починат – Kurir.mk

Почина уште еден директор на „Лукоил“, се противеше на војната во Украина

Дарко Андоновски — Tue, 24 Oct 2023 17:35:54 +0000

Претседателот на руската нафтена компанија „Лукоил“, Владимир Некрасов, ненадејно почина на 66-годишна возраст. Тој е вториот шеф на „Лукоил“ кој почина за нешто повеќе од една година. Компанијата објави дека неговото срце откажало, пишува Скај њуз. Некрасов работеше скоро педесет години во секторот за нафта и гас. Претходниот шеф на „Лукоил“, Равил Маганов, почина во септември минатата година откако падна од прозорецот на болницата во Москва. „Лукоил“ јавно зазеде став против инвазијата на Украина.

Скопјнец пронајден починат во својот дом во Ѓорче Петров

Тале Кристо — Mon, 23 Oct 2023 14:47:10 +0000

На 22.10.2023 во 15.20 часот во СВР Скопје било пријавено дека во домот на подрачјето на Ѓорче Петров бил пронајден починат Љ.С.(68) од Скопје. Од страна на лекар од Итна медицинска помош била констатирана смрт без видливи траги на насилство. Извршен бил увид од увидна екипа од СВР Скопје, а по наредба од Јавен обвинител телото на починатиот било предадено за обдукција.

Откриен идентитетот на починатото лице најдено покрај Вардар

Тале Кристо — Sun, 22 Oct 2023 17:15:01 +0000

Машки труп е пронајден утрово во водите на реката Вардар, кај Пешачкиот мост во близина на здравствена установа. По преземени активности е утврдено дека станува збор за Ј.Ш.(88), за кого на 15 октомври 2023 било пријавено дека се оддалечил од домот. Од МВР информираат дека случајот денеска во 9.25 часот бил пријавен во СВР Скопје од случаен минувач. Полициски службеници од ПС Карпош излегле на местото, а од страна на припадници на Територијалната противпожарна бригада на Град Скопје телото е извлечено од водите на реката. Лекар од Итната медицинска помош констатирал смрт. По наредба на Јавен обвинител телото е предадено за обдукција.

Македонски државјанин со автомобил усмртил пешак во Албанија

Тале Кристо — Sun, 15 Oct 2023 11:06:02 +0000

Во сообраќајна несреќа, што се случила утрово на патот Скадар-Коплик, во северниот дел на Албанија, македонски државјанин со своето возило усмртил пешак. - Лицето Е.И.(24) жител на Гостивар, Северна Македонија со своето возило удрил во пешакот М.П.(77) од село Омарај, Голема Малесија. Како последица од здобиените повреди пешакот починал, соопшти полицијата. Сообраќајната несреќа се случила околу 5:40 часот во близина на селото Омарај. Возачот на автомобилот е приведен во Полицискиот комесаријат во Скадар. Увидот треба да ја утврди причината за несреќата.

ТРАГЕДИЈА НА ПАТОТ КИЧЕВО-ОХРИД: Автомобил удрил во човек, пешакот починал на лице место

Тале Кристо — Sun, 15 Oct 2023 10:16:48 +0000

На 14.10.2023 околу 19.00 часот во Полициската станица Кичево било пријавено дека на магистрален пат Кичево-Охрид, во нас.Горица, патничко возило „мерцедес“ со кичевски регистарски ознаки, управувано од М.М.(36) од с.Другово,. кичевско, удрило во пешакот Р.Д.(61) од с.Могорче, дебарско. Од здобиените повреди, Р.Д. починал на местото, а смрт констатирал лекар од Медицински центар Кичево. Увид на местото извршиле екипа на Полициската станица Кичево и јавен обвинител, по чија наредба телото на починатиот било предадено на обдукција.

