подароци – Kurir.mk

Овие шест работи никогаш не ги подарувајте

Ивона Петрова — Sun, 29 Oct 2023 19:00:25 +0000

Корисничката на TikTok, Леа која е експерт за подароци, наведува 6 работи кои никогаш не треба да ги подарувате. Кога избирате роденденски подарок, треба исклучително добро да го знаете примачот: што сака, што не сака, што би сакале да имаат и на што никогаш не би потрошиле пари, но би ценеле ако некој им подари. Таа вели дека овие работи не треба да се подаруваат: 1. Шминка - Ако не знаете што човекот вообичаено користи и дали можеби има проблеми со кожата или алергии, не подарувајте шминка - вели Леа. - Мислам дека е безбедно да и дадете на некоја личност нешто што често го користи, но не треба да ги избирате работите случајно, освен ако тоа лице не го побарало од вас. А, ако веќе сакате да подарите нешто поврзано со шминката и убавината, без ризик дека личноста ќе биде алергична на тоа или едноставно нема да му се допадне, пронајдете неколку слатки шноли, штипки за коса или свилени ластици – објаснува Леа. 2. Книги за самопомош Книгите за самопомош најдобро се купуваат само за себе. Леа вели дека без разлика дали се работи за организирање, чистење или само поинаков начин на размислување, овие книги дефинитивно можат да испратат погрешна порака. 3. Парфем Парфемите и колонските води се скапи - и многумина уживаат да пробуваат нови мириси. Меѓутоа, кога некому ќе му подарите парфем за роденден, голема е веројатноста дека нема да му се допадне. - Сите имаме различни преференци. Подобро е да купите нешто што знаете дека веќе славеникот го користи - вели Леа. 4. Членство во теретана Само затоа што можеби сакате членство во ново студио за пилатес не значи дека вашиот пријател или член на семејството ќе бидат среќни поради тоа. - Таквиот подарок може да изгледа како тивок начин да поттикнете некого да вежба повеќе, а со тоа можете да повредите нечии чувства - предупредува Леа. 5. Предмети кои го менуваат физичкиот изглед Многу работи спаѓаат под ова. Тоа се, на пример, ленти за избелување на забите, само-потемувачи, бои за коса. 6. Средства за хигиена Исто е и со средствата за хигиена; освен ако навистина сакате да инсинуирате дека на вашиот пријател не му е грижа. - Тука спаѓаат работи како дезодоранси, средства за миење уста и паста за заби - вели Леа. Таа забележува дека, се разбира, ова не ги вклучува фенси лосионите, сунѓери, лакови за нокти или купки за телото.

Четири работи кои никогаш не треба да им ги ПОДАРУВАТЕ на саканите: Се смета дека носат лоша среќа

Ристе Здравков — Tue, 15 Aug 2023 11:16:41 +0000

Еве за кои работи зборуваме. При изборот на подароци за вашите најблиски, бидете внимателни. Има четири подароци кои се сметаат за лоши и несреќни. Чевли Иако жените ги сакаат и сигурни сме дека би биле среќни да добијат чевли како подарок, можеби е подобро да избегнувате да ги подарувате. Имено, нашите стари баби верувале дека ако партнерот ви даде чевли, тоа значи дека наскоро ќе побегне. Часовник Рачните часовници често се наоѓаат на листата на најпопуларни новогодишни подароци, особено за мажите. Сепак, тие исто така не се препорачуваат, бидејќи според народното верување, ако часовникот застане, може да донесе лоша среќа. Паричник Кога станува збор за подарување паричник, постои само едно правило кое мора да го почитувате: не смеете да подарувате празен паричник. Ако го направите ова, тоа може да значи дека никогаш нема да имате доволно пари. Бисери Според народното верување, бисерите се поврзани со тага и несреќа. Според суеверието, секој бисер претставува една солза.

