и двојно поскап претплатен пакет. Во зависност од цената се менуваат и поволностите што ги нуди секој претплатен пакет.

introducing Premium+ – no ads in For You or Following – largest boost for your replies (vs other Premium tiers or unverified users) – access to our full suite of creator tools now available on Web ✌️ subscribe here → https://t.co/Ywvyijo9CQ
— Premium (@premium) October 27, 2023

X Basic Основниот пакет Basic ако го купите преку десктоп верзија чини три евра месечно или 32 евра годишно. Им овозможува на претплатниците да пост-уредуваат објави, да објавуваат подолги објави и видеа, да преземаат видеа, да слушаат содржини со исклучен екран на телефонот, како и одредени опции за персонализација (од иконата на апликацијата до криење на сопствените допаѓања и слично). Овој претплатен пакет не бара проверка на идентитетот, а претплатниците на него на X нема да имаат видлив „син беџ“. X Premium Средниот пакет, по цена од осум евра месечно или 84 евра годишно, останува како што беше. Значи, нуди се што нуди Basic, но носи и проверка за верификација, покажува помалку реклами на платформата, нуди поголема видливост на објавите, како и можност за заработка од објави (за професионални создавачи на содржина). X Premium+ Најскапиот пакет сега чини 16 евра месечно или 168 евра годишно. Само уште две поволности се додадени во пакетот Premium: подобра видливост на објавите и целосно отстранување на рекламите од прикажувањето на содржината.

Платформата Х ќе собира биометриски податоци од своите корисници

Ивана Ефремовски — Fri, 01 Sep 2023 14:27:12 +0000

Платформата Х (Твитер) ќе собира биометриски податоци од своите корисници. Прибирањето биометриски податоци, кои се однесуваат на физичките атрибути на личноста како скенирање на лице или отпечаток од прст, е наменета за корисниците на услугата X Premium, наведува Би-Би-Си. Повикувајќи се на ажурираната политика за приватност на X, оваа платформа исто така ќе може да собира информации за образованието на корисникот и минати работни места. „Можеме да ги собираме и користиме вашите лични податоци (како што се вашата историја на вработување, образовна историја, преференции за вработување, вештини и способности, активност и ангажман за барање работа и слично) за да ви препорачаме потенцијални работни места, за да ги споделиме со потенцијалните работодавачи кога аплицирате за работа, да им овозможите на работодавците да најдат потенцијални кандидати и да ви покажат порелевантно рекламирање“, се наведува во соопштението од социјалната мрежа. Новата политика за приватност стапува во сила на 29 септември. Професорот Либерти Витерт од Универзитетот Вашингтон во Сент Луис рече дека потегот е во согласност со новата политика на платформата Х, но предупреди дека корисниците „треба да бидат внимателни“. Работодавците би можеле да донесуваат одлуки за вработување врз основа на кориснички објави или сметки кои лицето ги следи на платформата X, рече Витерт. (МИА)

Маск: Бројот на месечни корисници на платформата Х достигна нов максимум

Ивана Ефремовски — Sat, 29 Jul 2023 08:45:01 +0000

Бројот на месечни корисници на платформата X, порано позната како Твитер, достигна нов максимум, рече Илон Маск и сподели графикон што покажува дека сега има над 540 милиони. Објавата на Маск на X за бројот на корисници доаѓа кога компанијата претрпува организациски промени и се соочува со конкуренција од ново лансираната апликација Тредс, со која управува платформата Мета. Твитер имаше 229 милиони месечни активни корисници во мај 2022 година, се вели во соопштението објавено пред купувањето на платформата. Под водство на Маск, X помина низ низа промени во понудата на производи и намалувања на персоналот во обид да ги зголеми приходите. Платформата Х останува негативна за готовинскиот тек поради речиси 50 отсто пад на приходите од реклами и големиот долг, рече Маск претходно овој месец, што значи дека неговите мартовски очекувања дека платформата ќе биде позитивна за готовинскиот тек до јуни нема да бидат исполнети. (МИА)