плејоф – Kurir.mk

Плејофот во АБА лигата стартува на 28 април

Тале Кристо — Mon, 24 Apr 2023 19:34:59 +0000

Со натпреварот меѓу Будуќност и Мега в петок ќе почне разврската за титулата во АБА лигата, соопшти денеска регионалното кошаркарско натпреварување. Дуелот во Подгорица е закажан со почеток во 18 часот, а два часа подоцна во одбрана на титулата ќе тргнат кошаркарите на Црвена ѕвезда против Задар. Првиот натпревар од четвртфиналето во плејофот меѓу Цедевита Олимпија и ФМП ќе се игра в сабота, додека датумите за четвртфиналните пресметки меѓу Партизан и Студентски центар, како што е соопштено, ќе бидат објавени веднаш по завршувањето на четвртфиналната серија на „црно – белите‘ против Реал Мадрид во Евролигата. Четвртфиналето во АБА лигата се игра во две победи.

Катар уште вечера може да ги загуби шансите за плејоф

Тале Кристо — Fri, 25 Nov 2022 16:53:53 +0000

Репрезентацијата на Катар денес загуби од Сенегал во второто коло на Светското првенството кое се одржува во нивната земја. Сенегал победи со 3:1 и ги остави домаќините само со теоретски шанси за поминување на групата. Пред комплетирање на второто коло пласманот во А-групата изгледа вака: Холандија 3 бода, Еквадор 3, Сенегал 3, Катар 0. Вечерва Холандија игра со Еквадор, а во последното коло на 29 ноември двојките се: Холандија – Катар и Еквадор – Сенегал. Доколку Холандија денеска го победи Еквадор или мечот заврши нерешено, Катар ќе ги загуби шансите да се пласира во осминафиналето. Единствена шанса за азискиот тим е поразот од Холанѓаните. Катар во последното коло ќе треба да ја победи Холандија и да се надева на пораз од Сенегал од Еквадор, па дури и да ја заврши групата со подобра гол разлика од другите две селекции со 3 бода. Овој исход изгледа нереален.

Формирани двојките за плејоф и плејин во НБА-лигата

Тале Кристо — Mon, 17 May 2021 06:23:33 +0000

Регуларниот дел од сезоната во НБА-лигата заврши и познати се двојките за плејофот и плејин турнирот. Најпрво ќе се играат мечевите од плејин од утре до 21 мај, а потоа стартува разигрувањето за трофејот. Победниците од дуелите Лејкерс – Голден Стејт и Бостон Вашингтон ќе бидат седми носители на Западот, односно Истокот, а поразените ќе имаат уште една шанса да изборат плејоф соочувајќи се со подобрите од пресметките Мемфис – Сан Антонио, односно, Индијана – Шарлот. Плејофот започнува на 22 мај. Западна конференција: Јута (1. носител) – победник од Мемфис/Сан Антонио – Лејкерс/Голден Стејт (8. носител) Клиперс (4) – Далас (5) Денвер (3) – Портланд (6) Феникс (2) – победник од Лејкерс/Голден Стејт (7). Источна конференција: Филаделфија (1) – победник од Индијана/Шарлот – Бостон/Вашингтон (8) Њујорк (4) – Атланта (5) Милвоки (3) – Мајами (6) Бруклин (2) – победник од Бостон/Вашингтон (7).

МЗТ Скопје убедливо поразен од Младост во првиот четвртфинален натпревар во плејофот на АБА 2

Тале Кристо — Tue, 20 Apr 2021 12:28:18 +0000

Младост Максбет е многу близу до пласман во полуфиналето од плејофот во регионалната кошаркарска АБА 2 лига, откако попладнево во првиот меч од четвртфиналето го совлада македонскиот претставник МЗТ Скопје Аеродром со 95:75. Победникот се наѕираше уште по првата четвртина која екипата од Земун ја доби со 28:19, а разликата во текот на втората четвртина достигна двоцифрени 21 поен. „Сино-белите“ од Аеродром успеаја да одиграат нешто подобро во третата четвртина која ја решија во своја полза со 19:18, но во последниот период српскиот тим повтоно беше подобар за конечна убедлива победа. Треј Дречсел со 24 поени, Душан Танасковиќ со 19 и Стефан Гомбаулд со 18 беа најдобри во победничкиот тим. Кај МЗТ Скопје прв стрелец беше Иван Карачиќ со 15 поени. Двата тима в четврток ќе одиграат уште еден меѓусебен натпревар по кој ќе бид епознат учесникот во полуфиналето.

