плинска боца – Kurir.mk

Жена од Дебар си доби кривична: Фрлила плинска боца од балкон на паркинг- се запалил автомобил!

Катерина Бојаџиева — Wed, 21 Sep 2022 20:59:57 +0000

Надворешната канцеларија за криминалистички работи Дебар поднесе кривична пријава против Б.Б.(70) од Дебар поради постоење основи на сомнение за сторено кривично дело „предизвикување на општа опасност“. На 20.08.2022 во Дебар, пријавената запалила плинска боца на балконот од својот дом при што се запалиле алишта кои биле на балконот, по што таа ја фрлила боцата на паркингот и предизвикала пожар во паркирано патничко возило.

ДРАМА ВО ОВОЈ МАКЕДОНСКИ ГРАД – жена предизвикала пожар на терасата од плинска боца, па истата ја фрлила врз две паркирани возила кои се запалиле!

Дарко Андоновски — Sun, 21 Aug 2022 12:03:15 +0000

Жителка на Дебар откако со плинска боца предизвикала пожар на балконот, истата ја фрлила преку балкон по што биле опожарени два автомобила. – Вчера во 11:20 часот во Одделението за внатрешни работи во Дебар пријавено е дека Б.Б.(70) од Дебар, поради невнимателно ракување со плинска боца, предизвикала пожар на балконот од станот лоциран на улица во градот „8 септември“ а потоа, боцата ја исфрлила на паркинг простор пред зградата, информираше Стефан Димоски, портпарол на Секторот за внатрешни работи-Охрид. Притоа, биле опожарени патнички возила „Опел Корса“ и „Мерцедес“. Интервенирала Територијалната противпожарна единица, а увид на местото извршиле полициски екипи.

Повредена жена откако експлодирала плинска боца во нејзиниот дом

Дарко Андоновски — Thu, 10 Jun 2021 14:31:14 +0000

На 09.06.2021 околу 12.10 часот во Полициската станица Пробиштип било пријавено дека во дом на ул.„Плавица“ во Пробиштип, сопственост на Ј.Ј.(61) и С.Ј. од Пробиштип, експлодирала плинска боца. Притоа, со повреди се здобила Ј.Ј. и била пренесена во Клиничката болница Штип за укажување лекарска помош. Увид на местото извршила екипа од Полициската станица Пробиштип и се преземаат мерки за расчистување на случајот.

Експлозија на плинска боца во куќа во Штип: Повредени 3 лица

Катерина Бојаџиева — Wed, 24 Mar 2021 16:20:09 +0000

Во СВР Штип вчера во 12.25 часот било пријавено дека околу 09.00 часот во куќа на ул.„5 Партиска конференција“ во Штип настанала експлозија на плинска боца, при што со повреди се здобиле Р.Г.(67), Д.Г.(43) и малолетник, констатирани во Клиничката болница Штип. Увид на местото извршила увидна екипа од СВР Штип.

МВР со детали за експлозијата во викендичка во Матејче

Ивона Петрова — Mon, 22 Mar 2021 08:30:46 +0000

Министерството за внатрешни работи соопшти детали за експлозијата на плинска боца која вчера се случила во викендичка во Матејче. Од МВР за Курир информираат дека во 21:45 добиле пријава од кумановската болница дека кај нив се донесени шест повредени лица. -Биле донесени шест лица С.С.(34), В.И. (31), Н.Н. (31), З.С.(27), М.Н.(44) и Б.Ш.(36), кои се здобиле со тешки телесни повреди како резултат на експлозија на плинска боца во приватен објект (викендица) во с.Матејче на место викано „Матејачки колиби“. Потоа тие биле пренесени во комплексот клиники “Мајка Тереза“, информираат од МВР за Курир. Известен е јавен обвинител и извршен бил увид од увидна екипа од СВР Куманово.

ВИДЕО: Експлозија на плинска боца во викендица во Матејче, повредени неколку лица

Ивона Петрова — Mon, 22 Mar 2021 06:43:47 +0000

Плинската боца вчера експлодираше во викендица во селото Матејче во општина Липково. Според информациите на ТВ21 во експлозијата повредени се шест лица, три лица се на интензивна нега, односно пластична хирургија и три во градската болница. Лицата се на возраст од 30-40 години, а заменик министерот за здравство, Илир Хасани за ТВ21 изјавил дека здравствената состојба на повредените е стабилна. Повеќе информации се очекуваат во текот на денот.

