починато – Kurir.mk

Почина уште едно новороденче во болницата во Битола

Ристе Здравков — Mon, 17 Jul 2023 08:36:19 +0000

Почина уште едно бебе родено во болницата во Битола, пишува „Слободен печат“ . Според информациите на „Слободен печат“ станува збор за четврта бременост на млада мајка на возраст од 21 година, која до 7 месец не била во Македонија и немала контролирана бременост. Мајката била породена со царски рез. Докторката на болницата Елизабета Ивановска за „Слободен печат“ ја потврдила информацијата. Според неа и третото бебе на родилката починало на сличен начин. Ќе се изврши обдукција за да се утврдат причините поради кои настапила смртта, но според информациите од Ивановска, бебето било родено мртво. Ова е втор пат бебе да почине во оваа болница за краток временски период од неколку месеци.

Лице во безсознание било пронајдено во центарот на Скопје, починало во болница

Тале Кристо — Mon, 26 Jun 2023 15:37:59 +0000

На 25.06.2023 во 10,30 часот во СВР Скопје е пријавено дека на ул.„50-та дивизија“ во близина на угостителски објект на подрачје на Центар пронајдено е едно лице во безсознание, кое е пренесено во Комплекс клиники „Мајка Тереза“ каде подоцна починало, а смртта е констатирана од лекар, без видливи траги на насилство. По наредба на јавен обвинител телото е предадено на судска медицина за обдукција.

ТРАГЕДИЈА ВО ГРЦИЈА: Почина петмесечно бебе, таткото го заборавил во автомобилот

Тале Кристо — Wed, 10 May 2023 08:32:30 +0000

За убиство од небрежност се товари 37-годишен маж од грчкиот град Арта, откако повеќе од пет часа го заборавил неговото пет и пол месечно бебе во автомобилот и било пронајдено мртво, јави дописничката на МИА од Атина. Грчките медиуми повикувајќи се на полициски извори објавија дека таткото требало да го однесе новороденчето во градинка, но го заборавил на задното седиште од автомобилот, а кога мајката отишла да го земе од градинка, ја известиле дека воопшто не било донесено. Стапила во контакт со нејзиниот сопруг за да дознае што се случило, по што било откриено дека бебето останало во автомобилот, веднаш го пренеле во болница, но била констатирана смрт. Родителите на бебето се хоспитализирани во лоша психичка состојба, а обвинителот покренал обвинение за убиство од небрежност против 37-годишниот маж.

Родителите на починатото девојче од Битола се сомневаат дека и се дало инфузија со гликоза иако имала покачен шеќер

Ристе Здравков — Thu, 23 Mar 2023 16:16:25 +0000

Петгодишната Јана Христовска од битолското село Кравари е девојчето кое почина вчера во битолската Клиничка болница, откако претходно на Одделението за педијатрија примила инфузија, па состојбата се искомплицирала и како што изјавија од болницата 40 минути и се правеле обди за нејзина реанимација на Одделението за интензивна нега. Таткото на девојчето, Стојче Христовски, се сомнева дека се работи за лекарски пропуст затоа што кај девојчето при првичните анализите на крвта се покажало дека шеќерот е покачен на 9, а ѝ била дадена инфузија за која претпоставуваат дека содржела гликоза, па шеќерот се искачил на 19 единици. „Девојчето не боледуваше од никакви болести, освен што претходниот ден имаше температура, па ѝ дадовме сируп и ѝ спадна. Другиот ден се жалеше на малаксаност и болки во мускулите, а пред Нова година имаше вирус од кој и потекоа капачињата на очите и тоа пак ѝ се случи вчера. На Одделението за педијатрија ја прегледаа и ни рекоа да направиме крвна слика. Шеќерот ѝ го измерија 9. Во 10 часот ѝ зедоа крв, а рекоа резултатите по 12 часот. Ѝ кажав на докторката за шеќерот, рече не е многу. Дури ги чекаа реузлтатите ѝ ставија инфузија. Наша претпоставка е дека е гликоза за да ја освежат. Кога дотече, шеќерот се крена 19. Ги фати паника, почна да се компликуваат работите. Се јавија во лабораторија, побрзо да ги направат анализите на крвта. Се насобраа доктори“, кажува таткото за Сакам да кажам. По ова, девојчето било однесено на Одделението за интензивна нега, а во 15,30 часот починало. Семејството вели дека Јана не боледувала од други болести и била здраво дете. Поради ова болницата побара да биде направена обдукција на телото, со цел да се дознае вистинската причина за смртта. Резултатите од обдукцијата ќе бидат готови за 10 дена.

ПОЧИНАЛО ВО АМБУЛАНТНО ВОЗИЛО: 12-годишното дете кое денеска беше извлечено од под урнатините во Турција го загуби животот

Тале Кристо — Sat, 18 Feb 2023 13:27:25 +0000

Почина 12-годишното дете кое по 296 часа денес беше извлечено од урнатините во Турција. Како што јави „Ал Џезира“ детето починало во возилото на Итната помош, а неговите родители кои, истотака, беа спасени денес се во стабилна состојба. Според информациите станува збор за петчлено семејство. Спасената брачна двојка имала уште две деца кои за жал, веќе биле починати под урнатините пред да пристигнат спасувачите. Во Сирија и Турција сè уште траат напорите за извлекување на преживеаните од урнатините, но фокусот полека се насочува кон хуманитарната помош. Турската влада посочува дека најмалку 84.000 згради, со повеќе од 332.000 станови, се уништени или оштетени до тој степен што не можат да се користат. Областа во Турција која беше погодена од земјотресот е дом на 14 милиони луѓе, што е 16 отсто од вкупното население. Сè уште нема официјални податоци за бројот на раселените луѓе во Турција, но потпретседателот на земјата рече дека повеќе од еден милион луѓе се во шаторски кампови. Кога станува збор за Сирија, ОН проценуваат дека 5,3 милиони луѓе се бездомници.

