почесна стрелба – Kurir.mk

Почесна артилериска стрелба по повод Денот на Армијата

Ивона Петрова — Thu, 17 Aug 2023 06:13:19 +0000

По повод 18 Август – Денот на Армијата, денеска во касарната ,,Илинден“ во Скопје со почеток во 19.00 часот, ќе се изврши почесна артилериска стрелба со истрелување на 10 плотуни од шест артилериски орудија од состав на артилерискиот баталјон на Армијата. Како што соопштија од канцеларијата на односи со јавноста на Генералштабот на АРМ, претходно, во попладневните часови во период по 15.00 часот ќе биде извршена пробна артилериска стрелба со еден плотун од артилериските орудија.

Скопјани, утре ќе се слушаат истрели: Не паничете, дознајте што ќе се случува

Ивана Ефремовски — Tue, 06 Sep 2022 17:30:37 +0000

По повод Денот на независноста – 8 Септември, утре од касарната „Илинден“ во Скопје, припадници на единицата на артилерискиот баталјон на Армијата ќе извршат почесна артилериска стрелба со истрелување на 10 плотуни од шест артилериски орудија. Претходно, како што најавија од Министерството за одбрана, ќе биде извршена и пробна артилериска стрелба со по еден истрел од шест артилериски орудија Почесната стрелба е како дел од протоколарните обврски на Армијата за одбележување на државните празници.

Почесна артилериска стрелба по повод јубилејот 30 години од формирањето на Армијата

Ивона Петрова — Thu, 18 Aug 2022 06:29:10 +0000

По повод централната свеченост за одбележување на Денот на Армијата и 30 годишниот јубилеј, во касарната ,,Илинден“ во Скопје, денеска, со почеток во 10.00 часот, ќе се изврши почесна артилериска стрелба со истрелување на три плотуни од шест артилериски орудија од страна на артилерискиот баталјон на Армијата. Почесната стрелба како дел од протоколарните обврски на Армијата за одбележување на празници е во склоп на активностите кои се реализираат по повод одбележувањето на јубилејот 30 години од формирањето на Армијата, информираат од Генералштабот на Армијата.

Почесна артилериска стрелба по повод денот на независноста на Македонија

Ивона Петрова — Mon, 06 Sep 2021 05:19:40 +0000

По повод 8 – Септември, денот на независноста на Македонија, утре во касарната „Илинден ќе се изврши почесна артилериска стрелба. Од Регионалниот центар за управување со кризи на Град Скопје соопштија дека во 16 часот ќе се изврши пробна артилериска стрелба со истрел од еден плотун од шест артилериски орудија (хаубица 105 мм). Вечерта на 7 септември во време од 18:30 до 19 часот ќе се изврши почесна артилериска стрелба со истрел од 10 плотуни од шест артилериски орудија хаубица 105 мм.

ФОТО: Почесна стрелба низ Велика Британија во чест на принцот Филип

Ивона Петрова — Sat, 10 Apr 2021 14:12:38 +0000

Низ Велика Британија денеска е организирана почесна стрелба во чест на принцот Филип, кој почина вчера на 99-годишна возраст. Во Лондон, Единбург, Кардиф и Белфаст се истрелаат 41 плотун секоја минута од пладне (по британско време). Плотуни се истрелани и од бродови на Кралската морнарица во чест на Војводата од Единбург, кој служел како поморски офицер за време на Втората светска војна, објави Би Би Си. За Војводата од Единбур нема да биде организиран државен погреб. Неговото тело ќе се наоѓа во замокот Виндзор пред погребот, кој ќе се одржи во капелата на „Свети Гeорги“. Поради коронавирусот многу процедури ќе бидат изменети. Официјалните лица апелираат до јавноста да не присуствува на погребот или на која било друга церемонија. Во меѓувреме, sвоната на Вестминстерската опатија од шест часот по локално време (седум по средноевропско време) ќе ѕвонат по еднаш на секоја минута – и така 99 пати. Принцот Филип и кралицата Елизабета се венчаа токму во Вестминстерската опатија на 20 ноември 1947 година, пет години пред таа да стане кралица, така што имаа најдолг брак во историјата на британската монархија. Знамињата во Бакингемската палата и на владините згради низ Велика Британија се спуштени на половина копје, а операторите на билборди ги заменија рекламите со фотографии и пораки со кои му се оддава почит на принцот. Граѓаните оддаваат почит оставајќи цвеќе пред кралските резиденции, иако се апелира да не се собираат поради пандемијата. Почит на принцот Филип ќе му оддаде и една прашумска заедница од Вануату, островска држава во Јужен Пацифик, која Војводата од Единбург еднаш ја посетил. Таа заедница го доживеала принцот Филип како реинкарнација на антички воин. Токму таа заедница ќе му оддаде почит на принцот Филип со ритуално жалење и церемонијален танц, според Би-Би-Си. Војводата од Единбург минатиот месец ја напушти болницата во Лондон, по едномесечен престој на лекувањето. Тој беше хоспитализиран поради претходни проблеми со срцето.

СЛЕДЕТЕ ВО ЖИВО: Почесна стрелба во Британија во чест на принцот Филип

Магдалена Андонова — Sat, 10 Apr 2021 11:09:20 +0000

Во чест на починатиот принц Филип, сопругот на кралицата Елизабета, денеска во Велика Британија има почесна стрелба која може да ја следите во продолжение:

Кралицата Елизабета во вторник го прославува 94 роденден, за првпат во нејзиното владеење испратила вакво барање

Ивона Петрова — Sat, 18 Apr 2020 13:55:51 +0000

Британската кралица Елизабета Втора побарала оваа година за време на прославата на нејзиниот 94 роденден да не биде одржана почесна стрелба. Ова го објави новинар на Ај-Ти-Ви Њуз на Твитер наведувајќи дека кралицата смета дека таквиот чин нема да биде прикладен во насока на кризата со коронавирусот. -Нејзиното величество смета дека на сила не се посебни мерки кои би овозможиле изведување на почесната стрелба, па чувствува дека не е соодветно во овие околности, наведува новинарот Крис Шип повикувајќи се на извори од Бакингамската палата. Ова ќе биде првпат за 68 годишното нејзино владеење, кралицата да испрати вакво барање. Роденденот на Елизабета Втора оваа година нема да биде одбележан на ниту еден посебен начин.

По повод Денот на АРМ, утре во 19 часот ќе се изврши почесна артилериска стрелба

Ивона Петрова — Thu, 16 Aug 2018 12:22:09 +0000

На 17-ти август 2018 година (пeток), со почеток во 19.00 часот, по повод 18-ти Август – Денот на Армијата на Република Македонија, во касарната ,,Илинден“ во Скопје, од страна на единица на артилерискиот баталјон на АРМ ќе се изврши почесна артилериска стрелба со истрелување на 10 плотуни од артилериски орудија. Претходно, во периодот од 15 до 18 часот ќе се изврши пробна артилериска стрелба со еден истрел од 6 артилериски орудија.