Плејстејшн – Kurir.mk

Дали „Мајкрософт“ ќе ја саботира „Call of Duty“ за Плејстејшн?

Ивона Петрова — Fri, 24 Mar 2023 13:40:20 +0000

„Сони“ веќе извесно време пројавува загриженост за купувањето на „Активижн близард“ (Activision Blizzard) од страна на „Мајкрософт“, тврдејќи дека тоа во иднина ќе значи послаби верзии на видеоигрите „Call of Duty“ (КоД) за конзолите на „Плејстејшн“. Меѓу другото, „Сони“ истакна и дека „Battlefield“ не може да се споредува со „КоД“ и дека „Гејм пас“ (Game Pass) значително води во споредба со „Плејстејшн плус“. Од „Мајкрософт“ велат дека нема причина за грижи. Во своето последно обраќање до британските регулаторни органи, „Мајкрософт“ одговори на поплаките и тврди дека сегашниот предлог ќе ги поттикне креаторите на видеоигри и издавачите на „КоД“ да создадат верзија за „Плејстејшн“ којашто би била оптимизирана за таа платформа. „'Мајкрософт' ќе го нуди секој можен поттик да развие игра со оптимизирана поддршка за својства на 'Плејстејшн 5', за идните конзоли да ја максимизираат продажбата на таа платформа“, се вели во предлогот. „Сони“ изрази загриженост поради можноста „Мајкрософт“ да ја зголеми цената на насловите на „КоД“, со истакнат приоритет на верзијата за „Икс-бокс“, што наводно може да донесе неисправни верзии за „Плејстејшн“.

„Sony“ ги зголеми цените на конзолата „PlayStation 5“

Ристе Здравков — Fri, 26 Aug 2022 16:22:14 +0000

„Sony“ најави зголемување на цената на својата конзола „PlayStation 5“ за пазарите во Европа, Велика Британија, Јапонија, Кина, Австралија, Мексико и Канада. Најинтересна ситуација за нас е европскиот пазар, а според компанијата цената на „PS5“ конзолата во Европа е за 10 отсто повисока. Цената сега е 550 евра за моделот „Ultra HD Blu-ray“ (претходната цена беше 500 евра) и 450 долари за „PS5 Digital Edition“ (претходната цена беше 400 евра). Компанијата ги наведува глобалните економски предизвици како главни причини за ова зголемување на цената. „Се соочуваме со висока глобална стапка на инфлација, како и со неповолни валутни трендови, кои влијаат на потрошувачите и вршат притисок врз многу индустрии. Врз основа на овие предизвикувачки економски фактори, „SIE“ донесе тешка одлука да ја зголеми предложената малопродажна цена на „PlayStation 5“ на пазарите низ Европа, Блискиот Исток, Африка и други региони“, рече Џим Рајан, претседател и извршен директор на „Sony Interactive Entertainment“. Иако „Sony“ ги зголемува цените на конзолата „PS5“, ситуацијата со понудата и залихите се уште е голем проблем на многу пазари. Од компанијата нагласуваат дека приоритет им е подобрување на состојбата со залихите на „PlayStation 5“.

Солскјер: Се гледа кога Гринвуд игра на Плејстејшн до доцна во ноќта

Магдалена Андонова — Thu, 23 Jul 2020 13:34:43 +0000

Менаџерот на Манчестер Јунајтед, Оле Гунар Солскјер се шегуваше дека знае кога младата sвезда на тимот Мејсон Гринвуд останал до доцна во ноќта да игра на својот Плејстејшн. Напаѓачот успеа да го запише својот 17-ти гол во сезоната на натпреварот против Вест Хем, со што обезбеди бод за неговиот тим. Со овој гол, тој стана само четвртиот играч во историјата на „црвените ѓаволи“ кој постигна толку многу голови за само една сезона на оваа возраст. Солскјер повторно не го криеше восхитот кон играчот. – Мејсон … знаете, очигледно е кога спиел добро и кога останал доцна да игра на својот Плејстејшн, бидејќи тој не ја погодува топката толку добро на тренинзите следниот ден. Но, она што го стори денес (вчера), тој го прави тоа одново и одново, и кога вежбаме завршен удар, можете да видите колку е исклучителен напаѓач. Не е изненадување кога успева да постигне гол. Претпоставувам дека сум ги потрошил сите суперлативи за него затоа што тој е навистина добар напаѓач. Тој нè спаси неколку пати. Тој го стори тоа повторно и тој е апсолутно играч од највисока клса, откако му дадовме шанса против Кардиф во нашиот последен натпревар минатата сезона. Гринвуд расте и неговата доверба расте, тој верува во себе си, неговиот талент, неговите квалитети и неговите вештини и работи на највисоко ниво, изјави Солскјер по мечот со „чеканите“. Осумнаесет годишниот Гринвуд беше прецизен 10 пати на 30 натпревари во Премиер лигата и има 1 асистенција. (МИА)