подарок – Kurir.mk

ТАА ДЕФИНИТИВНО Е МИЛЕНИЧКА НА ТАТО – ќерката на Бекам за 12-от роденден добила подарок вреден цело богатство! Нема да поверувате за што се работи

Дарко Андоновски — Fri, 27 Oct 2023 15:22:36 +0000

Мегапопуларната џет сет брачна двојка Дејвид и Викторија Бекам на својата ќерка Харпер на почетокот на годинава и подариле необичен и скап подарок за нејзиниот 12 роденден. Ова го откри онлајн изданието на магазинот „ОК!“ Богатиот екс фудбалер заедно со сопругата на својата мала ќерка и подариле куќа на дрво вредна 115.000 евра. Куќата е изградена на дабови потпори откако добила градежна дозвола на семејниот имот во Котсволдс, Англија, вреден 13 милиони евра. Куќата на дрво е со димензии 4,5 x 4,5 метри во должина и ширина, а е висока 4,275 метри и се простира на површина од 15,6 метри квадратни. Харпер дефинитивно е миленичка на тато. Нејзините родендени секогаш биле обележани со екстравагантни подароци, а за седмиот роденден Харпер од тато Дејвид и мама Викторија на подарок добила коњче пони од 8.000 евра и опрема за јавање.

ЦЕЦА ОКОЛУ ВРАТОТ ЗА 50-ОТ РОДЕНДЕН ГО НОСЕШЕ ПОДАРОКОТ ОД АНАСТАСИЈА – моќно значење составено од три збора! (ФОТО)

Дарко Андоновски — Thu, 15 Jun 2023 14:45:50 +0000

На 14 јуни српската фолк дива Цеца Ражњатовиќ наполни 50 години, а тимот на српски Телеграф беше единствен кој ја посети ѕвездата за да и подари подарок кој ја воодушевил. Така, при дружењето со Цеца, новинарите забележале златен ѓердан околу вратот на Цеца со три моќни букви – „MOM”, односно во превод мама. Токму тој ѓердан е подарок кој ѝ го дала Анастасија на мајка си за роденденот, како што открила фолк дивата. Инаку, Цеца беше најголемата поддршка на ќерка си во овој тежок период низ кој таа минуваше откако со спонтан абортус го загуби бебето кое го носеше во бременоста.

Foto: Nikola Tomić/TELEGRAF.RS

Секоја жена заслужува ваков подарок за 8-ми март – еве што и подари фудбалерот на Анастасија Ражнатовиќ (ФОТО)

Дарко Андоновски — Wed, 08 Mar 2023 19:34:43 +0000

Пејачката Анастасија Ражнатовиќ веќе некое време ужива во љубовната врска со фудбалерот Немања Гудељ. Тој често пати знае да ја изненади својата понежна поливина со подароци, а истото го направи и овој осми март. Именот тој по повод Денот на жената ја изненади Анастасија со букет цвеќе како и со посебна порака и посвета до пејачката. -Среќен 8-ми март. Те сакам, стоеше во неговата порака до неа.

Вредносни подарок ваучери од dm!