За прв пат од 2005 година Роналдо не постигна гол во плејофот од ЛШ

Тале Кристо — Wed, 10 Mar 2021 07:40:44 +0000

Првата ѕвезда на Јувентус, Кристијано Роналдо не успеа да постигне гол во плејофот во Лигата на шампионите сезона 2020/21. Португалецот го напушти теренот без погодок во двата осминафинални натпревари против Порто (1:2, 3:2). Роналдо не се запиша во листата на стрелците во плејофот на Европскиот куп за прв пат од сезоната 2004/05. Тогаш тој играше за Манчестер Јунајтед. На синоќешниот реванш со Порто, Роналдо му асистираше на Киеза при првиот погодок, но тоа не беше доволно да се избегне елиминација. Покрај Порто, синоќа пласман во четвртфиналето од најсилното клупско европско натпреварување избори и Борусија Дортмунд.

Реал Мадрид е првиот клуб со 100 натпревари во плејофот од Лигата на шампионите

Тале Кристо — Thu, 25 Feb 2021 07:53:17 +0000

Шпанскиот фудбалски великан Реал Мадрид синоќа ја победи (1:0) Аталанта во првиот натпревар од осминафиналето во Лигата на шампионите. За тимот од Мадрид, овој натпревар беше јубилеен, 100-ти во плејофот од главното европско натпреварување. Како што е наведено од прес-службата на УЕФА, Реал прв стигна до границата од 100 натпревари во плејофот. Покрај тоа, мадридскиот тим е првиот со 50 победи во елиминациска фаза од Лигата на шампионите. Реваншот со Аталанта е закажан за 16 март во Мадрид.

Џејмс Харден го надмина Брајант по постигнати тројки во плејофот

Тале Кристо — Tue, 25 Aug 2020 07:31:38 +0000

Најдобриот кошаркар на Хјустон, Џејмс Харден, го престигна легендарниот играч на ЛА лејкерс, Коби Брајант, на вечната листа „тројкаши“ во плејофот од НБА лигата. Харден синоќа во четвртиот натпревар од првото коло од плејофот против Оклахома (114:117) постигна шест тројки од 15 обиди. „Брадата“ се искачи на 8. место со 293 прецизни удари за три поени, Коби во неговата кариера постигнал 292. Убедлив лидер е Стеф Кари со 47о тројки пред Реј Ален со 385 и Леброн Џејмс со 375.

НБА лигата може да ја намали серијата на плејофот на три натпревари

Ивона Петрова — Tue, 31 Mar 2020 06:55:35 +0000

Раководството на најсилната кошаркарска лига на светот – НБА, може да ја намали серијата на плеј-офот од седум на три натпревари во случај да продолжи сезоната 2019/20. Во моментов, НБА лигата ги разгледува сите можни опции. Сопствениците на клубовите се надеваат дека лигата ќе може да одржи полноправен плеј-оф со 16 екипи и серија од седум натпревари, со празни трибини. Како последна можна опција е и одигрувањ ена само еден натпревар во плејофот. НБА ја прекина сезоната поради пандемија на коронавирус. Сопствениците на клубовите очекуваат да продолжи сезоната на лето.

Нагелсман најмлад тренер што го помина плејофот во ЛШ, Мурињо трет пат по ред елиминиран во осминафиналето

Дарко Андоновски — Wed, 11 Mar 2020 08:25:58 +0000

Тренерот на бундеслигашот Лајпциг, Јулијан Нагелсман стана најмладиот фудбалски стручњак во историјата на Лигата на шампионите кој ја помина првата рунда од плејофот. Нагелсман го предводеше Лајпциг до четвртфиналето со наполнети 32 години и 231 ден. За разлика од него, Мурињо трет пат во низа не го помина осминафиналето. Неговиот Тотенхем синоќа загуби од Лајпциг со 3:0 и не успеа да влезе во четвртфиналето. Претходно, под водство на Португалецот во сезоната 2014/15 Челзи загуби од ПСЖ, а во сезоната 2017/18 Манчестер јунајтед беше елиминиран од Севиља.

Со дуелот меѓу МЗТ и Блокотехна стартува полуфиналето од плејофот

Дарко Андоновски — Mon, 07 May 2018 13:50:44 +0000

Македонската кошаркарска федерација (МКФ) во консултација со клубовите одлучи полуфиналните натпревари од плејофот да се играат во различни денови, во интерес на кошарката и со цел што поголем број вљубеници во овој спорт да присуствуваат на нив.

- Полуфиналната серија од плејофот ќе започне со натпреварот помеѓу второ и третопласираниот на табелата во Суперлигата – екипите на МЗТ Скопје Аеродром и Блокотехна. Натпреварот ќе се одигра утре (осми мај) со почеток во 19:00 часот. Натпреварот помеѓу првопласираниот Работнички и четвртопласираниот Куманово ќе се одигра ден подоцна, соопштија од МКФ.

За натпреварите ќе биде обезбеден телевизиски пренос. Од Федерацијата наведуваат дека по завршувањето на полуфиналната серија ќе биде одржан уште еден состанок со клубовите, а финалната серија од плејофот ќе започне четири дена по завршување на полуфиналната. На последниот состанок во МКФ со претставниците на МЗТ Скопје, Блокотехна, Работнички и Куманово било потврдено дека ќе се обезбеди фер и коректно однесување на натпреварите.