починати деца – Kurir.mk

Индија: Откриени повеќе отровни сирупи поврзани со смртта на 141 дете ширум светот

Ивона Петрова — Wed, 04 Oct 2023 17:49:13 +0000

Индискиот регулатор за лекови открил дека сирупите за кашлица и за алергија направени од Норис Медицинс се токсични, според владиниот извештај, неколку месеци откако индиските сирупи за кашлица беа поврзани со смртта на 141 дете ширум светот. Лековите биле контаминирани со диетилен гликол или етилен гликол, кој е пронајден во сирупите за кашлица кои предизвикуваат смртни случаи во Гамбија, Узбекистан и Камерун од средината на минатата година. Х.Г. Кошија, комесар на Управата за храна и лекови во индиската држава Гуџарат, изјави денеска дека минатиот месец ја провериле фабриката Норис и наредиле да го прекине производството. Индискиот федерален регулатор за лекови откри дека три пратки со сируп Колд аут (COLD OUT) произведен од индиските лаборатории Фуртс (Fourrts) исто така биле контаминирани со наведените хемикалии. Светската здравствена организација (СЗО) во август објави дека пратка од тој сируп продадена во Ирак има неприфатливо ниво на тие хемикалии.

Трогателни сцени: Татко ги презеде ранецот и тетратка на убиената ќерка, па залепи умреница на вратата од училиштето

Ивона Петрова — Thu, 04 May 2023 17:00:50 +0000

Поранешниот одбојкар Драган Кобиљски денеска го презеде ранецот и тетратката на 14-годишната ќерка Е.К., која беше убиена во пукањето во ОУ „Владислав Рибникар“ во Белград. Како што јавуваат српските медиуми, таткото потоа залепил умреница на вратата од училиштето. Претходно, тој и неговата сопруга дојдоа пред училиштето каде бројни граѓани палеа свеќи и оставаа цвеќе во спомен на жртвите.

ТРАГЕДИИТЕ ГИ ИЗВАДИЈА ОД КОЛОСЕК: На овие славни личности им починаа децата, нивната судбина е навистина сурова и тажна

Дарко Андоновски — Wed, 20 Apr 2022 07:59:53 +0000

Еден од најдобрите фудбалери на сите времиња Роналдо го загуби својот штотуку роден син, соопшти фудбалерот и неговата свршеница Георгина Родригез. Како што откри португалскиот фудбалер на породувањето на неговата сопруга момчето починало, додека девојчето е родено живо. Загубата на деца е најголемата болка за родителите, а во светот на познатите овие личности ги погребале своите деца. Актерот Кијану Ривс (57) со поранешната партнерка Џенифер Сајм го загубија нивното дете во осмиот месец од бременоста. Во текот на 90-тите Кијану бил во врска со актерката Џенифер Сајм, а во 1999-та добија мртва новородена ќерка по име Ава. Во осмиот месец од бременоста Џенифер морала да оди итно на породување, но исходот емоционално го уништи парот. Две години по оваа трагедија Џенифер загинала на 28 годишна возраст во сообраќајна несреќа. Џон Траволта (67) се соочил со неизмерна болка кога во 2009-та година му почина синот Џет кој тогаш имал 16 години. Актерот бил на семеен одмор на Бахамите со децата и сопругата кога Џет добил напад на гушење во хотелска соба и удирајќи се со главата во кадата починал. Инаку неговиот син боледувал од кавасаки синдром, болест која ги напаѓа артериите, а му била откриена во 2003-та година. тој бил во лоша здравствена состојба, а му било дијагностицирано и аутизам и астма. Јунакот од акционите филмови Силвестер Сталоне (75) од 1997-та година е во бракот со третата сопруга, поранешната манекенка Џенифер Флавин (53) со која има четири ќерки, но од претходниот брак од 1985-та година го добил синот Сејџ кој починал во 2012 година на 36 годишна возраст. Тој починал во својот стан во Лос Анџелес од срцев удар, а актерот во тоа време бараше од јавноста и медиумите да ја почитува неговата болка и да му пружат потребен мир. Славниот музичар Ерик Клептон (76) ја напиша една од најубавите балади, песната „Tears in Heaven“, инспириран од најтажниот момент во неговиот живот. На гитаристот на 20 март 1992-та година му починал четири годишниот син Конор. Имено тој скокал во станот на пријателка на неговата сопруга која се наоѓала на 53-от кат, а во иден момент од играта тој паднал од прозорецот. Раперот Др.Дре (56) останал без синот Андреа во 2008-та година откако на само 20 години се предозирал со морфиум и хероин. Пронајден е мртов во домот откако се вратил од ноќно излегување. Поранешниот светски првак во тешка категорија Мајк Тајсон (55) во 2009-та година ја загубил четири годишната ќеркичка Егзодус која починала од случајно гушење, девојчето тогаш го пронашол седумгодишниот син Мигел на траката за трчање во нивниот дом и ја повикал нивната мајка. Таа и пружила прва помош и повикала брза помош, но девојчето не било спасено иако било ставено на апарати. Ќерката на Тајсон се задавила со кабел за струја кој висел на траката за трчање. Пејачот Џон Леџен (41) и неговата сопруга, манекенката Криси Тајген (34) го изгубија синот во 2020 година. Имено парот откако бебето беше предвремено родено во 20-та недела од животот го истетовира неговото име кое сакале да му го дадат. Тајген откако го загуби бебето во објава на Инстаграм објави дека сакале да му го дадат името Џек.

