пливач – Kurir.mk

Неверојатна снимка! Јато делфини формирале заштитен прстен и спасиле капач од голема бела ајкула: „Никогаш нема да го заборавам ова пливање“

Ристе Здравков — Wed, 10 Aug 2022 09:39:50 +0000

Адам Вокер од Велика Британија засекогаш ќе им биде благодарен на јатото делфини што го спасиле од напад на голема бела ајкула на брегот на Нов Зеланд. Адам пливал во водата кога недалеку од него се појавила огромна ајкула, која најверојатно ќе го нападнела доколку делфините не дошле напомош. Делфините формирале заштитен прстен околу Адам, спречувајќи ја ајкулата да му се доближи. „Случајно погледнав и видов ајкула, беше неколку метри под мене. Се обидов да не паничам“, рекол Адам. „Мислам дека ме штитеа и сакаа безбедно да стигнам до мојата дестинација. Секогаш ќе го паметам ова пливање“, изјавиl Адам. Држејќи се во јато, делфините се бранат од напад на ајкула, а смелите суштества често го вознемируваат предаторот и го бркаат. Никогаш нема да дознаеме дали делфините го направиле ова за да го одбранат Адам, но во секој случај ја избркале ајкулата од него.

Најголемиот хит на ОИ во Токио: Додека другите пливачи дошле ‘стегнати’ и во топ форма, овој човек гордо го покажа својот стомак и го воодушеви светот!

Ристе Здравков — Fri, 06 Aug 2021 10:58:08 +0000

Пливачот Шон Динглијус Волас е апсолутен хит на Олимписките игри во Токио. Додека сите пливачи во Токио дошле стегнати и во топ форма, овој човек од малата држава Палау не се грижи многу за добро дефинирано тело. Валас на базенот прошетал со својот стомак и и веднаш привлекол големо внимание кај сите што ја следеле трката на 50 метри слободен стил. Тој е еден од тројцата претставници на својата земја на Олимпијадата во Токио, а за разлика од Рио во 2016-та година, кога завршил на 72-то место, овојпат го подобрил својот пласман за седум позиции. Треба да се напомене дека Валас е повеќекратен државен рекордер и шампион. Својот прв официјален настап на најголемите светски натпревари го имал на светското првенство во Барселона во 2013-та година, и го продолжил учеството на светските првенства во Казан во 2015-та година, Будимпешта во 2017-та година и Квангџу во 2019-та година.

Возач на скутер повредил пливач и побегнал, струшката полиција го бара

Дарко Андоновски — Thu, 09 Aug 2018 11:14:05 +0000

Полициската станица од Струга, трага по возач на скутер кој повредил пливач и побегнал. Според полицијата се преземаат мерки за пронаоѓање на лице кое вчера во 16.40 часот управувајќи скутер во водите на Охридското езеро кај населбата „Езерски лозја“, го повредил Р.Д.(50) од струшкото село Ливада. Според пријавата, стружанецот пливал на оддалеченост од околу 500 метри оддалеченост од брегот кај населбата „Езерски лозја“ кога бил удрен од скутер, по што возачот на скутерот веднаш заминал и не му пружил помош на повредениот.

Повредениот од друго лице бил пренесен во Општата болница во Струга.

Американскиот пливач Рајан Лохти доби суспензија од 14 месеци

Ивона Петрова — Tue, 24 Jul 2018 06:10:57 +0000

Американскиот пливач Рајан Лохти доби 14-месечна суспензија од Американската антидопинг агенција. Шесткратниот олимписки првак самиот на социјалните мрежи објави фотографија на која се гледа како прима инфузија, поради што била покрената истрага. Со новите антидопинг правила, интравенозната инфузија не им е дозволена на спортистите, освен ако станува збор за лечење препишано од доктор. Иако 33-годишниот пливач не користел забранета супстанца, самата интравенозна витаминска терапија која била извршена во приватна клиника му донесе казна. Претходно, Лохти во 2016 година доби 10-месечна суспензија, бидејќи лажеше дека на Олимписките игри во Рио му се заканувале со пиштол.