Super Admin — Fri, 23 Dec 2022 11:40:30 +0000

Новогодишните празници се магични поради новите почетоци, радоста за дочекот на новата година и дружбата со луѓето кои ги сакаме. Ова е вистинско време со мали гестови да им покажеме на нашите најблиски колку сме им благодарни што внесуваат радост во нашиот живот. Но, со пристигнувањето на периодот за дарување, се јавува вечната дилема – како да го пронајдеме идеалниот подарок? Во дрогериите на dm можете да пронајдете голем избор на подароци и производи соодветни за предновогодишното дарување, како и многу инспирации за подароци кои ќе донесат насмевка на лицата на Вашите најблиски. Подарок ваучерите од dm претставуваат совршен подарок за секоја пригода, независно дали станува збор за потесниот круг од семејството, пријатели, колеги или соработници. Трите различни вредности и трите различни дизајна пренесуваат искрени желби и честитки подобро од зборови. Тие се едноставен, елегантен и брз начин да дојдете до соодветниот подарок кој нема да остави никого рамнодушен! Овој тип подарок е сè попопуларен во светот, пред сè поради практичноста, односно поради можноста сопственикот на подарок ваучерот самостојно да ја посети продавницата, каде може да го искористи и сам да го одбере производот што сака да го има. Вредносните подарок ваучери од dm, кои се достапни во износ од 350, 500 и 1.000 денари, може да ги пронајдете во сите dm дрогерии во Скопје, Тетово, Велес, Штип, Куманово, Битола, Струмица, Гостивар, Охрид и Струга. Што всушност претставува dm подарок ваучерот? Ваучерот, достапен во износ од 350, 500 и 1.000 денари, всушност е картичка што можете да ја купите од која било dm дрогерија. Личноста која го поседува овој подарок ваучер може да посети која било dm дрогерија и да набави производи во вредност на добиениот подарок ваучер, односно да ги плати со ваучерот, на ист начин како да плаќа во готовина. Подарок ваучерите од dm се совршен избор и за компании кои сакаат на своите вработени да им ги честитаат новогодишните и божиќните празници со мал, но елегантен и практичен подарок, за има и опција за плаќање на фактура. Како се користат подарок-ваучерите од dm?

Вредноста на ваучерот заменува готовина во истиот износ;
Сопственикот на ваучерот може да го искористи за набавка на омилените производи во сите dm дрогерии;
Ваучерот се користи во целост, еднократно;
Не се врши готовинска исплата или исплата на разликата од вредноста на производите и вредноста на ваучерот;
Ако вредноста на производите е поголема од вредноста на ваучерот, може да се доплати;
Цената на ваучерот е трајна и не подлежи на акциските промоции;
Рокот на важење на ваучерот е траен.

Подарок од Украина експлодираше во седиштето на полската полиција

Катерина Бојаџиева — Thu, 15 Dec 2022 15:31:12 +0000

Подарок што командантот на полската полиција го доби при неодамнешната посета на Украина експлодирал во полициско седиште во Варшава и полесно се повредени командантот и еден државен службеник, соопшти денеска МВР на Полска. Експлозијата се случила вчера утрото, соопшти Министерството. Командантот е задржан во болница поради набљудување, додека за другиот повреден не била потребна хоспитализација. Нема информации каков предмет добил полскиот командант за време на работната посета на Украина. Во неделата и понеделникот командантот се сретна со лидерите на украинската полиција и службите за итни случаи, соопшти Министерството. По експлозијата „полската страна побара објаснување од украинската страна“, се вели во соопштението.

Носат лоша среќа: Не треба да ги примате овие подароци

Ристе Здравков — Thu, 10 Nov 2022 08:19:15 +0000

Пристигнува периодот во кој сите им подготвуваме подароци за Нова година и Божиќ на своите најблиски. А кој не им се радува на подароците? Сите сакаме да добиеме нешто убаво, особено кога е од блиски лица кои многу ни значат. Меѓутоа, постои верување дека дарувањето на одредени работи и носи несреќа на личноста за која тој подарок е наменет. Чевли Според верувањата, доколку партнерот или партнерката на својата друга половина и купат чевли, врската ќе пукне. Но, да бидеме искрени: која жена нема да се израдува на чевли? Особено доколку станува збор за некои високи потпетици за кои одамна мечтаела да си ги купи. Часовник Часовниците се безвременски, практични и корисни, и спаѓаат во омилените празнични подароци како за жените, така и за мажите. Меѓутоа, се верува дека купувањето на подарок во вид на часовник привлекува несреќа. Паричник Еднаш празен, секогаш празен? Паричникот никогаш не смее да се подарува празен бидејќи во спротивно парите никогаш нема да „дојдат“ во него. Со цел да ја оттргнете „клетвата“, едноставно вметнете некој денар внатре пред да го подарите паричникот на некое блиско лице. Бисери Бисерите спаѓаат во класика и убаво им стојат на жените. Поради тоа нараквиците, ѓерданите и обетките со бисери се меѓу омилените подароци за дамите. Меѓутоа, според верувањата тоа значи следново: за секој бисер една солза. Но, доколку тоа е желба на личноста која ви подарува бисери – нема да плачете поради тага, туку ќе пуштите некоја солза радосница.

