починато дете – Kurir.mk

11-ГОДИШНО ДЕТЕ ПОЧИНА ВО АВИОН: Принудно слетал во Будимпешта

Дарко Андоновски — Sun, 11 Jun 2023 14:49:03 +0000

Единаесетгодишно дете починало откако изгубило свест на летот на „Туркиш ерлајнс“ на летот за Њујорк од Истанбул, при што медицинските служби не можеле да го реанимираат детето откако авионот принудно слетал во Будимпешта, објави новинската агенција МТИ; пренесе СДК.мк. МТИ соопшти дека медицинската служба на аеродромот пристигнала на местото откако летот ТК003 денеска слетал во Будимпешта, но детето не можело да се спаси и покрај напорите на лекарите да го реанимираат.

ДЕТЕТО БИЛО ДОНЕСЕНО СО ГОЛЕМА РАНА НА ВРАТОТ – лекарите уште при приемот констатирале дека било починато, по обилното крварење

Дарко Андоновски — Wed, 12 Apr 2023 09:37:41 +0000

Осумгодишното дете изгризано до смрт од куче во скопската населба Пинтија, во болница било однесено без знаци на живот. Љубен Арсенков, директор на Универзитетската клиника по хируршки болести „Св. Наум Охридски“ вели дека детето имало голема рана вратот и главина расекотина. „Вчера попладне во 17.22 часот во нашата клиника беше донесено осумгодишно дете со сериозни повреди во пределот на главата и вратот нанесени од каснување на куче. Во моментот на прием детето е без знаци на живот со проширени зеници и без срцева акција. Веднаш е направена реанимациска постапка, но за жал без успех. Големата рана на вратот, каде што минуваат главните крвни садови, довела детето да искрвави“, вели Љубен Арсенков, директор на Универзитетската клиника по хируршки болести „Св Наум Охридски“ за „Макфакс“. Телото на детето е предадено на обдукција. Претходно, МВР соопшти дека кучето кое го нападнало детето било на сосед, кој живеел во близина. „Од ГОБ ‘Св. Наум Охридски’, на 11.4.2023, во 18.25 часот, било пријавено дека кај нив бил донесен малолетник од Скопје, кој, според пријавеното, им подлегнал на повредите како последица од напад од куче, сопственост на неговиот сосед Н. Г.“, велат од МВР.

ТРАГЕДИЈА ВО СКОПЈЕ: Дете искасано до смрт од кучето на соседот, починало во болница – еве ги деталите!

Дарко Андоновски — Wed, 12 Apr 2023 06:59:52 +0000

Малолетник починал синоќа откако бил нападнат од куче што го чувал неговиот сосед во скопската населба Пинтија. - Од ГОБ „Св.Наум Охридски“ на 11.04.2023 во 18:25 часот било пријавено дека кај нив бил донесен малолетник од Скопје, кој ппоред пријавеното подлегнал на повредите како последица од напад од куче, сопственост на неговиот сосед Н.Г.. Известен е јавен обвинител по чија наредба телото е предадено за обдукција и се преземаат мерки за расчистување на случајот, соопшти МВР.

ТРАГЕДИЈА: Почина 4-годишно дете, проголтало желад во градинка

Катерина Бојаџиева — Wed, 28 Dec 2022 11:54:51 +0000

Четиригодишно момче проголтало желад во градинка во Владичин Хан во Централна Србија, по што во тешка состојба било префрлено во Универзитетскиот клинички центар во Ниш, каде веднаш било оперирано, но, за жал, починало. Малото момче во онесвестена состојба прво со возило на Итна медицинска помош било пренесено во Здравствениот дом Сурдулица, а потоа во Универзитетскиот медицински центар Ниш. Според потврдата на обвинителството, трагедијата се случила во понеделникот наутро, но се уште се утврдуваат сите детали. Брзата помош веднаш реагирала, а на момчето му била укажана лекарска помош во КЦ Ниш каде му била извршена операција. -Во УКЦ Ниш во попладневните часови е примено момче (4) во многу тешка општа состојба со знаци на тешко оштетување на функцијата на мозокот. Во УКЦ е изваден туѓ предмет од респираторниот тракт, но за жал, тоа не ја промени состојбата на пациентот. И покрај сите преземени мерки поради мерките на неколку медицински тимови на УКЦ, за жал, синоќа дошло до смртен исход, велат за „Блиц“ од УКЦ Ниш.

Во Загреб почина дете како последица на ковид-19

Дарко Андоновски — Fri, 21 Jan 2022 14:35:23 +0000

Дете родено 2010 година, заразено со коронавирус, починало рано утрово на клиниката за инфективни болести во Загреб. Според податоците од родителите, детето досега немало здравствени проблеми и поради тоа е наредена обдукција, за да се установи зошто настанал смртен исход кај толку младо лице. Од симптоми, детето имало покачена телесна температура, главоболка и слабост, но за жал, смртта настапила кратко откако е потврден позитивен тест за коронавирус. Хрватските лекари сметаат дека ваквите исходи се ретки, но дека сепак не може да се очекува дека не можат да се случат.

