починато момче – Kurir.mk

Обдукцијата покажа: 24- годишното момче починало од тежок инфект и внатрешно крварење

Катерина Бојаџиева — Thu, 28 Sep 2023 11:40:49 +0000

Обдукцијата покажа дека за смртта кај 24-годишното момче Симеон Т. од битолското село Цапари, кое вчера почина во Битолската болница нема лекарска грешка и дека причината е десеминирана интраваскуларна коагулација (ДИК). Од Битолската клиничка болница за „Независен“ потврдуваат дека обдукцијата завршила, ден по смртта и дека наодот покажала дека смртта кај момчето настапила заради тежок инфект и внатрешно крварење на органите. - Наодот од обдукцијата покажа дека причината за смртта кај младиот пациент е ДИК или десеминирана интраваскуларна коагулација. Тоа е брзо трошење на факторите на згрутчување на крвта и доведува до неконтролирано крварење на многу органи и системи во организмот, а резултира со прогресивно создавање тромбози и микротромбози кај сите органи. Сето ова е предизвикано од тежок инфект кај детето. Обдукцијата покажа дека нема лекарска грешка, изјави д-р Елизабета Ивановска, директорка на Битолската болница. Смртта на момчето настапила вчера доцна попладнето по 18 часот, откако од утрото било примено на болница со многу висока температура и трески. На почеток било згрижено на одделот за Интензивна нега, и биле консултирани конзилијарно и лекари од други одделенија, но од час во час состојбата се влошувала, па по речиси десет часа од хоспитализацијата и борба на лекарите момчето починало. Официјално од болницата потврдија дека момчето претходниот ден, во вторникот било лекарски третирано и му била дадена терапија и било пуштено дома, но ноќта меѓу вторникот и средата повторно имало висока температура и влошување на состојбата, што било причина да се врати на болница и да го хоспитализираат. За жал имало лошо наоди на направените лабораториските анализи.

ТРАГЕДИЈА ВО МАКЕДОНИЈА – 27 годишно момче пронајдено починато, телото итно предадено на обдукција!

Дарко Андоновски — Sun, 27 Aug 2023 14:53:50 +0000

На 26.08.2023 околу 13,30 часот во СВР Струмица било пријавено дека во с.Мокриево, струмичко во семејниот дом бил пронајден починат М.С.(27). Смртта била констатирана од лекар од итна медицинска помош. По наредба на Јавен обвинител телото на починатиот е предадено за обдукција. Увид на местото на настанот извршила екипа од СВР Струмица.

ТРАГЕДИЈА ВО МАКЕДОНИЈА: Полицијата уапсила 20 годишник, па му се слошило – го однеле во болница но веќе било доцна

Дарко Андоновски — Fri, 17 Mar 2023 15:29:17 +0000

Вчера почина 20-годишник од Радовиш, на кого му се слошило, откако претходно бил уапсен од полицијата. - На 16.03.2023 во 15.35 часот во Полициска станица Радовиш е пријавено дека во Клиничката болница Штип починал В.А.(20) од Радовиш, на кого му се слошило, откако претходно бил лишен од слобода од страна на полициски службеници од Надворешната канцеларија за криминалистички работи Радовиш по извршен претрес во неговиот дом во Радовиш, со судска наредба, при кој била пронајдена марихуана, информира МВР. По наредба на Јавен обвинител над телото на починатиот ќе се врши обдукција. Се преземаат мерки за расчистување на случајот.

ТРАГЕДИЈА: Младо момче починало во Тетово, за случајот се приведени дилери на дрога – еве што се случило

Ивана Ефремовски — Thu, 02 Mar 2023 15:42:29 +0000

На 01.03.2023 во 17:00 часот во СВР Тетово било пријавено дека во тетовската Клиничка болница бил донесен починат 20-годишниот А.А. од тетовско Теарце. На паркинг пред станбена зграда на улица „Илинденска“ во Тетово, каде според пријавеното бил пронајден починат А.А., увид извршиле Јавен обвинител и екипа од СВР Тетово. По наредба на Јавен обвинител била извршена обдукција. Во врска со случајот, во 18.10 часот на улица „Илинденска“ во Тетово, полициски службеници на СВР Тетово ги лишиле од слобода Л.Д.(23), Ј.С.(24), А.О.(25), А.О.(35) и П.A.(71), сите од Тетово, поради сомнение за нивна инволвираност во „неовластено производство и пуштање во промет на наркотични дроги, психотропни супстанци и прекурсори“ и „овозможување употреба наркотични дроги“, а ноќта (02.03.2023) во 01.10 часот на улица „113“, од слобода бил лишен и Б.Х.(19) од Тетово. Лицата биле задржани во Полициската станица Тетово и се преземаат мерки за целосно расчистување и документирање на случајот.

