плоштад македонија – Kurir.mk

УШТЕ ЕДЕН КАМИОН ПРОПАДНА НА ПЛОШТАДОТ МАКЕДОНИЈА – стана редовна пракса

Дарко Андоновски — Wed, 22 Mar 2023 10:27:11 +0000

На социјалните мрежи се шири фотографија на која се гледа како камион е пропаднат во фонтаната на плоштадот „Македонија“ во Скопје. На фотографијата може да се забележат и екипи кои со машини се обидуваат да го извадат. Пропаѓањето на камиони стана веќе редовна пракса.

ФОТО: Пак пропадна камион на скопскиот плоштад

Ивона Петрова — Wed, 23 Nov 2022 08:24:29 +0000

Камион со товар утрово, по којзнае кој пат, пропадна на скопскиот плоштад во близина на фонтаната „Воин на коњ“. Се работи за возило на приватна компанија кое со предните тркала пропаднало во плочникот во делот каде што се наоѓа партерната фонтана. Јавноста веќе не се сеќава по кој пат камион пропаѓа на плоштадот. Последниот случај беше летово кога камион пропадна на местото на партерната фонтана.

По две години пауза повторно „Матурска парада“ на плоштадот „Македонија“

Ивона Петрова — Fri, 20 May 2022 11:59:26 +0000

По двегодишна пауза поради пандемијата на коронавирусот, матурантите од 14 училишта од Скопје денеска повторно земаа учество на „Матурската парада“, на плоштадот „Македонија“. Учествуваа матурантите од СУГС „Раде Јовчевски Корчагин“, СУГС „Панче Арсовски“, СУГС „Браќа Миладиновци“, СУГС „Георги Димитров“, СМУГС „Д-р Панче Караѓозов“, СЕПУГС „Васил Антевски Дрен“, СУГС „Владо Тасевски“, СУГС „Димитар Влахов“, СУГС „Орце Николов“, СУГС „Лазар Танев“, СУГС „Шаип Јусуф“, СУГС „Јосип Броз Тито“, СУГС „Кочо Рацин“, СУГС „Марија Кири Склодовска“. Покрај скопските матуранти оваа година на „Матурската парада“ учествуваа и нивните врсници од триесетина градови во Словенија, Словачка, Србија, Црна Гора, Унгарија. – Ова е само крајот на вашето средно образование, почетокот на остатокот од вашиот живот и ви следат навистина најубавите години. Се надевам дека сите вие својата иднина ќе ја најдете во државата. Сигурна сум дека меѓу вас има многу млади кои ќе ги гледаме многу често во голем број на професии коишто ќе бидат гордост за сите нас, им порача градоначалничката на Град Скопје, Данела Арсовска. На настанот присуствуваше и заменик евроамбасадорот, Џулијан Васало кој на матурантите им порача дека пред нив ги имаат најубавите години и оти ќе имаат можност да си ги остварат соништата, да го сменат светот, но пред сè да се забавуваат. Во изминатите години учесниците од стотина градови од Северна Македонија, Австрија, Албанија, Босна и Херцеговина, Бугарија, Италија, Романија, Словенија, Србија, Украина, Унгарија и Хрватска во седум наврати поставија гинисови рекорди во истовремено синхронизирано играње на ист танц – квадрил. Вкупниот број на учесници на „Матурската парада“ во изминатите години во сите градови учесници ја надминува бројката од 500.000 матуранти.

РЕКА ОД НАРОД НА ПЛОШТАДОТ ВО СКОПЈЕ – КУРИР ВО ЖИВО ОД ПРЕЧЕКОТ НА ХЕРОИТЕ!

Дарко Андоновски — Fri, 25 Mar 2022 18:03:03 +0000

На градскиот плоштад во Скопје пристигнаа македонските фудбалери. КУРИР во моментов е во живот од плоштадот каде река од илјадници граѓани излегоа да ги пречекаат народните херои. Еуфоријата низ целата земја владее уште од вчера вечерта кога по победата над Италија се славеше буквално низ сите улици и плоштади во Македонија.

Организиран пречек на македонските фудбалери вечерва на плоштад „Македонија“

Тале Кристо — Fri, 25 Mar 2022 13:57:13 +0000

Македонската фудбалска репрезентација со вчерашната победа над актуелниот европски првак Италија испиша историја. Во знак на огромна благодарност за сета радост која ни ја приредија фудбалерите, вечерва во 18:30 часот на плоштадот ,,Македонија" сите граѓани и поддржувачи на македонската фудбалска репрезентација ќе можат да ги поздрават фудбалерите и стручниот штаб. Да им дадеме силна поддршка пред историскиот меч со Португалија за пласман на Светското првенство во Катар, информираат од Град Скопје.

