победници – Kurir.mk

Прогласување на победниците на натпреварот на ученички компании во организација на „Џуниор ачивмент“

Тале Кристо — Fri, 27 May 2022 17:37:01 +0000

Петта година по ред „Џуниор ачивмент“ организира натпревар на ученички компании, чија цел е учениците со поддршка на наставници ментори да учат преку работа и така да ги развиваат практичните компетенции, креативноста и иновативноста, како и претприемачкиот и натпреварувачкиот дух. На манифестацијата на која беа прогласени победниците за учебната 2021-2022 година се обрати и министерот за образование и наука Јетон Шаќири, кој рече дека натпреварот преминува во традиција, затоа што концептот е интересен за младите и тие сакаат да решаваат предизвици. – Благодарност до организаторот што со своите заложби за спроведување на овие неформални образовни активности надвор од училишните клупи, му дава една додатна вредност на воспитно-образовниот процес во нашата земја и го поттикнува претприемничкиот и натпреварувачкиот дух на учениците, на кои навистина им треба да добиваат вакви шанси преку кои ќе ги покажуваат своите лидерски способности, својата креативност и иновативност, што всушност се совпаѓа со целите на реформите кои ги прави Министерството за образование и наука и Владата за да имаме посовремен образовен систем, рече Шаќири. Информираше дека претприемачкото образование е дел од суштинската реформа на основното образование која е во тек и тоа се внесува во сите задолжителни и изборни предмети, но и во воннаставните активности. Сите нови наставни програми и учебници се изработуваат врз основа на осум национални стандарди за постигања на учениците, а еден од нив е „техника, технологија и претприемништво“. -Од учениците се очекува да стекнуваат компетенции кои се поврзани со способности за преземање иницијативи, за креирање идеи и претворање на идеите во производи и услуги, за носење одлуки и преземање ризик, додаде Шаќири. Честитајќи им на победниците, тој упати порака до сите учесници да бидат истрајни и упорни во секоја битка и да се водат по идеологијата за доживотно учење бидејќи, како што рече, едукацијата е процес, а не чин кој завршува на конкретен датум. Во рамки на тридневната манифестација што се одржа во Струга, првпат беше избран и наставник на годината, како и најпретприемачко училиште, информира МОН.

ЕВРОВИЗИЈА НА НИТУ ЕДЕН ПОБЕДНИК НЕ МУ ГО ДОЗВОЛИЛА ОВА – Украина ќе биде исклучок, еве што најавуваат да направат победниците

Дарко Андоновски — Wed, 18 May 2022 11:15:22 +0000

Оркестарот Калуш објави дека и победничкиот трофеј ќе биде ставен на аукција, а приходите ќе бидат наменети за поддршка на украинската армија Украинските победници на „Евровизија“ најавија дека започнуваат турнеја низ Европа со цел да соберат пари за војската и добротворните организации во нивната земја. Фронтменот Олег Псјук изјави дека бендот ќе објави на Инстаграм каде ќе се одржи турнејата. Тој додаде дека и победничкиот трофеј ќе биде ставен на аукција, а приходите ќе бидат наменети за поддршка на украинската армија иако тоа до лани на пример беше невозможно, бидејќи трофејот се предава од еден на друг победник секоја година. Фронтменот на групата Псјук, објави дека директно од ова музичко натпреварување заминал на фронт.

Победниците се вратија во Украина – беа пречекани на граница од војниците кои заедно со нив ја пееја песната, еве што добија штом се вратија дома (ВИДЕО)

Дарко Андоновски — Tue, 17 May 2022 09:50:29 +0000

Украинскиот бенд "Kalush Orchestra" се врати дома во Украина по победата на годинешната Евровизија во Торино, Италија. Членови на украинскиот бенд „Калуш орчетсра“("Kalush Orchestra" ) вчера ја преминаа полско-украинската граница во Краковец во Лавовската област. Таму се сретнале со обожаватели и украински војници кои сакале да се фотографираат со нив. Победниците на Евровизија беа пречекани со сино-жолти цветови и со украинско знаме. Членовите на бендот застанаа на полската граница и на задоволство на сите присутни ја отпеаја својата песна „Стефанија“.