ТРАГЕДИЈА: Момче пронајдено починато во када

Ивана Ефремовски — Thu, 02 Feb 2023 14:07:36 +0000

Дваесет и шестгодишно момче утринава е пронајдено мртво во када во делчевското село Стамер. Информацијата ја потврдија од СВР Штип, од каде информираа дека по насока на обвинител неговото тело без траги на насилство е предадено на обдукција. Смртта кај дваесет и шестгодишникот ја констатирала екипа на Итната медицинска помош од Делчево која се упатила кон неговиот дом веднаш по добивањето повик од роднина на несреќното момче. (МИА)

„ЌЕ ТАГУВАМЕ ДОДЕКА СМЕ ЖИВИ“: Семејството на македонското момче кое беше пронајдено починато пред трговски центар во Софија ја откри причината за смртта

Дарко Андоновски — Tue, 20 Dec 2022 14:23:57 +0000

Телото на Стојан Спасов(26) од Виница е пронајдено пред три дена во близина на трговскиот центар „Парадајз“ во Софија! За оваа вест институциите молчеа, медиумите не информираа два дена, а сето тоа придонесе вчера на социјалните мрежи да се шират разни приказни околу причините за тоа како и зошто згасна млад живот. ММС во текот на вчерашниот ден побара одговор од Минстерство за надворешни работи, но од таму одговор дадоа дури вчера приквечер. -Веднаш штом добивме информација за починат наш државјанин, С. С. во Република Бугарија, преку Амбасадата на Северна Македонија во Софија, стапивме во контакт со надлежните органи, од каде добивме првични информации за случајот. Преку Министерството за внатрешни работи веќе е стапено во контакт со семејството на починатиот во земјава, и истите се соодветно информирани за случајот. Министерството за надворешни работи и Амбасадата во Софија стојат на располагање за комуникација и асистенција, како и во постојана и непосредна комуникација со надлежните органи на Бугарија кои ја водат истрагата, беше информацијата од МНР, која не беше доволна за да престанат шпекулациите за смртта на младото момче. ММС стапи и во контакт со семејството Спасови од Виница, кои во сета болка која ја доживејаа, многу се разочарани од сите шпекулации кои се кажале вчера. -Не сакаме никој да ја почуствува болката што ја чувствуваме ние, но сепак сметаме дека секој треба да има барем малку човечност и доблест во себе. Нечесно е на нечија туѓа несреќа да се добива внимание и медиумска популарност. Според документот што го добивме од Судска медицина, по направената аутопсија, утвредно е дека причината за смрт е срцев удар. Затоа се надеваме дека Ббог ќе им даде ум на сите луѓе што не се свесни што пишуваат. Не осудуваме никого и не бараме ничија помош, нашите блиски се со нас. Единствен начин да се помогне е да се каже вистината, а вистината е таа што ја кажавме. А тоа што го кажавме, ни го потврдија и од нашата амбасада. Нам ни останува сами да тагуваме до крајот на нашите животи. Сите што лично го познаваа, знаеја каков човек и спортист беше. А тие што не го познаваат можат да мислат и да зборуваат што сакаат, кажа за ММС семејството Спасовски и уште еднаш замолија да престанат шпекулациите, и да ги остават да тагуваат во мир.

Во Шкотска пронајдено починато момче во соба – мајката вели дека е жртва на смртоносен предизвик од социјалните мрежи

