плескавици – Kurir.mk

ИДЕАЛНО ЗА ПОСТЕЊЕ: Фантастични плескавици од зеленчук со раскошен вкус и мирис

Ристе Здравков — Sat, 15 Apr 2023 17:40:18 +0000

Состојки: 200 гр ориз 150 гр компири 1 кромид 1 морков 600 мл супа од зеленчук 2 лажици сечкан магдонос 100 гр презла Сол, мелен бибер Подготовка: Згответе ориз со супа. Одделно сварете ги компирите. Сварените компири изгмечете ги. На врело масло пржете го ситно исечканиот кромид и морков 5 минути или додека не омекнат. Измешајте го варениот ориз, компирите, кромидот и морковите. Додадете магдонос. Зачинете со мелен бибер и сол по вкус. Добро измешајте и направете топчиња. Извалкајте ги во презла. Пржете на врело масло додека не поруменат од двете страни.

ПИЛЕШКИ ПЛЕСКАВИЦИ! Оброк кој секоја домаќинка треба да знае да го подготви (РЕЦЕПТ+ВИДЕО)

Ристе Здравков — Wed, 19 Oct 2022 07:13:29 +0000

Доколку сте љубители на месо, тогаш треба да ги подготвите овие пилешки плескавици и ќе имате вкусен ручек СОСТОЈКИ: пилешко месо 2 јајца 2 компири 1 главица кромид 3 чешниња лук 2 лажици сечкан кашкавал 1 кафена лажичка мелена пиперка Мелен бибер сув зачин сол масло Подготовка:

ПЛЕСКАВИЦИ од ЛЕБЛЕБИЈА! Вкусен начин за збогатување на менито!

Ристе Здравков — Fri, 02 Sep 2022 12:12:26 +0000

Кога малку ќе се „уморите“ од месото и ќе посакате нови вкусови, можеби ќе сакате да ги направите овие вегетаријански плескавици со шмек на Блискиот Исток… Уживајте! Состојки: три и пол шолји конзервиран наут третина шолја сечкан магдонос две поголеми јајца лажичка и пол мелен ким две чешниња лук шолја и пол презла сончогледово масло сол, бибер Подготовка: Во блендер се ставете ги исцедениот наут од конзерва, па додајте ги магдоносот, јајцата, кимот, сечканиот лук, малку сол и бибер. Мешајте додека не се добие еднолична смеса. Префрлете ја смесата во соодветен сад, додадете презла и сè добро измешајте. Од добиената смеса формирајте мали плескавички и наредете ги на плех обложен со хартија за печење. Ставете во фрижидер да отстои половина час. Во тавче загрејте масло, па пропржете ги плескавиците додека не добијат убава боја од двете страни. Извадете ги на хартиена крпа за да се исцеди вишокот масло, па послужете. Пријатно јадење!

РЕЦЕПТ: Брз ручек со туна, совршенa летнa плескавица за топлите денови

Магдалена Андонова — Sun, 24 Jul 2022 08:27:47 +0000

Во овие топли денови сите мразиме да поминуваме премногу време во кујна, а вкусните плескавици од туна кои се прават за помалку од половина час не само што се идеални за подготовка на брз ручек, туку се вкусни дури и ако се остават да се јадат ладни. . Овие плескавици од туна одлично се комбинираат со кечап, сенф или лут сос, а можете да ги послужите и како топол сендвич. Состојки: 2 јајца 2 лажици лимонов сок 10 лажици презла 3 лажици рендан пармезан 3 конзерви туна, исцедена 3 лажици кромид исечен на коцки прстофат мелен бибер сол 3 лажици масло Подготовка: Во сад изматете ги јајцата и сокот од лимон, измешајте ги презлата и пармезанот за да добиете тесто. Во смесата посипете исцедени конзерви туна и ситно исечканиот кромид. Измешајте сè добро и зачинете со бибер и сол, по вкус. Со рацете формирајте осум плескавици. Загрејте го маслото во тава на средна топлина и пржете ги додека не поруменат, околу пет минути по страна. Можете да ги послужите плескавиците со компири, пире од компири или помфрит и сезонска летна салата по ваш избор. Може да се сервираат и топли и ладни.

ПЛЕСКАВИЧКИ ОД ЗЕЛЕНЧУК! Лесен оброк за топлите денови! (ВИДЕО)

Ристе Здравков — Mon, 20 Jun 2022 13:10:54 +0000

Вкусните плескавички од зеленчук се одлична идеја кога сакате лесен оброк Состојки: 2 моркови 150 гр замрзнат грашок 100 гр брашно 4 лажици презла 2 јајца 100 мл млеко 1 лажичка сув квасец магдонос Подготовка: Во зовриена вода ставете ги сечканите моркови и грашокот. Варете покриено околу 10 минути. Во сад изматете ги јајцата и млекото, па додадете ги брашното и квасецот. Потоа додадете грашок и моркови, па додадете презла и сечканиот магдонос. Добро промешајте. Смесата се вади со лажица и се пржи на длабоко масло.