Експлозија предизвикана од плинска боца во зграда во Ужице (ФОТО)

Магдалена Андонова — Sat, 05 Dec 2020 22:00:59 +0000

Стравична експлозија за која се претпоставува дека е предизвикана од плинска боца , ги разруши ѕидовите и ги откорна прозорците во една двоспратна зграда во српскиот град Ужице попладнево околу 18 часот. Една станарка со голем степен на изгореници била однесена во болница во Белград а биле евакуирани уште шест лица. Дел од станарите информирале дека подолго време во зградата чувствувале мирис на плин иако објектот не бил гасифициран. Детонацијата се случила во стан на вториот спрат од кој пожарот се проширил во становите од поткровјето.

Во Кичево повредено едно лице од експлозија на плинска боца во возило

Тале Кристо — Thu, 25 Jun 2020 13:56:47 +0000

Во полициската станица во Кичево денеска во раните утрински часови околу 4:50 часот, пријавена е експлозија на плинска боца и самозапалување на патнички автомобил „Поло“ со кичевски регистарски ознаки, информира портпаролот на СВР-Охрид Стефан Димоски.

Притоа, со изгореници се здобил возачот З.Р. (26) од Кичево, кој веднаш бил пренесен во Општата болница.

Пожарот во внатрешноста на автомобилот бил изгаснат од вработени во блиската бензиска постојка на улицата „11 октомври“ во Кичево, појасни Димоски.

НЕМА ПОДОБРУВАЊЕ: Повредените во експлозијата во Романовце и натаму во критична состојба

Ивона Петрова — Tue, 25 Feb 2020 10:50:18 +0000

Тројцата пациенти кои беа хоспитализирани во Клиничкиот центар „Мајка Тереза“ по експлозијата на плинска боца во кумановско Романовце се уште се наоѓаат во тешка критична состојба. Директорот на ТОАРИЛУЦ, Илир Хасани денес информираше за нивната состојба истакнувајќи дека нема подобрување. -Состојбата на повредените при експлозијата на плинска боца во кумановско Романовце е крајно тешка за двете жени и нема никаква промена во однос на подобрување. Состојбата кај мажот не е променета, тој е во тешка, но стабилна состојба и е на апарат на вештачко дишење, нагласи Хасани. Тој посочи дека сите тројца пациенти се во кома и на вештачко дишење. Хасани вчера истакна дека кај двете жени се утврдени изгореници на над 80 проценти од телото, додека мажот има околу 45% изгореници. Во експлозијата на плинска боца на лице место загинаа три деца на возраст од 8,9, и 11 години. Подоцна во текот на денот, на повредите им подлегна и 60 годишен маж.

ВО ИСКЛУЧИТЕЛНО ТЕШКА СОСТОЈБА: Лекарите се борат за 6 животи, меѓу нив дете и бремена жена

Ивона Петрова — Mon, 24 Feb 2020 11:17:47 +0000

Шест лица се наоѓаат во тешка состојба по вчерашната експлозија на плинска боца во семејна куќа во Романовце, при што животот го загубија четири лица, меѓу кои три деца. Според денешните изјави од директорите на ТОАРИЛУЦ и ЈЗУ Универзитетска клиника за хирушки болести „Св.Наум Охридски”, најголем дел од хоспитализираните пациенти се во тешка состојба со висок степен на изгореници. Во овие две болници хоспитализирани се едно 10 годишно дете, четири жени од кои едната е бремена и еден маж. Во Старата градска болница се примени две жени, едната бремена, и 10 годишно дете. Жената на возраст од 31 година и детето се во тешка состојба со висок процент на изгореници, приклучени на апарати за вештачко дишење. -Жена (31) има изгореници од 80 проценти и е во крајно тешка состојба. Приклучена е апарати за вештачко дишење и има изгореници на дишните патишта. Втора пациентка има 28 години, таа е со 25 проценти изгореници по телото од втор степен, а потешка околност е тоа што е бремена во седми месец. Десет годишно детенце има 70 проценти изгореници и за жал е во тешка состојба на апарати за дишење, истакна Арсенков. Во тешка и критична состојба се тројцата пациенти кои се хоспитализирани во Клиничкиот центар „Мајка Тереза“ . Директорот на ТОАРИЛУЦ Хасани денеска информираше за состојбата двете жени на возраст од 35 и над 50 години и еден маж на возраст од 65 години. -Двете жени се во тешка и критична состојба. Се бориме со максимални сили да ја стабилизираме нивната состојба. Се работи за тешки изгореници со над 80 проценти, додека мажот е отприлика со изгореници од 45 проценти. Тројцата пациенти се на апарати за вештачко дишење со тешка и критична состојба, истакна Хасани. Синоќа на КАРИЛ на повредите им подлегна 60 годишен маж. Тој е четвртата жртва од експлозијата на плинска боца во семејната куќа во која вчера загинаа деца на возраст од 8, 9 и 11 години.