⚡️ Kalush Orchestra returns to Ukraine after Eurovision win. The Ukrainian band gave an impromptu performance of the winning song, "Stefania," for the members of Ukraine's State Border Guard Service after crossing the border on their way home. Video: Eurovision Ukraine/Telegram pic.twitter.com/KkRQEfBxfR
— The Kyiv Independent (@KyivIndependent) May 16, 2022

Овие три хороскопски знаци се родени победници

Тале Кристо — Tue, 21 Sep 2021 20:41:40 +0000

Овенот пред сè е храбар знак Ентузијазмот и одлучноста се главните особини на овој знак. Ако сакате нешто да биде завршено, дајте му го нему. Неговата продорност и проникливост го прават одличен шеф, директор кој секогаш е во некакво движење, а токму таа енергија им ја пренесува на сите во фирмата.Доследно ги исполнува ветувањата, но истото го очекува и од останатите. Најмногу мрази лаги, озборувања и предавство. Тој би бил одличен хирург, градежен инженер, војник, офицер, актер или најдобар комичар како што некогаш бил Чарли Чаплин. Тој е љубовник како познатиот Казанова или одличен политичар кој ќе успее во секоја своја замисла. Затоа, ако се најдете во близина на овој знак знајте дека нема бегање. Подгответе се за работа и дајте го и последниот атом сила кој го имате, бидејќи само така ќе успеете да победите, но и да освоите поени кај овој знак. Стрелец – оптимист, аристократ Владетел на овој знак е планетата Јупитер. Онаму каде се наоѓа оваа планета во нашата натална карта, таму лежи и нашата среќа. Овој знак токму како и неговата планета владетел претставува моќ, успех, уживање… Стрелците се препознатливи по нивниот млад дух, надворешната убавина, атлетската градба, но и постојаната насмевка на лицето, желбата за патување и добра храна. Стрелецот е отмен аристократ, кој понекогаш се претвора во нескротлив бунтовник, кој ги почитуваа традициите, но сепак го следи својот пат. Сепак, соработката со Стрелецот не е баш лесна, бидејќи понекогаш знае да биде многу арогантен и строг. Животните желби на овој знак се големи, но тој секогаш наоѓа начин да ги оствари. За овој хедонист не постои поголема казна од живот без задоволства и пари. Јарец – деспот, авторитет Без оглед колку лоши работи се поврзувале, уште од најстари времиња, со планетата владетел на овој знак, сепак тоа е планетата од која започнал светот. Јарецот се смета за еден од највлијателните знаци на зодијакот. Јарецот своите успеси ги должи на својата дисциплина, работа и стратегија, нешта кои ги користи при секоја работа. Тој е знак кој не се плаши од стресот или загубата на работното место, бидејќи знае дека тоа е местото кое природно му припаѓа. Неговиот авторитет е нешто со кое се раѓа и кое останува засекогаш главна црта во неговиот карактер. Јарецот е успешен доктор, хемичар, биолог, политичар, банкар, адвокат, композитор, пејач… Совршен пример за тоа е Елвис Присли роден токму во овој знак.

Ова се победниците на рекреативниот и полумаратонот

Дарко Андоновски — Sun, 06 May 2018 09:02:34 +0000

Македонскиот атлетичар Дарио Ивановски е победник во полумаратонската трка на Виз Ер Скопскиот маратон со резултат од 1 час, 9 минути и 10 секунди. Атанас Анчевски заврши втор со 1.14.44 и трет беше Милош Ранчиќ со 1.15.56. Од жените во генералниот пласман првите три места ги земаа Миљана Ристиќ со 1.29.15, Амела Трозиќ со 1.32.22 и Силвија Шимуновиќ со 1.35.06. По полумаратонот Ивановски изјави дека напредува и оти изминатиот период се подготвувал во Белград со многу силни атлетичари. - Ветив малку подобар резулатат. Ветив рекорд на Македонија, но сепак не издржав бидејќи момците од Кенија воведоа многу јак ритам под три минути и наглата промена многу тешко ја поднесов и од четвртиот киломеатр до крај останав сам, изјави Ивановски, кој лани истрча и победи со 1 час, 11 минути и 27 секунди на полумаратонот. Според него, патеката е рамна, има предобра организација, но поради топлото време е тешко е да се направи личен рекорд на Скопскиот маратон. Богдан Цветковски е првиот победник на Скопскиот маратон, во трката на пет километри. - Лани земав прво место, а оваа година ја одбранив титулата. И ова година беше потешко доста, имаше поголемам конкуренцијата, рече Цветковски. Додаде дека оваа година во трката на пет километри имало 7.000 учесници. Неговото време е 17 минути, 25-6 секунди. Трката на пет километри беше најмасовна. Кај машките натпреварувачи први беа Цветковски, Кристијан Стојани, Леонид Вандевски, а кај жените Греса Бакрачи, Марго Бојаџиева, Викторија Ѓорѓеска. Во трката на пет километри учествуваше и директорот на Агенцијата за млади и спорт Дарко Каевски кој изјави дека манифестацијата била одлично организирана и масовна. - Ова е најмасовниот настан што се случува во Скопје годинава и се надевам дека 2019 овој маратон ќе биде уште помасовен, рече Каевски. Во трката учествуваше и министерот за финансии Драган Тевдовски.