Цела куќа ќе замириса, а ова јадење ќе го обожавате: Плескавица од карфиол која воодушевува со вкусот

Ристе Здравков — Mon, 04 Apr 2022 06:17:11 +0000

Карфиолот во 100 грама содржи дури 80% од препорачаната дневна доза на витамин Ц, а една од неговите најважни состојки е фолната киселина. Покрај тоа, може да содржи и многу други витамини, амино киселини, протеини, калциум, магнезиум, цинк, калиум, манган, селен, железо, фосфор… Состојки: Половина главица карфиол 3 јајца 1 лажица брашно малку вода 100 гр сирење зачини по желба Подготовка: Најпрво треба да го сварите карфиолот додека не омекне. Кога ќе омекне, извадете го од тавата и обработете го. Време е да го здробиме. Потоа додадете ги јајцата, а потоа и брашното. На крај додадете малку вода во зависност од густината. Време е да се загрее тавата. Кога е доволно загреана, во неа сипете половина од подготвената смеса, ако сакате поголема плескавица или печете ја на неколку пати но помалку. Печете ги од двете страни и извадете ги од тавата. Потоа изрендајте го сирењето на секоја плескавица. Постапката повторете ја со другата половина од преостанатата смеса.

ПЛЕСКАВИЦИ ОД ТИКВИЧКИ И ПИЛЕШКО: Гурманска, а ефтина вечера!

Ристе Здравков — Mon, 06 Dec 2021 08:17:04 +0000

Послужете ги плескавиците од тиквички и пилешкo со зелена салата и јогурт или кисело млеко… Уживајте! Состојки: 200 гр тиквички 500 гр мелено пилешко (или мисирка) четвртина шолја презла чешне лук две лажици рендан црвен кромид малку масло сол, бибер Подготовка: Тиквичките изрендајте ги, посолете ги, оставете ги да отстојат 20 минути, па добро исцедете ги од вишокот вода. Се ставаат во сад, се додава меленото пилешко или мисирка, издробениот лук, ренданиот црвен кромид, презла, солта и биберот и сето убаво се меша. Од добиената смеса формирајте плескавици и печете ги на скара или во тавче со малку масло додека не добијат убава боја од двете страни.

Плескавици од компир, ориз и тајна состојка за совршен ручек

Ивона Петрова — Sun, 11 Apr 2021 09:33:23 +0000

Главните состојки на оваа интересна плескавица се компир и ориз, но ова што им дава посебен вкус се оризовите снегулки. Потребно ви е: 100 гр варен ориз 1 чаша овесни снегулки 2 компири 1 снопче млад кромид и млад лук сол 1 лажичка црвен пипер бибер 1 лажичка презла масло малку сода бикарбона магдонос Оризот и компирот сварете ги заедно, а овесните снегулки сварете ги 2-3 минути, па потоа исцедете ги. Сите состојки измешајте ги заедно. Формирајте плескавици и пржете на загреано масло.

Плескавици од компир полнети со шунка и кашкавал: Дури и најголемите гурмани нема да му одолеат на овој рецепт

Магдалена Андонова — Wed, 07 Apr 2021 14:17:38 +0000

Ако обожавате компири, а исто така сте гурмани и сакате да пробате нов рецепт, сигурно ќе ви се допадне овој начин на подготовка на компири. Идеална варијанта за ручек или вечера, не е потребно многу време за подготовка, а вкусот е фантастичен. Состојки: 700 гр компир 100 гр кашкавал сол, магдонос и бибер За полнење: 100 гр кашкавал 100 гр шунка За панирање(поховање): 2 јајца презла Подготовка: Ставете го исчистениот и исечен компир на коцки, да се вари, додадете една лажичка сол во водата. Кога ќе биде готово, добро изгмечете го, додадете ситно исечен магдонос и рендан кашкавал, и добро измешајте. Исечете ги листовите од кашкавалот, како и шунката, во четвртини. Изматете ги јајцата за панирање и подгответе ја презлата во друга чинија, а потоа направете помали плескавици од смесата со компири, и на секоја ставете лист кашкавал и шунка. Потоа покријте ја шунката со друга формирана плескавица и обликувајте ја смесата во елипса. Повторете го овој процес се додека смесата не се потроши, а потоа спуштете ги плескавиците во изматените јајца, па превртете ги во презлата. Пржете ги на загреано масло и јадете додека се топли. Приетно!