починато девојче – Kurir.mk

ИЗЕЛА ХОТ-ДОГ И СЕ СТРУПОЛИЛА НА ЗЕМЈА ОД КАДЕ НЕ СЕ РАЗБУДИЛА – детали за смртта на 16 годишното девојче во Ханиоти!

Дарко Андоновски — Fri, 14 Jul 2023 10:45:50 +0000

Местото Даутбал кај Солун го зафати тага по ненадејната смрт на 16-годишното девојче, кое почина во раните утрински часови во средата на Халкидики, откако претрпе алергиски шок. Според мајката на несреќната тинејџерка, таа била во Ханиоти со пријателите на одмор. Тие излегле на забава во вторникот навечер, а потоа отишле да јадат во локалниот ресторан за брза храна во раните утрински часови, во средата. – Ќерка ми јадеше виршла, но е алергична на млечни производи и отсекогаш била внимателна кога јаде надвор. Не знам што точно се случило, и дали има нешто млечно во тоа што јадела – рекла неутешната мајка. Таа додала дека девојката колабиралa штом го изела хот-догот. Една од нејзините пријателки веднаш истрчала во собата каде што престојувале да и донесат лекови, а во исто време повикале брза помош. Меѓутоа, според мајката на жртвата, помошта пристигнала по 45 минути, кога веќе било доцна. – Од првите докази се чини дека моето девојче доживеало алергиски шок и затоа почина. Таа беше најубавото дете и почина на само 16 години, без помош. Во Здравствениот дом двапати се обиделе да ја вратат во живот, но не успеале – истакнала мајката. Неутешената жена додала дека не знае зошто ѝ требало толку време на брзата помош да пристигне на местото на настанот. – Беше пет часот наутро, немаше метеж – забележа таа. „Прототема“ пишува дека 16-годишната девојка земала лекови во последните неколку години бидејќи страдала од епилептични напади. Наводно прашала дали храната содржи состојки кои и биле забранети, бидејќи е алергична, пренесува медиумот. Наводно во ресторанот и дале негативен одговор, а откако девојката го консумирала оброкот – доживеала алергиски шок. Таа денеска ќе биде погребана во родното место, додека се чекаат резултатите од обдукцијата.

ЦРН ПЕТОК ВО СКОПЈЕ – вчера 20 годишна девојка била пронајдена на плочник пред зграда како лежи беспомошно, лекарите не можеле да сторат ништо – еве што се случило!

Дарко Андоновски — Sat, 10 Jun 2023 14:21:03 +0000

На 09.06.2023 во 19.45 часот во СВР Скопје било пријавено дека на плочник пред зграда на подрачје на Бутел била пронајдена С.Д.(20) од Скопје со тешки телесни повреди здобиени при пад од зграда. Таа била пренесена во Комплексот клиники „Мајка Тереза“, каде на 10.06.2023 во 00.30 часот починала. Увид бил извршен и за настанот бил известен јавен обвинител. Се преземаат мерки за расчистување на случајот.

Стручниот и обдукцискиот извештај треба да ги покажат причините за смртта на шестгодишното девојче во Битола

Катерина Бојаџиева — Tue, 28 Mar 2023 15:16:29 +0000

Во тек е стручен надзор, а во меѓувреме се очекува извештајот од обдукцијата за смртта на шестгодишното девојче во Битола, по што може да се каже каква била причината за смртта на девојчето, изјави денеска на собраниска седница заменик-министерката за здравство Маја Манолева. Манолева одговараше на прашање на пратеникот Петар Ристески од ВМРО-ДПМНЕ, кој рече дека некој мора да сноси одговорност доколку ја има за смртта на девојчето, но и за битолаченост кој почина од цистична фиброза -Завршен е вонредниот инспекциски надозр на ДЗСИ, во теке е стручен надзор кој го иницираше Министерството за здравство, а во меѓувреме се очекува и обдукциониот наод којшто треба да ја даде точната причина за смртниот исход на шестгодишното девојче. Согласно сите овие информации и по доставување на институциите дури тогаш можеме да кажеме за каква причина за смрт за шестгодишното девојче се работи, рече Манолева. Заменик-министерката за здравство одговарајќи на пратеничко прашање за набавката на „трикафта“ и ослободување на болните од цистична фиброза, рече дека по донесување на измените на соодветниот закон во Министерството за здравство е формирана работна група која ќе работи околу препораките за пациентите кои треба да примаат лек за цистична фиброза и на правилници за да може да се импелемнтира законот за директно преговарање и набавка на лекот трикафта за цистична фиброза, рече Манолева. Во однос на ослободувањето од партиципација на овие болни над 26 години, рече дека следуваат измени во Законот за здравствено осигурување за што рече дека ќе се потруди да бидат ставени во него.

