платформа – Kurir.mk

Најголемата платформа за трговија со криптовалути BINANCE привремено ги запре исплатите во биткоини

Магдалена Андонова — Mon, 13 Jun 2022 15:33:51 +0000

BINANCE, најголемата светска дигитална платформа за тргување со криптовалути, денеска соопшти дека привремено ги прекинува плаќањата во биткоини поради, како што наведува, „застој во трансакциите“. Основачот и извршен директор на Binance, Чангпенг Жао, прво на Твитер објави дека проблемот ќе биде решен во рок од триесет минути.Но, подоцна тој се поправи и напиша дека „веројатно ќе биде потребно малку подолго да се поправи оваа ситуација отколку мојата првична проценка“. Жао додаде дека „ова влијае само врз биткоин мрежата“ и дека „сопствениците сè уште можат да повлечат биткоини на други мрежи како BEP-20“. -Средствата се SAFU, додаде тој, а SAFU е кратенката за „Безбеден капитален фонд за корисници“, што е фонд што Binance го основа во 2018 година за да ги заштити корисниците и нивните средства. Оваа вест доаѓа во време кога биткоинот падна за повеќе од 10 отсто, или под 24.000 долари за парче, што е најниско ниво од декември 2020 година. Најголемата криптовалута во светот е погодена од макроекономски проблеми, вклучително и неверојатната инфлација. Оваа вест експресно го вознемири светот на криптовалутите и поради утринската вест за прекин на сите трансакции, а најважно за исплатите на компанијата Целзиус, која нуди услуги за заклучување на криптовалутите, на кои дава одреден процент камата. Во соопштението што компанијата го испрати се наведува дека се суспендирани сите „плаќања, замени и трансфери помеѓу сметките поради екстремните пазарни услови“ и дека тоа го прават со цел „Целзиус денеска го стават во подобра позиција за да ги исполни своите обврски со текот на времето“, односно на корисниците да им ги овозможи сите трансакции. Целзиус е една од најголемите компании во областа на овие услуги. (МИА)

Зеленски започна платформа за собирање средства за помош на Украина

Магдалена Андонова — Fri, 06 May 2022 08:33:04 +0000

Украинскиот претседател Володимир Зеленски започна глобална платформа за собирање средства со цел да и помогне на Украина да ја победи Русија и да ја обнови инфраструктурата на земјата. – Со еден клик можете да донирате средства за заштита на нашите бранители, спасување на нашите цивили и обнова на Украина, истакна Зеленски, најавувајќи го покренувањето на платформата „Јунајтед24“ (United24). Тој додаде дека сите средства ќе бидат префрлени во Народната банка на Украина и доделени на надлежните министерства. Зеленски наведе три области за кои ќе се користат собраните средства: одбрана и деминирање, хуманитарна и медицинска помош и обнова на критичната инфраструктура.

We launched United24 @U24_gov_ua global initiative. Its 1st component is an online platform to raise funds in support of 🇺🇦. Other projects & programs will be added soon. You can make a donation in 1 click from any country. Together we will win!#united24 #thepoweroffreedom pic.twitter.com/notUt1P3ZF
— Володимир Зеленський (@ZelenskyyUa) May 5, 2022

Во Грција ќе се отвори платформата за вакцинација на децата над 12 години

Тале Кристо — Mon, 19 Jul 2021 12:22:58 +0000

Отворање на платформата пријавување за вакцинација на децата од 12 до 15 години, најави грчкиот премиер Кирјакос Мицотакис во разговор со граѓаните од областа Месинија, за време на неговата денешна посета, јави дописничката на МИА од Атина. Мицотакис истакна дека Владата ги следи препораките на надлежната Комисија од Министерството за здравство на Грција, појасни дека одлуката е на родителите, а вакцинацијата на децата никогаш нема да биде задолжителна. Доброволната вакцинација на децата во Грција веќе е започната, а се однесува на оние од 15 до 17 години.

