платформи – Kurir.mk

Норвешката полиција инсталира детектори за дронови на платформи за нафта и гас

Тале Кристо — Tue, 04 Oct 2022 12:32:10 +0000

Норвешката полиција почна да распоредува системи за откривање беспилотни летала на платформи за нафта и гас за да ги истражи неодамнешните извештаи за нарушувања на безбедноста во областа, објави денеска весникот ВГ, додавајќи дека овој потег е дел од пошироките мерки за зајакнување на безбедноста, по минатонеделното оштетување на гасоводот Северен поток. Нафтените компании постојано известуваат за зголемување на бројот на неидентификувани беспилотни летала во последните недели, а норвешката Управа за безбедност на нафта (ПСА) на 26 септември предупреди за ризик од несреќи или намерни напади. Бенедикт Бјорнланд, раководителка на норвешката полиција, изјави дека сензорите се распоредени за да ги идентификуваат сите нелегални беспилотни летала, а исто така и како пречка од кој било што воопшто сака да ги користи. Дирекцијата на полицијата одби да каже колку од над 90-те полиња на нафта и гас во Норвешка се опремени со детектори. „Не сакаме да ви кажеме повеќе за ова бидејќи не сакаме да ги откриеме нашите способности на потенцијалните противници“, изјави Тоне Ванген, шеф на полицискиот оддел за итни случаи. Норвешка, прв европски снабдувач на гас и голем светски производител на нафта, минатата недела испрати членови на својата морнарица и воздухопловни сили да патролираат на нафтените полиња на морските и на копнените терминали по истекувањето на Северен поток. Многу земји сметаат дека тоа е саботажа. Властите во Осло во петокот известија дека Британија, Германија и Франција ќе им помогнат во патролирањето на морето. Норвешката влада објави дека не знае за конкретни закани.

Паднаа платформите на gmail и youtube

Магдалена Андонова — Mon, 14 Dec 2020 12:24:53 +0000

Дел од сервисите на Google и YouTube попладнево останаа недостапни. Корисниците низ целиот свет се соочуваат со проблеми при вчитувањето на веб страниците.

Беџети: Нема да ги урнеме платформите на Матка, но нема ни да ги легализираме

Ивана Ефремовски — Thu, 21 Mar 2019 13:47:28 +0000

Градоначалникот на општина Сарај, Блерим Беџети, вели дека нема да ги урива трите платформи на Матка, но ќе ги одбие барањата за нивна легализација. -Барањето за легализација на едната платформа, онаа на која функционира ресторан, е веќе одбиено, но барателите поднесоа жалба. За другите две платформи барањата се уште не се одбиени, но нема да ги одобриме. Сите имаат право на жалба до второстепената комисија и за уривање мора да чекаме да заврши целосната правна процедура. Нашата идеја беше ако има простор правно да се најде целисходно решение за Матка, во кое и платформите би функционирале како урбана опрема, рече градоначалникот Блерим Беџети. Беџети обвини дека во Матка се вплеткани различни интереси, но не сакаше да каже чии. Беџети вели дека имал разговори со градоначалникот на Скопје за формирање јавно претпријатие, кое што ќе се грижи за Матка, а градоначалникот Шилегов му соопштил дека и без согласност од Општината, град Скопје сепак ќе го формира претпријатието.