под контрола – Kurir.mk

Ходниците по институции преполни, Филипче смирува дека ситуацијата е под контрола

Тале Кристо — Fri, 16 Oct 2020 18:45:16 +0000

Граѓаните деновиве се сведоци на високата бројка на новозаразени од КОВИД-19. Поради тоа кај нив се поставува прашањето дали власта планира да превземе одредени мерки и да направи реорганизација во државните институции. Имено голем број на граѓани секојдневно се жалат на преголемите гужви од луѓе во државните институциите. -Пред два дена бев во Министерството за внатрешни работи да вадам лични документи. Иако таму се закажува со термин, сепак ходникот беше преполн, можеби имаше едно 30-тина луѓе во ходникот, вели граѓанин. Друг граѓани раскажа за слична ситуација во Управата за водење матични книги каде исто така се соочил се преголема гужва на луѓе. -Во понеделникот бев во Управата за водење на матични книга каде требаше да подигнам документ. Во просторијата можеби имаше над 40-тина луѓе. Како може тоа да биде дозволено кога последните две недели имаме преголема бројка на новозаразени од КОВИД-19. Зошто надлежни не превземаат ништо за да не се прават толку големи гужви во затворени простории?, запраша загрижен граѓанин. Центрите за социјални работи исто вријат. -Денес сум тука од 8 изутрина сега е 12.45, и може и да не завршам зошто со странки работат до 13.00. Пишува да влегува по едно лице, а внатре во тесен ходник има скоро 30 лица и на еден шачлчтер се чека за една општина, ама за се за нега, за второ, трето дете, сведочи граѓанин кој го затекнавме пред Службата за социјални работи. Сето ова покажува дека Владата не превзема никакви мерки за спречување на пандемијата и ги турка граѓаните во поголеми проблеми и води до ширење на заразата.

Пожарот во Португалија под контрола, тревогата сè уште во сила

Магдалена Андонова — Mon, 27 Jul 2020 12:12:41 +0000

Повеќе од 850 пожарникари денеска го ставија под контрола големиот пожар во централниот дел на Португалија, откако во земјата беше воведена вонредна состојба поради голем ризик од нов пожар. Пожарот од саботата гореше во Олеирос и се прошири во две соседни општини. Неколку илјади куќи беа евакуирани, но засега нема извештаи за штети, додека се проценува дека изгореле околу 6.000 хектари шума. Пожарникар на возраст од 21 година загина во сообраќајна несреќа за време на акцијата во градот Кастело Бланко, а повредени се седум лица, меѓу кои и еден цивил. Португалската метеоролошка агенција ИПМА предупреди дека ризикот од пожари во повеќето делови на земјата е голем со оглед на температурата, која ќе достигне до 37 степени. Владата прогласи тревога низ целата земја за денеска и утре. Во сила е забрана за палење пожари, а пристапот до шумите е ограничен. (МИА)

Австралискиот мегапожар ставен под контрола по повеќе од 10 недели

Тале Кристо — Sun, 12 Jan 2020 10:54:05 +0000

Австралискиот мегапожар, што беснее веќе 10 недели, конечно е ставен под контрола, соопштија денеска пожарникарите од Нов Јужен Велс. Пожарот во планините Гросперс почна со удар на гром, на 28 октомври, и зафати повеќе од половина милион хектари на северозападот од Сиднеј. Потоа тој се прошири и на делови од националниот парк „Сини планини“, на западот од Сиднеј. Гаснењето на пожарот траеше подолго бидејќи не можеше да се запре поради временските услови, соопшти пожарникарската служба, предупредувајќи дека се уште се останати неколку месеци од сезоната на пожари и површини што можат да горат. Властите во австралиската југоисточна држава Викторија денеска соопштија за смртта на пожарникар заради што вкупниот број на луѓе кои погинаа ширум континетот во сезоната на пожари се зголеми на 27. Илјадници луѓе станаа бездомници откако чудовишните пожари ширум земјата опустошија повеќе од 10,3 милиони хектари земја, оставајќи зад себе спржена земја со површина на Јужна Кореја. Еколозите од Универзитетот во Сиднеј проценуваат дека во пожарите настрадале или се повредени дури милијарда животни.