Митева: МОН признава дека платформата е нефункционална

Тале Кристо — Wed, 30 Sep 2020 10:25:20 +0000

На ден пред официјалниот старт на училишната година, образованието кое е клуч за креирање и одржување на државата е сеуште во фаза на тестирање. Родителите, учениците и наставниците се најзасегнати, Синдикатот за образование наука и култура алармира за бројни недостатоци, а надлежните бараат трпение, истакна на денешната прес-конференција Марија Митева од ВМРО-ДПМНЕ. Универзалниот опфат за квалитетно образование достапно за сите деца е клучен приоритет на современото општество. Ние поддржуваме големи секторски реформи и процеси со кои ќе се обезбеди квалитетно образование, но со вистинска, реална функционалност. Напротив, добиваме информации дека предизвиците ВЕРОЈАТНО ќе се надминат. Сведоци сме на празни зборови. Ни недостасуваат дела. Дали цел овој месец ќе помине во неуспешни обиди и адаптација, додека се презентира нова современа и нормална настава? Дали Министерството за образование и наука може да состави план, стратешки приоритет со конкретни чекори и насоки, како до квалитетна учебна година за сите чинители во образовниот процес? И конечно, дали Министерството за образование и наука признава дека платформата, која не убедуваа дека е најдоброто решение не е добра, не е функционална и се пренасочуваат кон друга? Реакциите стигнуваат и од студентите, велат мобилната верзија не е воопшто функционална. Промоцијата за користење на платформата на 5 наставни јазици за жал не ги вклучува ромите и ромскиот јазик, за чие прашање јавноста чека писмен одговор од Министерството за образование и наука. Јавните прашања се безбројни, а одговори се помалку. Дополнително, во време кога постојат бесплатни оперативни системи, бесплатни мрежни сервиси, бесплатна замена за Офис програми, Владата предводена од СДСМ финансира софтверски лиценци, но залудно. Училиштето значи функционирање на општествениот систем како целина. А ние денес сме сведоци на неуспешна платформа. Образованието во својата модерна, дигитална форма, е уште еден во низата ваши неуспешни обиди. Доколку учебната година не започне утре, ја повикуваме Мила Царовска да си поднесе оставка од позицијата Министер за образование и наука, порача Митева.

И денеска падна националната платформа за онлајн-учење

Ивана Ефремовски — Tue, 29 Sep 2020 08:35:30 +0000

И денеска падна националната платформа за онлајн-учење уште пред вклучувањето на сите ученици. Пред 10 часот платформата покажува ерор, што значи дека се уште не може да го издржи наглото оптоварување. И вчера се појави истиот проблем. Од Министерството за ообразование и наука (МОН) вчера соопштија дека се прават постојани тестирања кои ќе продолжат и во наредните денови откако падна системот и платформата www.schools.mk. -Тестирањето е дел од постапката за постигнување на целосна функционалност на платформата, и во тест фазата се детектираат и надминуваат сите предизвици. Со цел да обезбедиме целосно функционална платформа до почетокот на учебната година тестирањата продолжуваат и во наредните денови. Во моментов се прават сите подготовки, тестирања и оптимизации на платформата, информираше вчера МОН кое викендов соопшти дека платформата е достапна за користење од учениците и родителите. Платформата треба да ја користат околу 250.000 ученици и 25 000 наставници на пет наставни јазици. МОН ја креираше во соработка со ФИНКИ и со помош на комората за ИТ-технологии – МАСИТ.

Средношколците реагираат: Образованието е право, а не привилегија – платформата не функционира!

Ивана Ефремовски — Mon, 28 Sep 2020 19:09:55 +0000

Националната платформа за учење на далечина не функционира, учениците во речиси сите основни и средни училишта добија насоки да се најават на платформата денес на 28.09.2020, но платформата кај повеќето ученици воошто не функционира, а во текот на утрешниот ден треба да се одржат првите пробни часови на платформата, се наведува во реакцијата на Средношколски Глас за платформата за настава од далечина. -Како ќе успеат првите пробни часови кога платформата воопшто не е функционално кај повеќето ученици? На официјалната страница за платформата исто така покажува дека има и мобилна верзија, но во теорија мобилната верзија не е воопшто функционална. Ние средношколците сме незадоволни од непристапноста и нефункционалноста на платформата. Образованието е право, а не привилегија и поради таа причина треба да биде достапна и функционална како и на компјутер така и на мобилните телефони. Се надеваме дека министерството ќе ја корегира нефункционалноста и недостапноста на оваа платформа, се наведува во нивната реакција.

