починат човек – Kurir.mk

СРАМ И ГРЕВ: Од починат човек украле пари, документи и телефони во болница

Ивана Ефремовски — Fri, 15 Sep 2023 14:32:12 +0000

СВР Тетово поднесе кривична пријава против Е.Р.(26) од Република Албанија, со живеалиште во с.Врапчиште и Х.З.(24) од Тетово, поради постоење основи на сомнение за сторено кривично дело „тешка кражба“. На 14.12.2022 во угостителски објект во Тетово, пријавените го забележале Т.Л.М.(71) од с.Вешала, на кој му се слошило и го однеле во Клиничка болница Тетово, каде починал. Притоа, пријавените лажно се претставиле како негови роднини и од него одзеле пари, лични документи и два мобилни телефони и се стекнале со противправна имотна корист од околу 40.000 денари.

Човечки коски и облека пронајдени во Оризари, ќе се утврдува причината за смртта на човекот

Ивана Ефремовски — Mon, 20 Mar 2023 15:18:06 +0000

Жител на кочанската населба Оризари вчера претпладне, додека изведувал земјоделски активности на својот имот, забележал остатоци од облека и човечки коски, по што веднаш ја известил полицијата. Од СВР – Штип го потврдуваат настанот, но не соопштуваат дали се работи за остатоци од постар датум. -На 19.03.2023 во 11.15 часот во ОВР - Кочани било пријавено дека во нива на место викано Кочански Дол биле пронајдени човечки коски, облека и обувки. Известен е јавен обвинител, а увид на местото извршила екипа од Одделението за внатрешни - Кочани. По наредба на основниот јавен обвинител пронајденото е дадено на вештачење, истакнуваат од Полицијата. Месноста Кочански Дол не е населена, се наоѓа меѓу катастарските општини Кочани и Оризари и има лозја, ниви и неколку помошни земјоделски објекти. Во изминатиот период во полицијата како исчезнати беа пријавени неколку лица од Кочанско, а тројца мажи и две жени сè уште се во полициската евиденција и се води постапка за нивно пронаоѓање. Се очекува наодите од вештачењето да го покажат идентитетот, како и причините за смртта и периодот кога починал човекот. (МИА)

ТРАГЕДИЈА: Скопјанец пронајден мртов на пазар во Чаир

Катерина Бојаџиева — Mon, 12 Apr 2021 14:57:33 +0000

Вчера во 10.12 часот во СВР Скопје било пријавено дека на пазарот во скопската населба Чаир има починато лице. Полициски службеници излегле на местото и било утврдено дека станува збор за Љ.К.(63) од Скопје. Екипа од Итна медицинска помош констатирала смрт без траги на насилство, а по наредба на Јавен обвинител телото било дадено на обдукција.