ЛЕКАРИ ТВРДАТ ДЕКА ОД ШЕЌЕР НЕ СЕ УМИРА – од што почина тогаш малата Јана во битолската болница? (ФОТО)

Дарко Андоновски — Fri, 24 Mar 2023 12:31:25 +0000

Зошто почина 6-годишната Јана? Клиничката болница во Битола е под вонреден инспекциски надзор. Комплетната документација ја чешлаат од обвинителството, полицијата, но се чека и вонредна инспекција од посебно формирана комисија од министерството за здравство. Во меѓувреме се земаат изјави од инволвираниот персонал и се разговара со сите кои имале контакт со девојчето. Директорот на болницата во Битола Александар Обедниковски, побара од министерот да се испрати комисија од Скопје за да нема сомнеж дека нешто се крие. Веста ја вознемири јавноста, особено откако таткото на малата Јана обелодени дека според анализите на крвта таа имала шеќер 9, а потоа и дале и гликоза со инфузијата со што шеќерот дополнително се покачил на 19, по што починала. Причините за смртта ги коментираат и лекари на социјалните мрежи. Докторот Ненад Лазаров во статус на Фејсбук вели „Од гликемија 19 не се умира акутно“. На неговиот пост колеги лекари ја коментираат состојбата и велат: „Не се умира од гликемија, но се умира од кетоацидоза. Тешка загуба за родителите, но компликација на хипергликемија во детска возраст, акутна состојба каде се јавува и инсулинска резистенција има ваква компликација„ Со ова се сложуваат и други лекари. „ Дијабетски хиперосмоларен синдром помислив прво“. „Тоа е причината претпоставувам. Тоа се ургентни состојби во детска возраст кој може да завршат со егзитус за жал“. Сепак сите се сложни дека треба да се почека обдукцијата да ја покаже точната причина за смртта по што ќе се знае дали се работи за лекарска грешка или не.

Инспектори се во битолската болница, директорот е на пат за Скопје да се сретне со министерот: Ќе понесе ли некој одговорност за смртта на малата Јана?

Дарко Андоновски — Fri, 24 Mar 2023 10:28:34 +0000

Веќе е почнат вонреден надзор за тоа што се случило во Битола, директорот е веќе на пат за Скопје каде ќе има состанок со министерот и заменичката, вели премиерот Ковачевски За случајот постапува и обвинителството, но оттаму велат дека сè уште не е утврдена причината за смртта на девојчето. Инспектори од Државниот санитарен и здравствен инспекторат, како и јавен обвинител постапуваат во случајот со смртта на шестгодишната Јана во болницата во Битола. Директорот на болницата Александар Обедниковски, пак, е на пат за Скопје каде треба да се сретне со министерот за здравство Фатмир Меџити и неговата заменичка Маја Манолева. „Разговаравме и вчера и утрово со министерот, тука е и директорката на Државниот санитарен и здравствен инспекторат, веќе е почнат вонреден надзор за тоа што се случило во Битола, директорот е веќе на пат за Скопје каде ќе има состанок со министерот и заменичката, а информирано е и јавното обвинителство. Сите детали, откако ќе ги имаат, ќе бидат споделени со јавноста, тие треба да се врз основа на факти, да се утврди објективната состојба и врз основа на нив да се направат соодветни санкции таму каде ќе биде потребно“, рече денеска премиерот Димитар Ковачевски. Министерот Меџити, исто така потенцираше дека инспекциските служби се на терен и ќе ја информираат јавноста откако ќе има информации. Со директорот на болницата разговарал веќе и телефонски, а со семејството на Јана сè уште не, но вели дека тоа ќе го направат откако прво ќе видат што ќе покаже инспекцијата. За случајот уште вчера имаше информации дека е извесен јавен обвинител и телото е дадено на обдукција, но засега нема повеќе информации. „Основното јавно обвинителство Битола издава наредби и насоки за да се извршат сите неопходни проверки. Причината за смртта на девојчето сè уште не е утврдена“, велат од обвинителството. Според информациите кои досега излегоа во јавноста, шестгодишната Јана почина во болницата откако била примена со симптоми на настинка. Нејзиниот татко вчера во медиумите раскажа дека на детето му бил измерен покачен шеќер во крвта со вредност 9, но во болницата ѝ дале инфузија со гликоза.