Митева: Шилегов и Јанчева да и одговорат на јавноста дали начинот на работење бил преку прослави на сметка на скопјани

Магдалена Андонова — Sat, 29 Jan 2022 11:12:29 +0000

СДСМ нема граница во нивните лаги, а нема граница ни во злоупотребата на јавните функции. Денес уште еднаш ќе ја објавиме вистината која Шилегов и Јанчева се обидуваат да ја премолчат пред јавноста. Во предновогодишна забава организирана од Јанчева и Шилегов се потрошиле 91.560 денари. Таа фактура е потпишана од Јанчева, а платена од Град Скопје, од парите на скопјани. И додека СДСМ се обидуваат да ја сокријат вистината преку несоодветни соопштенија, ова се документи, кои ја потврдуваат веродостојноста на тоа што го говорам, изјави на денешната прес конференција, Марија Митева - портпарол на ВМРО-ДПМНЕ. - Прво, во овој документ, тоа е службена белешка испратена од секторот за финансии на Град Скопје на 03.02.2020 година до тогашниот градоначалник Шилегов и тогашниот секретар на градот,Викторија Аврамовска Мандиќ и јасно е наведено дека доставената фактура со број 76/19 се однесува за извршени услуги за кои нема склучен договор во 2019 година. Притоа, секторот на финансии укажува дека тоа е спротивно на Законот за внатрешна финансиска контрола, да се доставува фактура со архивска дата од претходна година, посочи Митева. Таа истакна дека ова е начинот на кои работеле СДСМ, без почитување на Законите кое претставува основа за непочитување на владеењето на правото. - Второ, во овој документ, тоа е Образец за реализирани средства за репрезентација од 31.01.2020 година и јасно се гледа дека Љубица Јанчева,како претседател на Советот на Град Скопје искористила средства за репрезентација по повод предновогодишна забава во вкупен износ од 91.560 денари. И трето, почитувани граѓани, ова е фискалната сметка од каде се гледа со што се частело друштвото кое било присутно и за да биде уште посрамно, се гледа дека Шилегов тогаш имал посебна сметка на која пишува, цитирам – „специјална нарачка за градоначалник г-дин Шилегов”. Скапи јадења, бифтеци на путер и алкохолни пијалоци барикирани 12 години, појасни портпаролката на ВМРО-ДПМНЕ. Таа додаде дека од ова јасно се гледа на што се трошеле градските пари. - Залудно се труди СДСМ преку бледи соопштенија да ја сокрие вистината и да ја одбегне одговорноста. ВМРО-ДПМНЕ транспарентно ги објави документите кои се доказ за ова, па ги повикуваме СДСМ, Шилегов и Јанчева да ѝ објаснат на јавноста дали ова бил нивниот начин на работење, прослави и забави на сметка на скопјани, децидена е Митева.

Кражба на Плоштад Македонија

Ивана Ефремовски — Fri, 10 Dec 2021 16:40:33 +0000

На 09.12.2021 во 09:30 часот во СВР Скопје, Б.Ќ.(28) од Скопје пријавил дека на 08.12.2021 околу 16:00 часот на Плоштад Македонија едно лице со закана му одзелo ранец со мобилен телефон. Се преземаат мерки за расчистување на случајот.

Отворете „четири очи“ кога се движите низ плоштадот Македонија – центарот на Скопје е небезбеден за граѓаните (ФОТО)

Тале Кристо — Wed, 22 Sep 2021 08:26:35 +0000

Плоштадот Македонија во Скопје изгледа како обележано минско поле, ова го потврдуваат и следните фотографии, а од истите можи да се заклучи дека Градот речиси и да не води грижа околу оддржувањето. Прашањето кое што се поставува е „дали некој треба да се повреди, да скрши нога или рака за градоначалникот Петре Шилегов се освести и да се фати за работа за што има и должност и обврска?“. Треба да зе напомене дека се она што ВМРО-ДПМНЕ изгради, од СДСМ очигледно е дека неможат да го оддржуваат, а за да направат или изградат нешто не станува ни збор. Во продолжение фотографии од плоштадот Македонија, кој што наликува на обележано минско поле:

ПЛОШТАД МАКЕДОНИЈА КАКО ОБЕЛЕЖАНО МИНСКО ПОЛЕ: Тоа што ВМРО-ДПМНЕ го изгради, СДСМ неможат да го оддржуваат – а за да направат нешто не станува збор (ФОТО)

Тале Кристо — Wed, 25 Aug 2021 18:33:28 +0000

Јапонец нападнат на плоштад „Македонија“

Ивона Петрова — Sat, 01 May 2021 14:39:19 +0000

На 30.04.2021 во 16.15 часот било пријавено дека околу 15.30 часот, пред угостителски објект на плоштад „Македонија“, И.К.(37) од Јапонија бил физички нападнат од едно лице, информира МВР. Се работи на расчистување на случајот.