плукање – Kurir.mk

Плукањето противнички играч ќе го чини Турам 40 илјади евра и суспензија на шест натпревари

Тале Кристо — Tue, 22 Dec 2020 08:53:43 +0000

Германскиот фудбалски сојуз му изрече ригорозна казна на Маркус Турам од Борусија Менхенгладбах кој плукна во лицето на противнички играч во 13. коло од Бундеслигата на средбата со Хофенхајм (1:2) и доби црвен картон. Одлуката на дисциплинската комисија e дисквалификација на играчот за следните шест натпревари, како и парична казна од 40 илјади евра. Покрај тоа, клубот му ја одзеде месечната плата на францускиот напаѓач, која според „Билд“ изнесува 150 илјади евра и ќе биде донирана во добротворни цели. Турам одигра 13 натпревари оваа сезона во Бундеслигата, постигна два гола и направи една асистенција.

Анхел Ди Марија казнет со 4 натпревари за плукање

Магдалена Андонова — Thu, 24 Sep 2020 07:31:29 +0000

Аргентинскиот играч за врска на Пари Сен Жермен, Анхел ди Марија е казнет со четири натпревари за однесувањето за време на скандалозното дерби со Марсеј во третото коло од Лига 1. Казната беше изречена за плукање кон дефанзивецот на Марсеј, Алваро Гонзалес. Ова се случи за време на скандалот меѓу играчите на двата тима, а се почна по кавгата помеѓу Гонзалес и Нејмар. Бразилецот го обвини противникот за расизам, бидејќи наводно бил наречен „валкан мајмун“. Самиот Гонзалес негираше дека ги изговорил тие зборови. (МИА)

Коста се извини за плукањето

Ристе Здравков — Mon, 17 Sep 2018 06:46:27 +0000

Бразилскиот фудбалер, член на Јувентус, Даглас Коста на вчерашниот натпреварот со Сасуоло плукна противнички играч и доби црвен картон. Инцидентот се случи во четвртата минута од судиското надополнување и за Бразилецот ќе значи 3-4 натпревари суспензија во следните рунди на Серија А. - Им се извинувам на сите поради мојата непримерна реакција. Се извинувам на навивачите, соиграчите, на сите. Тој потег беше навистина одвратен. Ова мое однесување нема ништо заедничко со тоа што го покажував во текот на мојата кариера, напиша Коста на неговиот Инстаграм профил. Поради непримерното однесување, бразилскиот интернационалец ќе биде казнет и од клубот, најави тренерот на Јувентус, Масимилијано Алегри.