плоштад – Kurir.mk

Скопјанец пронајден во безсознание на скопскиот плоштад

Ивана Ефремовски — Fri, 18 Aug 2023 15:20:08 +0000

На 17.08.2023 во 23:17 часот во Полициската станица Центар било пријавено дека во Комплекс клиники „Мајка Тереза“ бил донесен М.М.(47) од Скопје, кој, според пријавеното, бил пронајден во безсознание поради здравствени проблеми на Плоштад „Македонија“ во Скопје. Увид на местото извршила екипа од СВР Скопје.

Костовски најави нов плоштад во општина Бутел

Ристе Здравков — Tue, 11 Apr 2023 15:33:37 +0000

Градоначалникот на општина Бутел, Дарко Костовски на својот Фејсбук профил најави изградба на нов плоштад во општината. Новиот плоштад на територијата на општина Бутел ќе го носи името „Слобода“. Плоштадот кој со видео презентација го најави Костовски, ќе биде изграден позади општинската зграда, во линија со основното училиште „Живко Брајковски“.

ФОТО: Раскитен плоштадот во Загреб – вечер ќе се гледа фудбал, во понеделник пречек на Ливаковиќ, Модриќ и другарите

Ивона Петрова — Tue, 13 Dec 2022 11:03:20 +0000

Дел од жителите на Загреб останаа шокирани откако утринава видоа дека се отстрануваат новогодишните украси од Плоштадот Бан Јелачиќ. Градските власти почнаа да ги отстрануваат новогодишните украси од главниот плоштад во Загреб, а причина за ова е пречекот на хрватската репрезентација по враќањето од Мундијалот. Воедно главниот градски плоштад се подготвува и за организирано следење на дешениот натпревар меѓу Хрватска и Аргентина од 20 часот. Градоначалникот на Загреб, Томислав Томашевиќ, на редовната прес-конференција потврди дека се отстрануваат украсите од плоштадот за да се гледа натпреварот, но и за пречек на репрезентацијата чие враќање дома е најавено за понеделник попладне.

Државјанин на Турција е возачот кој со камион пропадна на плоштад, бил изведен пред суд

Ивона Петрова — Wed, 23 Nov 2022 11:17:17 +0000

Возило на приватната компанија чиј камион неовластено влегол на плоштадот Македонија, по што причинил материјална штета - нема дозвола за движење на плоштадот, иако има поднесено такво барање, се огласија од Град Скопје. Оттаму посочуваат дека возачот, странец, државјанин на Турција е приведен и изведен пред суд. За овој настан МВР ќе поднесе и соодветен поднесок. -Градот Скопје по извршениот инспекциски увид издадоа санкција која правното лице ќе треба да ја плати во рок од 10 дена, во спротивно ќе следи прекршочна и кривична пријава, се наведува во соопштението.

Момче и девојка нападнати на плоштадот „Скендер бег“ во Скопје

Тале Кристо — Thu, 01 Sep 2022 15:03:11 +0000

На 31.08.2022 во 19.30 часот во Полициската станица Бит Пазар, Б.А.(39) од Тетово пријавил дека околу 16.20 часот на Плоштад „Скендер бег“ во Скопје тој и С.М.(женско лице) биле физички нападнати од едно лице. Се преземаат мерки за расчистување на случајот, по што ќе биде поднесен соодветен поднесок.

ФОТО: Камион пропадна во фонтаната на плоштад, оштетен плочникот, Град Скопје ќе бара надомест

Ивона Петрова — Tue, 30 Aug 2022 10:22:13 +0000

Пак пропадна камион во фонтаната на Плоштадот Макадонија во Скопје. Од утрово, на Плоштадот се поставува бина и шатори за фестивалот на пивото „Пиволенд“ кој го организира Град Скопје. Еден од камионите кој носеше опрема пропадна и фонтаната сега повторно е искршена и оштетена. Од Град Скопје велат дека приватен субјект со камион без дозвола неовластено влегол на плоштадот „Македонија“, по што е причинета штета на плочникот. Град Скопје остро го осудува овој чин и најави дека ќе ги преземе сите законски мерки за извршување на инспекциски надзор и за санкционирање. За причинетата штета врз јавните добра на плоштадот, како што се наведува, ќе се бара надомест на штета. -Ваквото однесување од страна на поединци е недозволиво и за тоа ќе се спроведат најстроги санкции, се вели во соопштението од Град Скопје.