ЌЕ ВИ СЕ РАСПАРА СРЦЕТО НА ДВА ДЕЛА – додека спасувачот ја снима во живо, Азра му умира на рацете (ВИДЕО)

Дарко Андоновски — Thu, 16 Feb 2023 19:49:01 +0000

Четиригодишната Азра Дуру која беше извлечена од урнатините во Турција го загуби животот, а спасувачот е цел на критики за начинот на кој го држеше девојчето. Информацијата за смртта ја потврдија роднините на малечката Азра, јавуваат турските медиуми. Се наведува дека спасувачот ја вклучил камерата од телефонот и снимал додека самиот го држел девојчето и покрај тоа што имало видливи повреди. На снимките се гледа дека детето тешко ја држи главата, а внимание привлекоа и повредите на лицето, пишуваат корисници на социјалните мрежи во Турција, коментирајќи дека мажот требал да почека да пристигне брзата помош, a не сам на раце да го носи повреденото девојче. Причината за смртта на Азра беше објаснета како траума предизвикана од природна катастрофа, тешка повреда, внатрешно крварење, скршеници на левата нога и на десната рака. Видеото можете да го погледнете ТУКА.

Тага во домот на најзгодниот српски политичар – наместо да и се радуваат на приновата од неговата сопруга, тие се во солзи (ФОТО)

Дарко Андоновски — Thu, 05 May 2022 16:59:25 +0000

Среќата им немаше крај во домот на српскиот политичар Чедомир Јовановиќ откако тие споделија дека чекаат принова и дека неговата сопруга е бремена. Сепак, среќата во домот не траеше долго, бидејќи речиси целото семејство овие денови е тажно, пренесуваат српските медиуми. Во домот на најзгодниот политичар во регионот починало нивното милениче, а веста ја потврдил тој преку својот Инстаграм профил. -Летај високо, наша нежна душа, напиша тој во постот објавувајќи и фотографија од кучето. Сепак, на тагата мора да и дојде набрзо крај, бидејќи имаат убав повод за славење кој доаѓа наскоро со раѓањето на новиот член во нивното семејство.

ЕДНО ГОДИШНО БЕБЕ ПОЧИНАЛО ОД КОРОНАВИРУС – Институтот за јавно здравје со детали за трагедијата во Македонија!

Дарко Андоновски — Fri, 24 Dec 2021 14:44:29 +0000

Институтот за јавно здравје информира дека во денешната ковид статистика во однос на починатите лица пронајдени од регистарот, пријавено е дете на една годишна возраст починато на 29.11.2021. Според податоците добиени од Клиниката за детски болести, станува збор за дете кое престојува во дом за деца без родители во Битола . Истото повеќекратно наназад било хоспитализирано на КДБ поради компликации во склоп на основните заболувања : Остеохондродисплазија , Епилепсија , Хидроцефалус, Малнутриција, Дилатациона кардиомиопатија. До денот на последната хоспитализација , детето е хоспитализирано во Клиничка болница Битола каде поради долнореспираторен инфект е лекувано од 15.11.2021 до 24.11.2021 кога поради влошување на општата состојба и добиен позитивен тест на Ковид 19 , е упатено во ИБЗД Козле. По аплицирана терапија и неможност да се одговори на тежината на клиничката слика на детето кое е со континуирано ниска кислородна сатурација од 64% , а во претходен договор , од ИБЗД Козле детето се префрла на Клиника за детски болести како институција од терцијарен карактер, за понатамошен третман и соодветно лекување. Интензивниот мониторинг и лекување на детето во единица ургентен центар кое од денот на прием е на механичка вентилација, се одвива од 24.11.2021 до 29.11.2021 година , кога и покрај сите превземени дејствија за лекување и реанимација , завршува летално.

ПОЧИНА ПЕТМЕСЕЧНОТО БЕБЕ НА СЛАВНИОТ КОМИЧАР – со солзи во очите едвај зборуваше, од самото раѓање ја знаел судбината на неговиот син

Дарко Андоновски — Tue, 07 Dec 2021 20:14:27 +0000

Познатиот водител и комичар Ник Кенон ја потврди тажната вест. Неговиот петмесечен син Зен починал од редок тумор на мозокот. Комичарот во јуни годинава го дочека своето седмо дете кое го доби со својата партнерка Алис Скот и набрзо дознаа дека нивното малечко се бори со хидроцефалус. „Забележав дека многу кашла и сакав да проверам“, изјави Ник. – Чудно дишеше, забележав дека на два месеци има поголема глава во однос на другите деца на таа возраст, но мислев дека се синуси, па го однесовме на лекар поради дишењето. Мислев дека тоа ќе биде рутинска проверка – додал Ник. За жал, лекарите го информирале семејството дека на детето му се насобрала течност во главата и дека се работи за малигнен тумор.

View this post on Instagram

A post shared by NICK CANNON (@nickcannon)

Низ солзи Ник рекол дека од тој момент се трудел да помине што повеќе време со својот болен син. Комичарот последен пат го видел својот син викендов, а набрзо по трагедијата морал да се врати на бизнисот.

ТРАГЕДИЈА ВО СКОПЈЕ: Почина новороденче во својот дом, еве ги деталите

Дарко Андоновски — Mon, 11 Oct 2021 14:51:36 +0000

На 10.10.2021 во 10.00 часот било пријавено дека во дом на подрачјето на Шуто Оризари има починато бебе на возраст од околу еден месец. Од страна на лекар од Итна медицинска помош била констатирана смрт, а по наредба на Јавен обвинител телото било предадено за обдукција.