поцеста – Kurir.mk

Единствената преживеана од семејството Поцеста живее во страв: До каде е истрагата за трикратното убиство во Дебар?

Ивана Ефремовски — Wed, 10 Oct 2018 10:40:42 +0000

Молк од надлежните институции и ниту еден нов детаљ помалку од два месеци по монструозното трикратно убиство во Дебар, анализира Фактор. Сите сомнежи за убиството на сопрузите Поцеста и нивната најмала ќерка се фрлени врз нивната најстара ќерка. Мотивите уште не се разјаснети. До каде е истрагата? Новина може да се прочита само кај италијанските медиуми. Последни пишувања за случајот кој ја потресе околината на Дебар и се запиша како еден од најужасните во историјата на државата е дека единствената сестра која остана од ова семејство Мукадес Поцеста не се вратила во Италија. Таа останала да живее во Македонија во страв и со полициска придружба. Двокатната куќа во гратчето Тренто остана празна и напуштена, каде што до последните денови од август живееше семејството без очигледни проблеми. Мукадес Поцеста, е сестрата на осомничената Блерта Поцеста, која живее во страв и полициска придружба. Внатре стои само автомобилот кој го возела Мукадес, пишуваат италијански медиуми.

МВР со детали: Притвор за ќерката која си ги уби родителите и сестрата, притворени и помагачите

Катерина Бојаџиева — Mon, 03 Sep 2018 12:28:07 +0000

Одреден е притвор во траење од 48 часа на постарата ќерка на семејството Поцеста Б.П. (28), осомничена дека го извршила грозоморното тројно убиство во Дебар и дека таа го застрелала својот татко Агим, мајката Назмие и 14- годишната сестра Анила. -Надворешната канцеларија за криминалистички работи Дебар до Основното јавно обвинителство во врска со убиството на А.П. (54), Н.П. (53) и нивната 14-годишна ќерка во Дебар поднесе кривична пријава против Б.П. (28) од Дебар поради основано сомнение дека сторила кривично дело „убиство“, како и против Ф.Г.(31) од Гостивар и В.К. (61) од Дебар за помагање во врска со „убиство“. Б.П., Ф.Г. и В.К. се приведени, а судија на претходна постапка од Основниот суд Гостивар им одреди притвор во траење од 48 часа, информираат од МВР.

Нови детали за тројното убиство во Дебар: Пиштолот пронајден на бензинска пумпа во Тетово

Катерина Бојаџиева — Mon, 03 Sep 2018 11:31:45 +0000

Постарата ќерка на семејството Поцеста од Дебар е осомничена за грозоморното убиството на нејзините родители и помалата сестра, неофицијално се дознава. 25-годишната девојка се наоѓа на распит во ОЈО. Тв21 дознава дека осомничената за трикратното убиство го извршила делото со уште тројца помошници. Едниот и обезбедил пиштол, вториот и помогнал да го изврши делото, а третиот бил задолжен да ѝ помогне со превозот. Како што неофицијално дознава телевизијата, пиштолот со кој е извршено убиството е пронајден на бензинска пумпа во Тетово. Девојката долги години живеела во Италија, пристигнала во родниот Дебар за да го изврши делото, а по убиството веднаш заминала за Италија. Повторно се вратила во земјава откако родинините телефонски и ја соопштиле веста дека се откриени телата на нејзините родители и нејзината сестра. Неофицијално, членови на семејството Поцеста биле членови на мафијашка група во Италија. Извори на Тв21 брифираат дека мотив за убиството најверојатно е одмазда бидејќи таткото сведочел против членови на групата во која членувала и неговата ќерка. Се очекува МВР и Обвинителството подоцна во денот да излезат со официјални информации. Трагичниот настан се случил на 26 август во три часот по полноќ.

Инфо Шкип: Tројното убиство во Дебар го извршила поголемата ќерка на семејството Поцеста

Матеја Петровски — Mon, 03 Sep 2018 05:35:15 +0000

Извршител на тројното убиство во семејството Поцеста во Дебар е нивната поголема ќерка, која исто така со нив живеела во Италија, пренесува порталот Инфо Шќип, повикувајќи се на полицијата.. Неофицијално се дознава дека Б.П. (25) откако го извршила грозоморното убиство отпатувала за Италија, по што повторно се вратила во Дебар, откако роднините „ја известиле“ за трагичниот настан. Во извршување на убиствата и помагале две лица, едно од Гостивар, познато на полицијата по проблематичното однесување, кое и помагало во превозот, и едно од Дебар, кое го обезбедило пиштолот. Тројцата се приведени и однесени во Основниот суд во Гостивар, што, заедно со Основното јавно обвинителство од овој град, се надлежни за ова кривично дело. Според последните информации на тројцата им е изречена мерка притвор во траење од 30 дена. Инаку, Амит (54), неговата сопруга Назмије (53) и нивната ќерка Анила (14) Поцеста беа застрелани со пиштол на 26 август во утринските часови во нивниот дом додека сопружниците спиеле во спалната соба, додека девојчето во неговата соба. Биле пронајдени од близок роднина истиот ден околу 21 часот. Сопружниците Поцеста речиси три децении со своите три ќерки живеле и работеле во Италија, а во родниот крај вообичаено, како и секоја година, доаѓале за време на летниот одмор. Трите безживотни тела ги пронашле роднини, кои откако виделе дека ги нема на домашната веселба на нивен близок роднина и не се јавувале на телефонските повици, заминале во нивната куќа, влегле преку отворен прозорец со помош на скала. Шокирани од глетката ја известиле Полицската станица од општа надлежност во Дебар,која потоа ја информирала Општата болница. Екипа на итна медицинска помош веднаш пристигнала, но за жал лекарот само констатирал смрт. Тие беа погребани на градските муслимански гробишта во Дебар во вторникот, а до вечните почивалишта ги испратија неколку илјади дебарчани. (Миа)