починати пациенти – Kurir.mk

ЗАГРИЖУВАЧКИ ВЕСТИ ОД САРАЕВО: Нема веќе место за прием на починати пациенти

Магдалена Андонова — Fri, 19 Mar 2021 15:36:03 +0000

Третиот бран на епидемијата од коронавирус однесе многу животи во БиХ. Бројот на смртни случаи од последиците од инфекцијата во Сараевскиот кантон е најалармантен од почетокот на пандемијата, а за тоа сведочат и бројките од „Покоп“. - Штом се зголеми бројот на заразени лица, бројот на смртни случаи веднаш се зголемува. Од почетокот на оваа година до денес, просечниот број на смртни случаи е 14,9. Последните денови, тој број се зголеми, со денес, од почетокот на оваа година, 466 лица починаа како последица на коронавирус во Сараевскиот кантон - изјави извршниот директор за погребни активности и технички работи на КЈКП „Покоп“ доо Сараево Асмир Хоџиќ, пренесува Аваз. Сцените од оваа компанија се вознемирувачки, капацитетите се исполнети подолго време, со оглед на тоа што мртовечницата има мал и ограничен број места. - Немаме капацитет да ги примиме починатите, иако градот со овој број на жители треба да има модерна мртовечница која би примила луѓе кои починале од заразни болести. Властите немаат слух за тој проект се заврши што е можно побрзо - нагласи Хоџиќ. Да потсетиме, состојбата во Сараевскиот кантон е алармантна со денови. Толку многу што официјалните власти рекоа дека тоа сите ги потсетува на сценариото од Бергамо, каде минатата година војската ги однесе телата на починатите, а мртовечниците беа полни.

Во велешката болница починати двајца пациенти во изминатото деноноќие

Магдалена Андонова — Fri, 27 Nov 2020 15:02:03 +0000

Во изминатите 24 часа во велешката болница како последица од Ковид-19 починаа двајца пациенти – жена на 70 години од Велес, примена пред две недели, и маж на 58 години од Оризари, примен пред два дена. Како што информораше портпаролот д-р Весна Неделковска-Николова, во болницата се хоспитализирани 65 пациенти, од кои 56 потврдени позитивни, двајца сомнителни и седум со негативни тестови. На кислородна поддршка.се 15 пациенти. На Инфективно се лекуваат 47 пациенти, на Физикална 11, а на Интерното одделение се седуммина пациенти. Д-р Неделковска-Николова информираше дека на Интерното – крак Б се лекуваат пациенти кои веќе се излекувале од Ковид, но имаат последици од болеста. (МИА)

ЦРН ПЕТОК: Во велешката болница за 24 часа шестмина починати

Дарко Андоновски — Fri, 20 Nov 2020 14:55:05 +0000

Во велешката Општа болница продолжува црниот биланс, вчера попладне починал 79-годишен маж, негативен на КОВИД, а вечерта бил донесен маж на 63 години во тешка состојба, позитивен на КОВИД кој починал набрзо по приемот. Утринава починале уште четворица пациенти, три жени на 81, 85 и 76-годишна возраст, како и еден маж на 59 години. Сите биле КОВИД-позитивни. Како што информира портпаролот д-р Весна Неделковкса Николова, вкупниот број на хоспитализирани пациенти е 80 од кои 69 се позитивни, 10 се сомнителни на КОВИД и еден е негативен, додека од пациентите 30 се на кислородна поддршка. На Инфективно одделение има 54 пациенти и е целосно полно, на Физикално одделение хоспитализарни се 15 а има уште слободни десет кревети и на Интерно Б крак има хоспитализирано 11 пациенти , а има 15 кревети.

МЗ: Во тек се надзори за починати пациенти од КОВИД-19 во Тетово, Кавадарци, Битола и Крива Паланка

Тале Кристо — Tue, 17 Nov 2020 14:10:01 +0000

Последните два месеца од страна на Државниот санитарен и здравствен инспекторат до Минитсерството за здравство, по извршен инспекциски надзор и обезбедена докуменатција, иницирани се четири стручни надзори за пациенти починати од КОВИД-19, а во тек се надзори за починатите пациенти од Тетово, Кавадарци, Битола и Крива Паланка, информираат денеска од Министерството за здравство. – Стручни надзори за пациенти починати од КОВИД-19, за последните два месеца од страна на ДСЗИ до МЗ, по извршен инспекциски надзор и обезбедена докуменатција, иницирани се четири надзори за пациент од Свети Николе, два од Струмица и од Ресен. Во тек се инспекциските надзори за починатите пациенти од Тетово, Кавадарци, Битола и Крива Паланка, се вели во соопштението од МЗ. Од страна на ДСЗИ, во наредниот период ќе бидат извршени надзори за уште четири пациенти починати од КОВИД-19.