ТРАГЕДИЈА: 6- годишно девојче починало додека примало инфузија во болницата во Битола

Катерина Бојаџиева — Thu, 23 Mar 2023 11:34:49 +0000

Трагедија ја потресе Битола откако шестгодишно девојче од битолското село Кравари вчера попладне починало на Детското одделение во Битолската клиничка болница, пренесува Независен.мк. Според блиски на семејството на починатото девојче, тоа со симптоми на настинка, покачена температура и дијареа било однесено од родителите на Педијатрија, и како што кажуваат, во текот на примањето на инфузија починало. Роднините на семејството се сомневаат дека детето не било соодветно третирано. Директорот на Битолската клиничка болница, Александар Обедниковски за „Независен“ потврди дека има починато дете и врз телото на девојчето се врши обдукција, со цел да се утврдат причините за смртта. „Вчера околу 10 часот девојчето е примено на Одделението за педијатрија, третирано е со терапија и нешто по 14 часот му се влоши состојбата по што почина. Како болница побаравме обдукција која е во тек, а резултатите од неа ќе бидат дадени на Обвинителството, по што ќе се знаат причините поради кои настапила смртта“, изјави за „Независен“, д-р Обедниковски.

11 ГОДИШНО ДЕВОЈЧЕ ПРОНАЈДЕНО МРТВО – еве ги деталите

Дарко Андоновски — Mon, 07 Feb 2022 15:16:18 +0000

Во селото Парналија на Плачковица во Општина Карбинци вчера било најдено мртво 11-годиншно девојче пред еден помошен објект, потврди СВР Штип. Вчера околу 13 часот СВР Штип добила пријава за случајот, по што бил извршен увид на местото на настанот, вели портпаролот Гордана Панајотова. Лекар од Итната медицинска помош констатирал смрт кај девојчето, а не биле утврдени траги на насилство. По налог на Обвинителството телото било дадено на семејството, а случајот сепак ќе се истражува.

ТРАГЕДИЈА: Почина 4-годишно девојче во прегреан автомобил

Катерина Бојаџиева — Sun, 01 Aug 2021 13:54:13 +0000

Телото на 4-годишно девојче било пронајдено во автомобил во двор на куќа во Доња Пискавица, село Драгичевиќ, јавуваат локалните медиуми. Според медиумите, причината за смртта била топлина, односно екстремно прегревање. Со цел да се утврди точната причина и околностите за смртта на детето, дежурниот обвинител наредил да се изврши обдукција во Институтот за судска медицина на Република Српска и да се преземат сите истражни дејствија и мерки.

ТРАГЕДИЈА НА СТАРА НОВА ГОДИНА: Малолетно девојче загина по полноќ во сообраќајна несреќа

Дарко Андоновски — Tue, 14 Jan 2020 09:34:11 +0000

Денеска во 01:30 часот на крстосницата од улиците „2“ и „10“ во село Миладиновци и локален пат за село Бујковци, кај железничката пруга, патничко возило „цитроен ц5“, со кумановски регистарски ознаки, управувано од Н. С. (20) од Куманово, излетало од коловозот. На местото на незгодата починала 17 – годишна сопатничка од Куманово, а со тешки телесни повреди се здобил возачот и уште една сопатничка, Т. П. (19) од Куманово, по што биле пренесени во комплексот клиники „Мајка Тереза“ за укажување на лекарска помош. Извршен бил увид на местото на настанот од страна на Јавен обвинител и увидна екипа од СВР Скопјe, информираат од МВР.

Почина 3-годишно девојче во Струга

Дарко Андоновски — Mon, 12 Aug 2019 10:52:37 +0000

Тригодишно девојче починато вчера било донесено во Медицинскиот центар во Струга. СВР Охрид денеска соопшти дека во 10 часот и 20 минути од болницата пријавиле дека А.Ј. (25) од Шведска го однела починатото девојче. Според информацијата на телото на девојчето немало траги на насилство. По наредба на Јавен обвинител телото е дадено на обдукција.