Три години од феноменалниот дочек: „Вардарци“ на плоштад пред 150.000 Македонци (ВИДЕО)

Ристе Здравков — Fri, 03 Jun 2022 08:50:40 +0000

Плоштадот „Македонија“ пред три години беше обоен во црвено-црно, откако над 150.000 Македонци се собраа за да ги поздрават европските шампиони, ракометарите на РК Вардар. Тоа беше втора европска круна за „вардарци“, со уште поголема тежина од онаа првата поради огромните долгови на газдата кон играчите, кои покажаа неверојатен карактер, се издигнаа над сите проблеми и остварија феноменален успех. Шпанецот Парондо го предводеше Вардар до втората европска титула во Келн, каде пред „црвено-црните“ паднаа европските гиганти Барселона и Веспрем. Илјадници фанови надвор од Скопје дојде во главниот град за овој спектакуларен дочек…

#OnThisDayInHandball 3 years ago around 150.000 fans welcomed @HCVardar in the streets of Skopje after the 🇲🇰 top club the day before won their 2nd EHF Champions League title in 3 seasons!#handball #ehfcl pic.twitter.com/Na9lUATEO3
— Rasmus Boysen (@RasmusBoysen92) June 3, 2022

СДП бара плоштадот во Загреб повторно да се вика „Маршал Тито“

Ивона Петрова — Fri, 27 May 2022 11:30:38 +0000

Советничката група на хрватската Социјалдемократска партија во Градското собрание на Загреб поднесе предлог за враќање на името „Маршал Тито“ на плоштадот што сега го носи името „Република Хрватска“ во главниот град. Загрепски „Јутарњи лист“ објавува дека предлогот го поднел шефот на загрепската СДП, Виктор Готовац приложувајќи образложение на пет страници. На првите две страници се наведени заслугите на поранешниот доживотен претседател на СФРЈ, Јосип Броз Тито, за независноста на Хрватска, со граници на државата во чии рамки се вратени сите хрватски региони. Објаснувањето содржи и биографија на Броз, за која Готовац вели дека се посочени сите заслуги на Тито од страна на историчарите, интелектуалците и политичарите. – Јосип Броз, Маршал Тито ја донесе идејата за нашето хрватско политичко и културно ослободување до целосна победа, се вели во образложението на предлогот, во кое се наведува хрватскиот суверенитет што бил прекинат во раниот среден век, Маршалот го одбранил и воспоставил во една од најкрвавите војни во историјата, а замислата за ослободување ја претворил во целосна победа, крунисувајќи ја со атрибутите на целосна национална независност и државност. Готовац посочува дека Јосип Броз Тито и ги вратил на Хрватска сите нејзини растргнати градови, острови и провинции, од Далмација со Ластово, најпознатиот град од хрватското минато – Задар, потоа Кварнер со Црес, сите острови, Риека и на крајот Истра. Притоа се нагласува и политиката на Тито и неговата улога во Втората светска војна. – Да не беше далекувидната политика на Тито и неговите соработници – хрватскиот народ ќе се најдеше во несразмерно неповолна положба по Втората светска војна отколку што беше по распадот на Австрија во 1918 година, се наведува меѓу другото во образложението, чии делови пренесува „Јутарни лист“.

Костовски најави нов плоштад во Бутел

Ристе Здравков — Tue, 12 Oct 2021 15:02:16 +0000

Кандидатот за градоначалник на ВМРО-ДПМНЕ за општина Бител, Дарко Костовски, во видео спот најави нов модерен плоштад во населеното место Бутел 1, на местото на полициската станица. -ОПШТИНА БУТЕЛ ЌЕ ДОБИЕ НОВ ПЛОШТАД И ДОМ НА КУЛТУРА ! Општина Бутел, особено населеното место Бутел 1 ќе добие сосема нов лик, луѓето од сите генерации ќе имаат каде да се релаксираат и коринсо да го поминуваат своето слободно време. Полициската станица ќе биде дислоцирана и ќе се изгради нова зграда во населеното место Расадник, најави на Фејсбук, Дарко Костовски.

Дупката во фонтаната на плоштадот Македонија се уште зјае отворена

Дарко Андоновски — Wed, 14 Apr 2021 19:25:55 +0000

Среде плоштад наместо фонтана отворен кратер. И по две недели откако пропадна возилото на јавното претпријатије Комунална Хигиена во подната фонтана, штетата не е санирана. Отворот во фонтаната е заштитен само со неколку полуискинати ленти што само ја зголемува опасноста за минувачите, објавува Сител. Кога ќе биде поправена дупката и колку ќе чини санацијата засега нема информации. Од јавното претпријатие Водовод и канализација велат дека пандемијата влијае директно и на поправката. Од град Скопје велат дека додека да се поправи фонтаната , деновиве привремено ќе го уределе просторот на плоштадот. Инаку не е прв пат возило да пропадне во подната фонтана на градскиот плоштад. Пред речиси 4 години пропадна камион додека се подготвуваше бина. Вината беше лоцирана кај возачот на камионот.