победи – Kurir.mk

Жена тешко повредена во сообраќајка во Охрид

Ивона Петрова — Tue, 06 Jul 2021 10:00:05 +0000

На 05.07.2021 во 07.00 часот било пријавено дека во Охрид, на крстосницата од ул.„Браќа македонски просветители“ со бул.„Туристичка“ се случила сообраќајна незгода помеѓу патничко возило „мерцедес“, со охридски регистарски ознаки, управувано од М.И.(63) од Охрид и мопед „томос“, со охридски регистарски ознаки, управувано од С.В.(46) од с.Велгошти, охридско, информира МВР. Во незгодата со тешки телесни повреди се здобила С.В., констатирани во Болницата за ортопедија и трауматологија „Свети Еразмо“ во Охрид. Извршен бил увид на местото на незгодата од увидна екипа од СВР Охрид.

Први победи за Вардар, Шкендија и Шкупи во новото првенство

Тале Кристо — Sun, 16 Aug 2020 21:00:46 +0000

Бранителот на трофејот Вардар, Шкендија и Шкупи попладнево забележаа победи во 2. коло од Првата македонска фудбалска лига и за прв пат во новото првенство прокнижија три бода. Вардарци се радуваа на теренот на Академија Пандев во Струмица, додека Шкендија и Шкупи забележаа полн погодок на свој терен. Резултати на четирите денешни средби од 2. коло од ПМФЛ: Академија Пандев – Вардар 0:1 Борец – Ренова 1:1 Шкендија – Струга Трим и Лум 2:0 Шкупи – Македонија Ѓ.П. 3:1. Одиграни претходно Силекс – Пелистер 2:2 Работнички – Беласица 2:0. Табела: Силекс, Шкупи, Шкендија, Пелистер и Борец по 4 бода, Работнички, Вардар и Македонија ЃП 3, Ренова 2, Струга Трим и Лум 1, Академија Пандев и Беласица 0.

Оклахома го победи Лејкерс за прв пат оваа сезона, Торонто до седми триумф во низа

Магдалена Андонова — Thu, 06 Aug 2020 07:43:40 +0000

За прв пат од почетокот на сезоната 2019/20, кошаркарите на Оклахома сити забележаа победа над Лос Анџелес лејкерс, тим кој веќе го обезбеди првото место во Западната конференција. Белег на ноќта во најсилната светска кошаркарска лига стави и актуелниот шампион Торонто кој стигна до седмата победа во низа. Резултати: Јута – Мемфис 124:115 Сан Антонио – Денвер 126:132 Вашингтон – Филаделфија 98:107 ЛА лејкерс – Оклахома 86:105 Орландо – Торонто 99:109 Бостон – Бруклин 149:115. Пласман Западна конференција: ЛА лејкерс 51-16 (победи-порази), ЛА клиперс 45-22, Денвер 45-23, Јута 43-25, Хјустон 42-25, Оклахома 42-25,…. Пласман Источна конференција: Милвоки 54-14, Торонто 49-18, Бостон 45-23, Мајами 43-25, Индијана 42-26, Филаделфија 41-27,…(МИА)

СП во кошарка: Победи на Турција и Доминиканска Република

Дарко Андоновски — Sun, 01 Sep 2019 12:48:54 +0000

Турција и Доминиканска Република почнаа со победа врз Јапонија, односно Јордан, во првото коло од Светското кошаркарско првенство во Кина. Турција со резултат 86:67 ја порази Јапонија, а победата ја обезбеди уште во првата четвртина со 16 разлика, односно 28:12, а Јапонците немаа сила да направат пресврт. Најефикасен кај Турција беше Мелих Махмутоглу со 17 поени, а кај Јапонија Хачимура и Фазекај со по 15 поени. Натпреварот меѓу Доминиканска Република и Јордан беше понеизвесен, сепак Доминиканците ја искористија улогата на фаворит па го совладаа Јордан со 80-76. Најефикасен кај Доминиканска Република беше Виктор Лиз со 15 поени, а кај Јорданците Ди Дваирија постигна 34 поени.

Кристијано со најмногу победи во ЛШ

Дарко Андоновски — Thu, 26 Apr 2018 09:52:16 +0000

Најдобриот фудбалер на Реал Мадрид, Кристијано Роналдо има најмногу победи во Лигата на шампионите. Ѕвезда на Реал вчера против Баерн во Минхен стигна до 96.триумф во елитното натпреварување со што го надмина Икер Касијас, кој остана втор со 95 победи во ЛШ. На вечната листа на фудбалери со најмногу победи во шампионската лига трет е Чави со 91. победа, Раул и Иниеста имаат по 79, Гигс е со 74, Меси е седми со 73,...