починал – Kurir.mk

Избегнал смртна казна, но почина од коронавирусот

Тале Кристо — Wed, 30 Dec 2020 07:52:36 +0000

Затвореник кој избегна смртна казна во 2009 година, најверојатно починал од компликации предизвикани од коронавирусот, соопштија од затворот каде што тој ја издржуваше казната. Ромел Брум (64) ja преживеал самата егзекуција со смртоносна инјекција пред 11 години. Тој сега, најверојатно, имал Ковид-19 и бил на списокот на можните заразени во затворот, како што изјави гласноговорничката на установата, Сара Френч. Брум бил осуден на смрт за силување и убиство на Трејн Мидлтон (14), која тој ја киднапирал во Кливленд 1984 година, додека се враќала дома од спортски настан. Властите во Охајо (САД) соопштија и дека 124 затвореници во таа сојузна држава починале од коронавирусот.

Еве од што починал познатиот водител Грант Имахара!

Тале Кристо — Wed, 15 Jul 2020 08:45:05 +0000

Познатиот водител на емисијата „Разбивачи на митови“ (MythBusters), Грант Имахара починал од мозочна аневризма. Имаше 49 години. Имахара, инаку професионален електроинженер и роботичар, беше познат по Б-тимот на светски познатата ТВ-емисија, заедно со Кери Бајрон и Тони Белеки. Тој работел и на светски познати филмови, како „Матрикс“, „Паркот Јура“, „Терминатор 3“ и други. Сочувства до семејството на Имахара испрати и Адам Севиџ – еден од главните водители на поранешната серија, со кого се познавале 22 години, како и цела продукција на емисијата. Починал завчера, на 13 јули, а причината за смртта е соопштена денеска. (МИА)

Копилот во патнички авион починал за време на лет

Дарко Андоновски — Sun, 24 Nov 2019 10:09:21 +0000

Патнички авион денеска принудно слета на аеродромот во Ростов на Дон, на југот од Русија, откако за време на летот му се слошило на копилотот, кој потоа и починал за време на слетувањето, информира регионалната итна служба. „Авионот полетал од московскиот аеродром Шереметјево, а околу 10 часот по локално време му се слошило на вториот пилот. Веднаш било побарано принудно слетување, а копилотот (49) починал во текот на слетувањето, наведе службата за руската агенција Тасс. Авионот на компанијата „Аерофлот“ летал од Москва за Анапа, а руските власти отворила истрага за инцидентот.

Се утврдуваат причините за смртта: Почина скопјанец, претходно пријавил напад

Дарко Андоновски — Sun, 12 Aug 2018 10:39:42 +0000

Вчера во Единицата за информации и команда Скопје, од страна на вработена во Невро-хирургија при комплексот клиники „Мајка Тереза“, било пријавено дека на одделението починал С.М. (66) од Скопје, кој бил примен на 3 август годинава. По наредба на Јавен обвинител, телото на починатиот било предадено на обдукција. Ноќта околу 3 часот на 3 август С.М. пријавил дека истиот ден околу 02.00 часот на ул. „Кеј 13-ти Ноември“ физички бил нападнат од непознато лице при што му биле нанесени телесни повреди (модринка на левото око и расекотина на десниот образ). По преземени мерки лицето било пронајдено и било утврдено дека се работи за А.Б. (43) од Скопје. Тој бил приведен во полициска станица и му биле поднесени прекршочни пријави по член 12 и член 6 од Законот за прекршоците против јавниот ред и мир. По целосно документирање на настанот против А.Б. ќе биде поднесени и соодветна кривична пријава.

Почина познатиот американски музичар и продуцент

Дарко Андоновски — Wed, 04 Jul 2018 18:13:12 +0000

Познатиот американски музичар и продуцент Ричард Свифт почина во Вашингтон на возраст од 41 година. Информацијата ја потврди неговиот менаџер, но се уште официјално не е позната причината за неговата смрт. Претходно беше соопштено дека тој има сериозни здравствени проблеми, поради што минатиот месец беше и хоспитализиран. Свифт беше член на групата „Шинс“ од 2011 до 2016 година, а во 2014 година беше на турнеја со групата „Д`Блек кејс“ каде свиреше бас гитара. Тој соработуваше со голем број на музичари, а имаше и сопствено студио во Орегон.