Почина шефот на италијанската мафија Месина Денаро

Тале Кристо — Mon, 25 Sep 2023 06:23:20 +0000

Најбараниот шеф на италијанската мафија, Матео Месина Денаро, кој беше уапсен во јануари по 30 години бегство, почина, пренесе ДПА повикувајќи се на италијанската новинска агенција АНСА. Денаро по обемно крварење во петокот падна во неповратна кома. Тој боледуваше од рак на дебелото црево и неговите лекари рекоа дека нема да закрепне. На негово барање, мерките за одржување во живот беа прекинати, соопштија лекарите од болницата во централниот италијански град Л’Аквила. На почетокот на август, 61-годишниот мафијаш беше подложен на операција на цревата во болницата Сан Салваторе во централниот италијански град Л’Аквила. Иако операцијата беше успешна, ракот на дебелото црево во поодмината фаза предизвика неповратно влошување на неговата здравствена состојба. Месина Денаро, осудениот шеф на сицилијанската мафија Коза Ностра, беше фатен од полицијата во јануари по три децении во бегство. Шефот на мафијата, кој долго време важеше за најбараниот бегалец во Италија, беше фатен од специјализирана полициска единица во клиниката за рак во Палермо, каде што се лекуваше под лажно име. Тој беше осуден во отсуство на доживотен затвор за неговата улога во серија сурови убиства и бомбашки напади со автомобили во Италија. Помеѓу другите злосторства, тој е обвинет и за бомбашките напади со автомобили во 1992 година, во кои меѓу другите беа убиени водечките обвинители против мафијата Џовани Фалконе и Паоло Борселино. Месина Денаро важеше за блиска доверлива личност на поранешните мафијашки криминални босови Бернардо Провенцано и Салваторе „Тото“ Риина.

Почина екс ракометар на РК Бутел

Ристе Здравков — Mon, 18 Sep 2023 09:11:00 +0000

Од светот на ракометот доаѓа уште една тажна вест. На 40 години почина рускиот десен бек Алексеј Григорјев, пишува „Брз Центар“. Станува збор за поранешен ракометар на Бутел Скопје, кој играше во сезоната 2018/19. Григорјев, за жал не успеа да ја добие најважната битка, по кратко боледување и подлегна на тешката болест. Тој својата кариера ја почнал во Динамо Астрахан, играл за Нева Санкт Петебург, а покрај Бутел Скопје ги носел и дресовите на Мешков Брест и Мотор Запорожје. ФОТО: РК Бутел Скопје

Трагедија на Халкидики, почина турист на плажа на која летуваат многу Македонци

Ристе Здравков — Fri, 11 Aug 2023 09:48:21 +0000

Србин почина на одмор во Грција во Неос Мармарас, на Халкидики. Станува збор за државјанин на Србија, кој во бессознание од водата го извлекла сопругата, објавија српските медиуми. Мажот е пренесен во Здравствениот центар „Агиос Николаос“, каде е констатирана смрт, а обдукцијата ќе ја врши Крим-патолошката лабораторија. Прелиминарна истрага спроведува Третото пристаниште Неос Мармарас. Претходно во Никити на Ситонија, српски државјанин доживеал срцев удар додека со семејството играл во вода.

Почина Шеикот Саид бин Зајед Ал Нахјан

Дарко Андоновски — Thu, 27 Jul 2023 07:10:07 +0000

Шеикот Саид бин Зајед Ал Нахјан, брат на претседателот на Обединетите Арапски Емирати, почина утринава, објави државната новинска агенција ВАМ. „Претседателот на ОАЕ, неговото височество шеикот Мохамед бин Зајед Ал Нахјан, го оплакува својот брат, шеикот Саид бин Зајед Ал Нахјан, претставникот на владетелот на Абу Даби. Шеикот Саид, кој страдаше од здравствени проблеми, почина денеска“, се вели во официјалното соопштение. ОАЕ прогласи почеток на тридневна жалост, за време на која знамињата ќе бидат спуштени на половина копје. Саид бин Зајед Ал Нахјан е роден во 1965 година во Ал Аин, а во јуни 2010 година беше назначен за потсекретар на Одделот за планирање во Абу Даби. Тој беше и претставник на шеикот Зајед бин Султан Ал Нахјан. Тој беше претседател на Управата за поморски пристаништа (Абу Даби).

IN MEMORIAM – почина познатиот македонски борач, беше дел од златната генерација!

Дарко Андоновски — Sun, 23 Jul 2023 09:51:28 +0000

Почина борачот на златната генерација на Бучим од Радовиш, Дане Вучков. Вучков беше дел од генерацијата која го прослави македонското клупско борење и активен чинител на успехот на Боречкиот клуб „Бучим-Јака“ до европското злато во 1995-та и светското злато во 1996-та година. На патот кон светската титула Бучим славеше против унгарската екипа Чепел, турскиот клуб Тедаш и легендарниот американски шампион Дејвид Шулц, афирмирајќи ја Македонија со светски спортски успех, претворајќи го личниот сон во колективен и национален. Дане беше неизоставен дел од екипата, тешкаш кој носеше клучни победи. Вучков повеќекратен шампион на Македонија и во поединечна и во екипна конкуренција.