Брена се пофали од подарокот од синот – секоја мајка заслужува вакво нешто, особено кога е скромно (ФОТО)

Дарко Андоновски — Fri, 28 Oct 2022 14:15:40 +0000

Убавата Брена добила подарок со силна симболика од синот Стефан, а на социјалните мрежи се пофалила колку е воодушевена од неговиот гест. Пејачката на Инстаграм објави слика од чашата што ја доби од наследникот, на која пишува дека е „супермајка“ која безусловно ја сака. - Грижа 200%, мултитаскинг 400%, трпелив 500%, сон 1%, трудољубив 200%, кофеин 110%, безусловна љубов бескрајна - пишува на чашата. Пејачката била воодушевена, па радоста морала да ја сподели со сите, погледнете.

ФОТО: Констракта доби подарок, прифати да го носи на Евровизија

Ивона Петрова — Sat, 12 Mar 2022 10:21:08 +0000

Многу дискусии се развија по победата на Констракта со песната „In corpore sano“. Аудиовизуелниот настап на српската претставничка на Евровизија вклучува миење раце во леѓен. Компанијата „Металац“ дошла на интересна идеја и преку Твитер обајви дека за Констракта изработиле специјален подарок кој одамна веќе не го произведуваат. За неа направиле бокал и леѓен кои би можела да ги користи за време на сценскиот настап во Торино. Од компанијата замолија некој да и пренесе на Констракта и да ја праша дали сака да ги земе. Набрзо следуваше одговор.

Ako neko poznaje @konstrakta može li da joj javi da smo specijalno za nju danas proizveli nešto što više ne proizvodimo i da želimo da joj poklonimo jer je carica 👑 pic.twitter.com/P9QHRNKVeH
— Jedite kuvano (@MetalacAD) March 11, 2022

-Уметничката вели браво и може може може за Торино, гласеше одговорот во стилот на рефренот од песната.

Javljeno. 🙌🏻 Umetnica kaže bravo i može može može za Torino! 💙 https://t.co/pt8i49ll0N
— RTS | Serbia ESC (@SerbiaESC) March 11, 2022

Сопругот не ми подари ништо за Денот на жената: Сопругата на Слоба Радановиќ со пикантерии од брачниот живот (ФОТО)

Ристе Здравков — Thu, 10 Mar 2022 12:38:38 +0000

Јелена Радановиќ на социјалните мрежи откри дека не добила подарок од сопругот за Денот на жената. -Не добив поклон од сопругот за 8-ми март, напиша Јелена, а под фотографијата додаде: -Не треба подарок. Да потсетиме, Слоба и Јелена се венчаа на 14-ти февруари во манастирот Св. Троица во Дабница, а од тогаш не престанаа да ги воодушевуваат фановите со нивниот брачен живот.

Само таа го доби најлуксузниот подарок за 8-ми март: Драгана Мирковиќ криеше три дена дека добила автомобил „ѕвер“ кој е реткост поради цената

Дарко Андоновски — Thu, 10 Mar 2022 11:17:42 +0000

Драгана Мирковиќ остана без зборови по подарокот што го доби за 8 март од сопругот, Одамна е познато дека познатата пејачка и нејзиниот сопруг Тони Бијелиќ живеат во луксуз. Нивниот замок во Виена е синоним за луксуз.Тони одвреме навреме ја изненадува својата сакана со некој скап подарок, па така беше и овој пат. Тој за 8 март на Драгана и подари луксузен автомобил со кој пејачката се пофали на социјалните мрежи. Станува збор за Мерцедес Мајбах вреден 400 илјади евра.