починат фудбалер – Kurir.mk

ПОЧИНА ЛЕГЕНДАРНИОТ БОСАНСКИ ФУДБАЛЕР – југословенскиот репрезентативец не го преживеал мозочниот удар

Дарко Андоновски — Fri, 30 Jun 2023 10:39:55 +0000

– Поранешниот југословенски репрезентативец и еден од најуспешните фудбалери на фудбалскиот клуб Сараево, Вахидин Мусемиќ, почина синоќа во сараевската болница како последица од мозочен удар на 77-годишна возраст. Мусемиќ ја почна кариерата во Сараево на возраст од 19 години, а веќе во втората сезона постигна 16 голови и го предводеше клубот до историската прва шампионска титула во поранешна Југославија во сезоната 1966/67. За својот матичен клуб Мусемиќ одигра 182 натпревари и постигна 84 голови. Збогувајќи се легендарниот Мусемиќ, негови пријатели и колеги порачаа дека „заминал еден од најдобрите стрелци не само во Југославија, туку и во цела Европа“. За југословенската репрезентација Мусемиќ одигра 17 натпревари, а кариерата предвреме ја заврши во 1977 година поради повреда додека настапуваше за француска Ница.

ЦРНАТА ЗЕМЈА ГО ПРОГОЛТА НА ТЕРЕНОТ КАДЕ ГО ЗАПОЧНА СВОЈОТ СОН – почина 17 годишен фудбалер за време на натпревар во соседството

Дарко Андоновски — Sat, 03 Dec 2022 16:56:30 +0000

Седумнаесетгодишен фудбалер на косовскиот клуб „Трепча ’89“ починал на фудбалски натпревар, соопштија од Федерацијата и клубот од Митровица. Претседателот на Фудбалската федерација на Косово, Агим Адеми изјави дека фудбалерот Ерион Кајтази бил дел од возрасните тимови на репрезентацијата на Косово, пренесува Радио Европа е Лире. Ериони почина на зелениот терен, каде што почна да го живее својот сон да стане голем фудбалер, на кој ќе се гордее не само семејството, туку и целата нација “, напиша Адеми на својот профил на социјалната мрежа Фејсбук. Во меѓувреме, од клубот „Трепча ’89“ порачаа дека нема да го заборават фудбалерот кој кариерата ја започна во овој тим. Планиравме да го реализираме вашиот трансфер во Европа во блиска иднина “, се вели во објавата на овој клуб. Фудбалерот Кајтази починал на фудбалски натпревар кој се одржувал во Призрен и според тамошните медиуми постои сомневање дека доживеал срцев удар.

ФУДБАЛСКА ТРАГЕДИЈА – почина поранешниот фудбалер на Шкупи на само 23 години, се струполил на земја среде тренинг (ВИДЕО)

Дарко Андоновски — Thu, 15 Sep 2022 11:19:31 +0000

Поранешниот фудбалер на Шкупи, Мариано Ондо Монсух Ангонг, починал како последица на срцев удар за време на тренинг на селекцијата на Екваторијална Гвинеја. Имаше 23 години. Во 2018 година, Мариано Ондо настапуваше за Шкупи, каде забележа само три настапи. Беше репрезентативец на Екваторијална Гвиниеја за која одигра седум меча. Тој починал вчера за време на тренинг на својата селекција откако му се слошило и бил префрлен во болница каде починал. Имал договорен трансфер во шпанската Трега лига, и требало да замине за неколку дена.

ТРАГЕДИЈА ГО ПОТРЕСЕ ФУДБАЛСКИОТ СВЕТ: Почина поранешниот фудбалер на ЦСКА Софија и Порто (ФОТО)

Дарко Андоновски — Sat, 30 Oct 2021 17:21:37 +0000

Поранешниот младински португалски репрезентативец Бернардо Тенгариња почина денес на 32 години откако ја загуби битката со леукемијата. Тенгариња е роден во Лисабон, како дете играл за Бенфика, а потоа во 2005 година и за младинците на Порто. Во првиот тим на Порто влегува во 2008 година но три сезони ги поминува на позајмици во Амадора, Ољаненсе и Санта Клара. Играше за Виторија Сетубал, па една сезона за ЦСКА Софија, па Чавес, а во 2017 година ја прекина кариерата во Боависта откако ја почна борбата со леукемијата. На крајот не успеа да ја победи опасната болест. Инаку Бернардо има четири настапи за репрезентацијата на Португалија до 21 година.