Магдалена Андонова — Thu, 01 Sep 2022 17:36:06 +0000

Лорин Китинг (30) од Шкотска минатата недела го пронашла телото на својот син тинејџер во неговата спална соба. Таа тврди дека учествувал во т.н предизвик за затемнување. Во истиот предизвик учествувал и Арчи Батерсби, кој се здобил со фатална повреда на мозокот од која подоцна починал. Имено, во овој предизвик учесниците не дишат додека не се онесвестат, што може да доведе до ниско ниво на кислород во мозокот предизвикувајќи напади, сериозни повреди и смрт. Лорин Китинг затоа издаде предупредување до другите семејства. - Еден од пријателите на Леон ми кажа дека учествувал во тој предизвик на FaceTime, откако го видел на Tik-Tok. Леон сакаше да биде првиот што ќе го проба. Тој и неговите пријатели мислеле дека тоа е смешно и забавно. Мислеа дека ќе се разбуди, но Леон не се врати. Сè тргна наопаку, рече Лорин. - Ве молиме предупредете ги, овие онлајн предизвици не вредат за нивниот живот. Не вредат ниту лајкови, ниту за што го прават тоа, истакнала очајната мајка. Смртта на Леон дојде неколку недели по смртта на Арчи Батерсби, кој исто така беше пронајден од неговата мајка. Арчи се здобил со повреда на мозокот поради која бил ставен на апарати за одржување во живот, од која бил изваден на почетокот на август. Мајката на Арчи, Холи Денс, претходно изјави дека дури 82 лица се сомневаат дека починале како резултат на учеството во предизвик и дека многу повеќе деца се повредени во 14-те години колку што постои предизвикот.

БИЗАРНА ТРАГЕДИЈА ВО ШТИПСКАТА БОЛНИЦА – почина 25 годишно момче откако се заразило со сепса по интервенција на заб (ФОТО)

Дарко Андоновски — Thu, 25 Aug 2022 10:30:59 +0000

На социјалните мрежи се шират фотографии и статуси поврзани со смртта на 25 годишно момче од Берово. Станува збор за Јован Димовски кој починал од сепса предизвикана на забар во штипската болница. „Само во нашата држава ,само со нашето зрдавство, само со нашите „професионални“ доктори во штипската болница може да се случи ова: Со 20 годишен сташ да направиш интервенција на заб и да ставиш еден обичен дрен наопаку. Па да предизвикаш сепса и пациентот да го пратиш дома со што предизвика на Ванчо животот да згадне на само 25години.....🖤СРАМ ЗА ЦЕЛА ДРЖАВА!!! Каде живееме ние, какво здравство имаме,дали веке еден ден некуј ќе одговара за секојдневниот хорот во таа штипска болница. Колку животи згаснаа само поради не внимание. До кога нашиот народ ќе се лекува само со.... „како е рекол Бог“.... Дали во 21 век треба да се случи таков срам....Ангелу наш ти почивај во мир 🙏 А тие нема да спијат мирно....🖤, стои во еден од постовите посветени на прерано починатиот Јован. Овој случај во моментов е проширен само на социјалните мрежи и нема официјален коментар од засегнатите институции.

ТРАГЕДИЈА: 22-годишно момче од Куманово почина од коронавирус

Ивана Ефремовски — Tue, 31 Aug 2021 19:43:43 +0000

Дваесет и двегодишно момче од Куманово е најмладиот меѓу денешните 37 починати од ковид-19. Според кумановската болница, момчето три дена се лекувало таму откако дошло многу доцна, со веќе развиена масивна пневмонија, пренесува „Сакам да кажам“. Пред 10-на дена било префрлено на Инфективната клиника во Скопје, каде и почина. Момчето не било вакцинирано, но нема информации дали боледувало и од други хронични болести.

ПРВО ПРАВЕЛ СВАДБА, А ВЧЕРА НЕ ГО ДОЧЕКА РОДЕНДЕНОТ – 24 годишното момче од Ресен потпишал на своја одговорност да ја напушти болницата

Дарко Андоновски — Sat, 28 Aug 2021 08:18:20 +0000

Потпишал на своја одговорност дека ја напушта болницата, велат од Министерството за здравство за 24 годишното момче од Ресен кое вчера почина од коронавирус. „Тој имал масивна бронхопневмонија, ниска сатурација, веднаш на пациентот му била дадена терапија и бил ставен на кислородна поддршка. Откако ја примил терапијата, пациентот одбива да остане на болничко лекување, иако запознаен со сериозноста на состојбата и потребата од доиследување, пациентот бара да биде пуштен на домашно лекување. По потпишана изјава дека си оди на сопствена одговорност, пациентот е испишан со препишана терапија која треба да ја прима во модуларната болница во Ресен“, велат од Министерството за здравство. Момчето на 15 август правело свадба во хотел во Ресен, а вчера наполнил 24 години. Следниот ден, на 25 август, тој е донесен од Општата болница во Охрид за хоспитализација во Клиничката болница во Битола. „Веднаш е хоспитализиран во тешка општа состојба со ниска сатурација, поставен на двојна кислородна поддршка, интензивна терапија, но и покрај тоа постојано му се влошува состојбата и паѓа сатурацијата. На 27 август утрото, и покрај обидите на лекарите да го спасат, пациентот починал“, велат од Министерството за здравство.