Македонија со највисока стапка на смртност и на Балканот и во ЕУ

Ивона Петрова — Tue, 17 Nov 2020 09:27:21 +0000

Статистиките покажуваат дека од земјите во регионот, Македонија е со најголема стапка на смртност. По вчерашните фатални бројки од 40 смртни случаи во едно деноноќие, Македонија со бројка од 2.8 % е повторно со највисока стапка на смртност на Балканот. Имено стапката на смртност е процент на починати од вкупниот број на заразени случаи од коронавирусот. Како што може да се види од приказот Босна и Хегцеговина има стапка на смртност од 2.6%, Албанија и Бугарија со 2.2%, потоа е Црна Гора со 1.4%, додека Хрватска и Србија имаат стапка на смртност од 1.2%. Македонија за разлика од Хрватска и Србија кои иако имаат вкупно поголем број на заболени од коронавирус, процентот на починати лица таму во споредба со бројот на заразени е дупло помал. Заклучно со вчерашниот ден вкупно 84,206 заразени од коронавирус има Хрватска, а во Србија таа бројка е 54,568. Македонија пак има вкупно 47,050 заразени од вирусот, но со зачудувачки двојно поголем процент на починати ако се спореди со бројот на заразени во овие земји. Дополнително е загрижувачка ситуацијата со стапката на смртност во Македонија ако ja погледнеме стапката на смртност во земјите од Европската унија. Заклучно со 15 ноември земјите од Европската унија иако имаат енормен број на потврдени заболени случаи со бројка од над 9 милиони жители, просечната стапка на смртност во земјите од Европската унија како што е прикажано на приказот е 2.3% со тенденција на видливо намалување на овој процент. По ова Македонија има и поголема стапка на смртност отколку земјите во регионот, но и поголема смртност отколку што во просек бележат земјите од Европската унија.

Две лица од Битола починаа од коронавирус

Магдалена Андонова — Sat, 14 Nov 2020 12:28:03 +0000

На инфективното одделение во Клиничката болница починаа два пациенти од Битола на возраст од 73 и 82 години, објави Тера. На ова одделение засега има 78 хоспитализирани пациенти заразени со Ковид 19. Бројот на активни случаи во Битола заклучно со 12 ноември е 625 лица.

Во штипската болница слободни само пет кревети- починати се четворица пациенти

Магдалена Андонова — Wed, 11 Nov 2020 13:55:11 +0000

Поради распишаните избори за градоначалник на Општина Штип, болницата иако е регионален центар за сите општини од источниот регион не може да распишува тендери по итна постапка. -Во моментов недостасуваат мерачи за сатурација, кои ни се потребни за пациентите кои болнички се лекуваат на Инфективното одделение. Поради изборите не може да ги набавиме под итна постапка, но со помош на општествено одговорни компании очекувам веќе утре да имаме 50 такви мерачи. Нивната цена се движи од 1.200 до 1.500 денари. Претходно со помош на општествено одговорни фирми набавивме и регулатори за боците со кислород, вели Ѓеорѓијев. На Инфективното и кожно одделение денеска има само пет слободни кревети, пополнети се вкупно 60, а 23 пациенти се во тешка состојба. Во болнички услови починати се четворица пациенти, 50 годишна штипјанка, 71 годишен од Кавадарци и двајца пациенти од Радовиш на возраст од 72 и 82 години.

Ужас во Штип: Нови 4 мртви, секојдневно и масовно се умира, а власта тера избори

Магдалена Андонова — Tue, 10 Nov 2020 14:15:19 +0000

Четворица пациенти починаа на Инфективното одделение во штипска Клиничка болница. Директорот на Клиничка болница, Ален Ѓеорѓијев за МИА вели дека од коронавирусот починати се тројца пациенти, од кои 52 годишен од Кочани и 68 и 71 – годишен од радовишкиот регион, а четвртиот битката со вирусот ја изгубил како сомнителен случај. Попладнево почина и заменик – народниот правобранител во Штип, но ќе се евидентира во утрешниот здравствен билтен. Ѓеорѓијев вели дека за разлика од пролетниот бран, сега во текот на есенските месеци поголем дел од хоспитализираните случаи се со тешка клиничка слика, од кои 14 се и во критична состојба. На одделението имаат 20 пациенти на кои им е потребна кислородна поддршка. Во моментов на Инфективното и Кожно одделение се лекуваат вкупно 57 пациенти од целиот источен регион, а се размислува да се прошири болничкиот капацитет и на друго одделение. – Во октомври имаме потрошено 13,5 тони медицински кислород, а во септември 6,5, што е двојно и покажува во каква состојба ни пристигнуваат пациентите во болницата, вели Ѓеорѓијев. Забележува дека во моментов имаат лекови, здравствена опрема за медицинскиот персонал, а во текот на утрешниот ден најавено е дека ќе пристигнат и донации од маски.

Крахира здравството на Филипче и Заев: Вкупно над 5.000 заболени, за еден ден 11 смртни случаи

Ивона Петрова — Sat, 20 Jun 2020 14:20:21 +0000

Министерството за здравство денеска информира дека во изминатите 24 часа регистрирани се 11 смртни случаи од коронавирус во Македонија. Осум се од Скопје, еден пациент од Куманово, еден од Штип и еден од Тетово. Во ГОБ „8 септември“ починаа осум лица-пациент (53г) примен на 17 јуни, пациент (66г) примен на 5 јуни, пациент (67г) примен на 15 јуни, пациентка (65г) примена на 10 јуни, пациентка (73г) примена на 9 јуни, пациент (62г) хоспитализиран на 15 јуни, пациентка (65г) примена на 13 јуни и пациент на (76г). Во ОБ Куманово почина пациент (78г) хоспитализиран на 12 јуни. Во КБ Штип почина пациент (63г) примен на 18 јуни, во Тетово почина пациентка (62г), потврдена позитивна на 17 јуни. Вкупната бројка на Ковид дијагностицирани во нашата земја од почетокот на епидемијата изнесува 5005, бројката на оздравени пациенти е 1904, на починати е 233, а во моментов бројот на активни случаи во земјата изнесува 2868.