Сезона на подароци: ОВИЕ РАБОТИ не е убаво да ги подарувате за Нова година, еве какво значење имаат

Ивана Ефремовски — Sat, 31 Dec 2022 20:00:47 +0000

Изборот на подароци за Нова година знае да биде навистина тешка задача. Подарокот зборува за оној кој го добива, но и за оној кој го купува. Овие работи не треба да ги подарувате! Остри предмети – не дарувајте ножеви, ножици, отворачи за писма, отворачи за стаклени шишиња, зашто претставуваат сечење на односот. Празни паричници и торби – ако подарувате паричник или торба, ставете малку пари во нив, парите симболизираат благосостојба на оној кој го прима подарокот. Билки и цвеќе со трње – кактусите и други растенија со трње не се добри подароци, а избегнувајте и рози, зашто означуваат нарушување на односот. Ако добиете роза со трње од партнерот, извадете ги трњето за да си овозможите врска без проблеми. Бонсаи и слични минијатурни билки – одлучете се за бујни и здрави билки со заоблени листови кои симболизираат просперитет и здрав живот. Часовници и антиквитети – предметите кои покажуваат време или го симболизираат неговиот тек се лош подарок зашто го претставуваат односот со ограничен век на траење. Шамичиња – не подарувајте шамичиња, зашто означуваат бришење солзи и повикуваат на плач или болест.

Овие работи НЕ треба да ги подарувате за Нова година, има добра причина да го послушате овој совет

Ивана Ефремовски — Tue, 27 Dec 2022 17:08:35 +0000

Иако можеби имате добра намера, сепак постојат предмети за кои се веруваме дека не треба да ги подарувате. Некои од нив привлекуваат негативна енергија, друг неуспех. Овие подароци не треба да ги подарувате за Нова година: Остри предмети Ножици, ножеви и други остри предмети како магнет привлекуваат негативна енергија. Може да си ги купите самите на себе, но како подарок за други сепак не. Огледало Се верува дека во огледалата е заробена магија и дека поради тоа не треба да се купуваат за подарок. Наводно, подарено огледало носи несреќа за оној кој ќе го добие. Часовник Според народните верувања ако се случи часовникот да застане, може да донесе несреќа. Најдобро е да избегнувате ваков подарок. Паричник Паричник може да подарите, но важно е да не биде празен. Во тој случај, лицето на кое ќе му го подарите секогаш ќе има проблеми со парите. Садови Ако сакате да подарите тенџере, тава или чаши во секој сад ставете во една парична. Празните садови носат сиромаштија.

Овие работи никако не смеете да ги подарите за Нова Година, носат негативна енергија

Дарко Андоновски — Mon, 26 Dec 2022 10:32:52 +0000

Французите си ги продаваат добиените Божиќни подароци

Дарко Андоновски — Mon, 26 Dec 2022 06:43:44 +0000

Bо Франција последниве години зачести интернет-продажбата на непосакувани подароци добиени за Божиќ, според француските медиуми. Имено, најмалку 650.000 нови предмети биле регистрирани за продажба на платформата „Ракутен“ на католичкиот Божиќ. Французите најчесто продаваат облека што ја добиле затоа што не им се допаѓа, или пак, големината не им одговара. А, има и предмети што луѓето веќе ги имаат, како што се разни играчки или книги. Според претходни испитувања, се очекува околу три милиони Французи да ги продадат подароците коишто ги добиле овој Божиќ.

