ИЗГОРЕ ПЛЕВНА ВО ВРАТНИЦА: Тетовската пожарна на враќање имала дефект на камион

Магдалена Андонова — Fri, 04 Mar 2022 14:46:29 +0000

Плевна изгоре вчера во пожар во тетовското село Вратница, а според пожарникарите и мештаните среќна околност при интервенцијата е што било спречено да се прошири огнот на останатите куќи што се во близина. При пожарот нема повредени луѓе, но на враќање назад пожарникарите останале без еден од камионите поради дефект. – На враќање кон Тетово, еден од камионите ни остана на регионалниот пат Тетово-Јажинце бидејќи поради удирање во грпките му се искршија делови од системот за амортизација околу тркалата. Некако успеавме да го вратиме назад, а со оглед дека се стари камиони уште потешко беше денес да се најдат резервни делови, изјави денеска Ука Алити, командант на Тетовската територијална противпожарна единица. Пожарот бил пријавен 17 часот и 41 минута, а интервенцијата траела до 20 часот. -На интервенција заминаа три возила со седум пожарникари. Вратницата е едно од поодалечените места од нашата станица и ни требаше повеќе време. Во работата ни помогаа и жителите на Вратница, информира Ука Алити. За тетовската пожарна ова е првиот повик за интервенција кој стигнал преку 112 службата единствениот број за итни повици 112. Инаку за повик на тетовската пожарна и понатаму може да се користи и бројот 193. (МИА)

Пожар пеплоса плевна – во неа имало сено, механизација и алат

Дарко Андоновски — Mon, 08 Nov 2021 15:10:18 +0000

На 07.11.2021 во 07.30 часот во Полициската станица Виница било пријавено дека настанал пожар во гаража – плевна, сопственост на З.С.(68) од Виница, при што целосно изгорела плевната во која имало сено, механизација и алат. Пожарот бил изгаснат од екипа на Територијалната противпожарна единица Виница, а повредени лица нема. Увид бил извршен.

плевна – Kurir.mk

ИЗГОРЕ ПЛЕВНА ВО ВРАТНИЦА: Тетовската пожарна на враќање имала дефект на камион

Пожар пеплоса плевна – во неа имало сено, механизација и алат