МОН: Националната платформа достапна за учениците и родителите

Ристе Здравков — Sat, 26 Sep 2020 08:42:02 +0000

Веб страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел да се запознаат со нејзините функционалности пред стартот на учебната година, ги повикуваме учениците и родителите, да ја посетат викендов. На платформата веќе се поставени видео упатства и прирачници, но и други содржини, кои ако се следат внимателно, на едноставен и лесен начин ги водат корисниците низ платформата. Во овој значаен процес важна е силна и партнерска соработка на сите нивоа и секој ден ни е важен за успешно започнување на онлајн наставата. Министерството за образование и наука веќе испрати насоки до сите училишта задолжително да се достават корисничките лозинки до учениците. Ги повикуваме директорите на училиштата коишто не го сториле тоа, да го забрзаат процесот и да ги испратат лозинките до учениците во текот на викендот, бидејќи за неколку дена е официјалниот страт на учебната година. Министерството за образование и наука ги повикува локалните самоуправи и градоначалниците, кои, исто така, се наш важен партнер во овој процес, максимално да се посветат на обезбедување услови за непречен старт на учебната година во училиштата, без разлика дали станува збор за физичко присуство, или за учење од далечина. Истовремено, искажуваме огромна благодарност до градоначалниците и вработените во општините, но и до сите наставници за посветеноста во обезбедувањето услови за непречена настава во време на пандемија. Главениот и единствен приоритет на Министерството за образование и наука во овој период е да ги надминеме предизвиците и успешно да ја започнме, но и завршиме учебната 2020/2021 година и покрај тоа што се соочуваме со Ковид-19. Министерство за образование и наука

Нова платформа на Фејсбук за следење на американските претседателски избори

Магдалена Андонова — Thu, 13 Aug 2020 09:22:02 +0000

Компанијата Фејсбук лансира платформа „Изборен информативен центар“ со цел на американските гласачи да им овозможи без потешкотии да ги следат и учествуваат во предизборните активности пред претседателските избори во САД, што ќе се одржат во ноември. – Платформата ќе им овозможи на гласачите лесно да се поврзат со Фејсбук и со Инстаграм и лесно да дојдат до сигурни информации за работата на изборните единици, како и да ја избегнат изложеноста на лажни информации, соопшти Фејсбук. (МИА)

“Тиранска” спроведена, следува “Албанска платформа”

Ристе Здравков — Sun, 26 Jul 2020 19:38:21 +0000

Албанските политички партии се престројуваат кон нова сеалбанска стратегија која Бујар Османи ја нарекува “Албанска платформа” и која земјата може да ја турне кон нови поделби и конфликти на етничка основа. Планот според засега кажаното е сите албански пратеници да бидат искористени во сите идни преговори за влада со цел да се максимизираат позициите само на Албанците на сметка на сите останати. Откако во неколку наврати се пофалија дека Тиранската платформа е веќе спроведена сега лидерите на Албанците во Македонија навестуваат таканаречена “Албанска платформа” за која наверојатно веќе има некаков договор. Новата позиција која треба да ја прифатат албанските партии според Османи е составена од пет точки и таа нема никакви цели кои се од интерес за Македонците, Турците, Ромите, Србите и другите задници туку исклучиво за албанските политики. „Многу е важно да се согласиме за оваа албанска платформа во политичката трка која треба да биде постојана за албанската политика”, вели Османи во одговор на позициите на Алијанса за Албанците која предходно не исклучи дека ќе разговара и со ДУИ за составот на новата влада. Според Османи овие се петте точки од новата” Албанска платформа”: 1.На изборите не се тркаме со повеќе од две листи. 2. Партијата која ќе добие глас повеќе зборува во име на Албанците во другите општини. 3. Партиите и пратениците кои имаат глас помалку, даваат поддршка на првата партија која за стратешките линии ќе зборуваат во името на сите пратеници Албанци, а за дневно политички прашања ќе биде главен коректор. 4. Пратениците на партиите кои не победиле не водат разговори на страна за да ги ослабнат преговарачките позиции на победничката партија (како во 2006). 5. Можност за соработки во разни форми во интерес на граѓаните меѓу албанските политички партии“, истакна Бујар Османи. Иако во предизборната кампања меѓу ДУИ и коалицијата АА-ААА имаш силни разлики и критики особено во однос на идејата за премиер Албанец тој анимозитет сега речиси го снема. Веднаш по изборите Али Ахмети ги покани албанските партии на заедничка средба за да се координираат што по добивањето на 32 мандати од албанските политики партии. По консултациите во јавноста денеска протекува предлогот на Албанска платформа која што е еден вид вовед во нови поделби меѓу граѓаните на етничка основа. Ваков вид на хомогенизации и сојузи на етничка основа се карактеристични за земји пред, во или пост конфликт.