ТРАГЕДИЈА ВО ЗАГРЕБ: 13 годишно дете испило енергетски пијалак, па додека си играло пред зградата се срушило на земја и не се разбудило

Дарко Андоновски — Sun, 06 Jun 2021 08:06:43 +0000

Тринаесетгодишно момче од Загреб починало на Клиничкиот центар во хрватската престолнина откако, како што пренесуваат хрватските медиуми, испило поголема количина енергетски пијалок. Лекарите подолг период го реанимирале, но нивните напори да се спречи трагедијата биле безуспешни. Момчето починало само неколку часа откако со своите другари било излезено и се забавувало со другарите. По враќањето од кино момчињата трчале околу зградата во која живеел, а тинејџерот во еден момент паднал, пишува Večernji.hr. Била повикана брза помош со која е префрлено во болница каде лекарите безуспешно се бореле да го спасат неговиот живот. -Покрај шеќерот кој не е добар за децата проблематични се состојките на енергетските напитоци како кофеинот, таурин и Л-карнитинот, кои можат да предизвикаат труење . Поголемите дози од овие состојки можат да предизвикаат несакани нус-појави, можат да бидат токсични за младите организми – вели доктор Филип Рубиќ од КБЦ Загреб. Состојките од енергетските напитоци ја забрзуваат работа на срцето, а тоа може да има последици на целиот организам и да доведе до трагични последици.

МВР со детали за трагедијата во Гостивар: На телото на починатото дете ќе се врши одбукција

Катерина Бојаџиева — Tue, 16 Mar 2021 15:14:01 +0000

Во СВР Тетово денеска околу 8 часот било пријавено дека во стан на улица „Кеј Вардар“ во Гостивар настанал пожар. Како последица на пожарот, со повреди се здобиле 35-годишната С.Т. и нејзино малолетно дете и биле пренесени во гостиварската Општа болница „Ферид Мурад“ за укажување на лекарска помош. Лекарите констатирале смрт на детето, додека С.Т. била пуштена дома. Со интервенција на гостиварската Територијална противпожарна единица пожарот бил целосно локализиран. Јавен обвинител и екипи од МВР и СВР Тетово-Одделение за внатрешни работи Гостивар ќе вршат увид на местото на пожарот, а по наредба на Јавен обвинител на телото на малолетникот ќе се врши одбукција.

Испливаа први информации за починатото дете – било врзано со ланец на нозете затоа што било агресивно

Магдалена Андонова — Tue, 16 Mar 2021 13:05:15 +0000

Јавното обвинителство на Македонија соопшти дека од страна на Основното јавно обвинителство од Гостивар се врши увид на местото каде утринава избувна пожар во станбена зграда во Гостивар во кој загина едно седумгодишно дете. Се очекува и пристигнување на специјална екипа од Одделот за криминалистичко – технички испитувања и вештачења при МВР со цел да се испитаат причините за пожарот. – Првичните сознанија на лекарскиот тим на лице место упатуваат на тоа дека детето за време на пожарот било врзано со ланец на нозете. Според исказот на семејството, причина за врзувањето било што детето било агресивно. Обвинителството ги презема сите дејствија за утврдување на евентуална кривична одговорност, се наведува во соопштението. Издадена е наредба за обдукција на телото на починатото дете и се разговара со очевидците на настанот. По наредба на јавниот обвинител, се врши прибирање на трагите од лице место, кои треба да помогнат за прецизно утврдување на причините за пожарот.

ОЈО Гостивар врши увид на местото на пожарот во Гостивар – ќе се врши обдукција на телото на починатото дете

Магдалена Андонова — Tue, 16 Mar 2021 12:51:52 +0000

Основното јавно обвинителство Гостивар врши увид на местото на настанатиот пожар во станбена зграда во Гостивар. Во моментов се очекува пристигнување и на специјална екипа од Одделот за криминалистичко – технички испитувања и вештачења при МВР, со цел испитување на причините за пожарот во кој, како последица на задушување, животот го загуби едно дете на 7-годишна возраст. Притоа, издадена е наредба за обдукција на телото на починатото дете и се разговара со очевидците на настанот. По наредба на јавниот обвинител, се врши прибирање на трагите од лице место, кои треба да помогнат за прецизно утврдување на причините за настанатиот пожар. Првичните сознанија на лекарскиот тим на лице место упатуваат на тоа дека детето за време на пожарот било врзано со ланец на нозете. Според исказот на семејството, причина за врзувањето било што детето било агресивно. Обвинителството ги презема сите дејствија за утврдување на евентуална кривична одговорност.

ТРАГЕДИЈА: Почина дете од Крива Паланка

Ивана Ефремовски — Fri, 18 Sep 2020 14:43:42 +0000

На 17.09.2020 во 05:15 часот во СВР Куманово, од Градската болница Куманово било пријавено дека кај нив за реанимација бил донесен починат осумгодишник од Крива Паланка без видливи траги на насилство. Според пријавеното, детето починало по пат во возило на Итна медицинска помош. По наредба на јавен обвинител телото е дадено на обдукција. Се преземаат мерки за расчистување на случајот.