починат работник – Kurir.mk

КОПАЛ КАНАЛ, ПА ГО ПОКЛОПИЛО ЗЕМЈА – за жал не излегол жив од под неа, еве ги деталите од трагедијата во Тетово

Дарко Андоновски — Mon, 21 Aug 2023 11:35:53 +0000

Тетовската полиција информира дека вчера 54 годишник од Албанија го загубил животот изведувајќи градежни работи. Случајот бил пријавен околу околу 15 часот и 40 минути кога во СВР Тетово се јавиле од тетовската клиничка болница. -Пријавено е дека во тетовската Клиничка болница без знаци на живот бил донесен Л.Б.(54) од Република Албанија. Според пријавеното, додека изведувал градежни работи во тетовски Челопек, околу 14 часот и 30 минути врз него се урнала земја во каналoт што го копале. Тој бил извлечен од каналот и пренесен во приватна ординација во селото за укажување на лекарска помош, по што на пат за тетовската Клиничка болница починал. Јавен обвинител и екипа од Секторот за внатрешни работи Тетово извршиле увид и врз телото ќе се врши обдукција. Се расчистува и документира случајот, информираше СВР Тетово. Минатиот месец, на 14 јули градежни работници на 50 и 63 години ги загубија животите додека работеле во тетовска Шипковица. Тогаш настрадаа А.А.(63) од тетовско Селце и Џ.Ц(50) од Република Албанија.

ТРАГЕДИЈА: Почина работник, паднал од висина – телото на обдукција, познат идентитетот

Ивана Ефремовски — Sat, 27 May 2023 15:51:51 +0000

На 26.05.2023 во 22:45 часот било пријавено дека на подрачјето на Чаир во објект во изградба при извршување на работни обврски Н.П.(41) од Р.Албанија паднал од висина и починал.

Од страна на лекар од Итна медицинска помош констатирана била смрт.

Известени биле Јавен обвинител и трудов инспектор, кои излегле на местото на настанот.

Извршен бил увид од увидна екипа од СВР Скопје и по наредба на Јавен обвинител телото на починатиот било дадено за обдукција.

Во објект во изградба пронајден починат работник – еве ги деталите за трагедијата

Дарко Андоновски — Sun, 04 Dec 2022 16:06:06 +0000

На 03.12.2022 во 09.00 часот во СВР Скопје било пријавено дека во објект во изградба на ул.„Орце Николов“ во Скопје бил пронајден починат В.Љ.(40) од нас.Илинден – Скопје, вработен во градежна фирма од Скопје. Смрт констатирал екипа од Итна медицинска помош, а увид извршила екипа од СВР Скопје и Трудов инспектор. По наредба на Јавен обвинител, на телото на починатиот била извршена обдукција, по што било предадено на семејството за погреб.

ДЕТАЛИ ЗА ТРАГЕДИЈАТА ВО НЕГОТИНО – брзата помош само констатирала смрт кај работникот

Дарко Андоновски — Sun, 21 Aug 2022 14:43:03 +0000

На 20.08.2022 во 11.30 часот било пријавено дека во с.Тимјаник-неготинско И.Ѓ.(61) од Демир Капија, вработен во фирма од Неготино, при изведување на работни задачи, се здобил со повреди по што од екипа на Итна медицинска помош од Неготино бил пренесен во Општата болница во Кавадарци каде од страна на лекар констатирана била смрт. Извршен бил увид од увидна екипа од Полициската станица Неготино, а по наредба на Јавен обвинител телото на починатиот било дадено за обдукција.

Кривична пријава за сопственикот на фирмата во која на лице место загина 34 годишниот работник кој го поклопи палета со гранитни плочи

Дарко Андоновски — Tue, 07 Sep 2021 14:14:42 +0000

СВР Тетово поднесе кривична пријава против Х.Р.(44) од с.Боговиње, тетовско, сопственик на фирма од Боговиње, поради постоење основи на сомнение за сторено кривично дело „предизвикување опасност при градежни работи“. На 15.02.2021, додека Ј.С.(34) и С.И.(32) од с.Боговиње, заедно со уште три лица, сите вработени во фирмата на пријавениот, изведувале градежни работи на автопатот Тетово - Гостивар, при истовар на гранитни плочи една палета се завртела при што Ј.С. од здобиените повреди починал на местото на настанот, додека С.И. се здобил со тешки телесни повреди.

Со виљушкар си го прегазил колегата- починал на пат кон болница, еве ги деталите

Дарко Андоновски — Sun, 30 Aug 2020 09:06:27 +0000

На 29.08.2020 во 09,00 часот било пријавено дека во с.Ерџелија-штипско, во хангар од работна машина-виљушкар управувана од С.А.(54) бил прегазен М.Г.(58) од Свети Николе, кој на пат за Медицинскиот центар Штип починал. Извршен бил увид на местото на настанот од Јавен обвинител и увидна екипа од Полициската станица Свети Николе. По наредба на Јавен обвинител телото на починатиот било дадено за обдукција.