„Спасете ги децата“: Во Сирија од почетокот на годинава во два кампа за раселени починале 62 деца

Дарко Андоновски — Thu, 23 Sep 2021 07:03:31 +0000

Најмалку 62 деца починаа во два кампа за раселени лица во североисточна Сирија од почетокот на 2021 година, објави денеска организацијата „Спасете ги децата“. Оваа невладина организација укажа на итна потреба од репатријација на странски деца од камповите. Новиот извештај, насловен „Кога ќе почнам да живеам“, укажува на неодржливи услови за живот во камповите Ал-Хол и Роџ, кои се под контрола на курдските сили. Во камповите се сместени десетици илјади раселени лица, меѓу кои околу 40.000 деца и семејства на странски џихадисти од групата Исламска држава. Во Ал-Хол само 40 проценти од децата имаат пристап до образование, додека во кампот Роџ 55 проценти од домаќинствата посочуваат дека има деца кои работат и под 11-годишна возраст.

УНИЦЕФ: Во 2019 година 100.000 деца починаа од СИДА

Магдалена Андонова — Wed, 25 Nov 2020 18:50:33 +0000

Фондот за деца на Обединети нации (УНИЦЕФ) во најновиот извештај наведува дека 100.000 деца починале од СИДА во 2019 година, а речиси 320.000 деца и адолесценти се новоинфицирани. Според податоците, приближно на секоја минута и 40 секунди едно дете или младо лице на возраст под 20 години било заразено со ХИВ минатата година, се наведува во соопштението на УНИЦЕФ. Извршната директорка на УНИЦЕФ, Хенриета Форе предупреди дека пандемијата со Ковид-19, ја отежнуваат бората против СИДА-та. Според УНИЦЕФ, поради новиот коронавирус децата, адолесцентите и бремените жени во голем број земји немаат еднаков пристап до медицинските услуги и третмани. (МИА)

МВР со детали за трагедијата во која загинаа две деца

Ивона Петрова — Tue, 30 Jun 2020 08:42:45 +0000

На 29.06.2020 во 15.15 часот било пријавено дека 15-годишник од с.Добрејци и 14- годишник од с.Пиперево со трактор „ИМТ 539“, кој го управувал 14 годишникот, се упатиле кон место викано „Таре“ на реката Струмица за да ловат риби, информираат од МВР.

Според информациите од полицијата во еден момент, тракторот се превртел и паднал во реката, а малолетниците се удавиле.

Извршен бил увид од Јавен обвинител и увидна екипа од СВР Струмица.

ФОТО: Објавени први фотографии и трогателни пораки од децата загинати во пожарот на Кемерово

Ивона Петрова — Mon, 26 Mar 2018 09:46:15 +0000

Руските медиуми објавиле фотографии и стравични пораки од жртвите во пожарот во трговскиот центар во Кемерово, во кој починаа најмалку 64 лица од кои најголем број се деца. Се стравува дека уште десетина деца кои се водат како исчезнати, починале во пожарот кој избувна вчера и зафати 1.600 метри квадратни. Семејствата и пријателите на жртвите објавиле нивни фотографии на социјалните мрежи и бараат информации за исчезнатите. Огнот според првите информации избувнал во кино салата во горниот кат од трговскиот, а во кој се наоѓале најмногу семејства со деца. „Кажи и мама дека ја сакав...“ Сергеј Москаленко (11) заврши во кома откако скокнал од прозор од горниот кат од зградата, а утринава е потврдено дека неговите родители починале во пожарот. Мариа Мороз (13), која се наоѓала во киното за време на пожарот, му пратила порака на роднина „Во пожар сме. Изгледа ова е збогум од мене.“ Се стравува дека Мариа е почината. Меѓу децата кои се водат за исчезнати се осум девојчиња на возраст од 11 и 12 години. Една од нив, Викторија Почанкин на својата тетка и пратила порака додека пламените јазици беснееле. -Вратата е блокирана. Не можам да излезам, не можам да дишам. Тето, кажи му на целото семејство дека ги сакам. Кажи и мама дека ја сакав....“