Носат негативна енергија: Овие работи не ги подарувајте за Нова Година

Ивона Петрова — Wed, 21 Dec 2022 20:45:04 +0000

ВРТОГЛАВ ИЗНОС: Халанд потрошил половина милион евра на проштални подароци

Ивона Петрова — Sun, 22 May 2022 12:41:52 +0000

Норвешкиот напаѓач Ерлинг Халанд (21) им поделил десетици скапи часовници на своите соиграчи и клупскиот персонал на заминување од Борусија Дортмунд во Манчестер сити. Германскиот весник „Билд“ објави дека младиот норвешки фудбалер на секој од своите 33 соиграчи и членови на стручниот штаб им подарил луксузен часовник вреден 15.000 евра. Халанд не ги заборавил ниту другите вработени во клубот и на готвачите, физиотерапевтите, лекарите и другиот персонал им подарил часовници од кои секој чинел по околу 7.000 евра. – Ми беше чест да го носам овој дрес. Во Борусија Дортмунд имавме незаборавни моменти, запознав посебни луѓе, а да не говорам за навивачите, кои секогаш беа 12-ти играч на теренот. „Жолтиот ѕид“ е навистина неверојатен. Никогаш нема да ги заборавам овие работи. Ви благодарам на сите, порача Халанд. Норвешкиот репрезентативец ќе ја продолжи кариерата во Манчестер сити каде во следните пет години треба да заработува 30 милиони евра по сезона.

Со овие подароци дефинитивно нема да згрешите денес, а жените ќе ви бидат благодарни до бескрај

Дарко Андоновски — Tue, 08 Mar 2022 08:16:01 +0000

Без разлика дали една жена го празнува 8 Март или не, таа ќе биде среќна доколку ѝ приредите мало изненадување. Ова се неколку едноставни, но моќни идеи за подарок кои би ја израдувале секоја жена. Цвеќе Ова е првиот и очигледен избор на многу мажи и иако звучи како клише, сепак може да биде вистински израз на внимание, кое жената може да го почувствува од самиот гест, но и од изборот на она што го сочинува букетот. Обидете се самите да аранжирате нешто за да бидете уникатни, а ако не можете, одете со букет рози. Со розите никогаш не можете да погрешите. Книга Едноставен и не премногу оригинален подарок, но секогаш актуелен и прифатлив. Ако вашата партнерка сака да чита книги, тогаш овој избор е полн погодок. Можеби некогаш ви спомнала за некоја книга која е хит во моментот и би сакала да ја прочита или пак ви зборувала за жанровите кои ги обожава. Влезете во книжарница и направете го изборот. Ако ви дозволува џебот, одете со некоја хит трилогија. Ќе биде горда да ги нареди деловите на полицата. Рачна изработка Било да се работи за парче накит, гардероба, некој украс за домот или нешто друго, со рачната изработка не можете да погрешите. Уникатните парчиња се секогаш на цена, и нема жена која не ги посакува во својот естетски свет. Пронајдете нешто убаво и уникатно. Сигурно ќе ѝ се допадне. Кошница со производи за нега и убавина Денот на жената е ден кога креативноста во понудата на парфимериите доаѓа најмногу до израз. Наместо да посегнете по колекциите во картонска амбалажа во маркетите, појдете во некоја парфимерија и изберете убав комплет со производи за нега и убавина интересно сместен во кошница. Не бегајте од шминките и лаковите за нокти. Купките и шампоните не се единствената козметика која ја користат жените. Изненадете ја со изборот. Таа ќе се чувствува како ни самата да не можела да направи подобар.

Познатите пејачки кои станаа мајки добија скапи поклони по породувањето од саканите – една се издвојува со вртоглав подарок од 70 илјади евра

Дарко Андоновски — Fri, 31 Dec 2021 12:21:47 +0000

Се почесто тренд е по породувањето родилките да добиваат скапи поклони, а истото ги очекуваше и познатите личности во соседството. За пример пејачката Ана Николиќ по раѓањето на ќерката Тара од сопругот Стефан Ѓуриќ – Раста доби на подарок Мерцедес ГЛЦ Купе. Наташа Беквалац по раѓањето на втората ќерка, тогашниот сопруг и купил дијамантско ланче, а за истото дал неколку илјади евра. Цеца по раѓањето на внукот Жељко богато ја наградила снаата Богдана, медиумите тогаш пишуваа дека таа и подарила ланче од дијаманти кое чинело 5.000 евра. Но, дефинитивно еден од најскапите подароци бил на пејачката Ана Севиќ која од својот сопруг добила Мерцедес кој чинел вртоглави 70 илјади евра.