подбрадок – Kurir.mk

Ниту ПОДБРАДОКОТ повеќе не е проблем: 3 шминкерски трикови кои ефикасно ќе го сокријат

Ристе Здравков — Tue, 16 Aug 2022 09:30:25 +0000

На жените им пречи подбрадокот бидејќи визуелно додава години. Овој естетски проблем е можно да се реши со намалување на исхраната и вежбање, но за трајни решенија треба да помине повеќе време. За среќа, професионалните шминкери открија инстант методи, што значи дека со само неколку подготовки можете ефикасно да ја неутрализирате оваа појава, доколку токму таа ви предизвикува несигурност. Истакнете ги очите Понекогаш е најдобро да го насочите фокусот на луѓето кои ве гледаат кон нешто што всушност сакате да го забележат. Очите, се разбира, се идеални за тоа. Постојат бројни техники кои создаваат неверојатен визуелен ефект; Smoky eyes, графички eyeliner, foxy, сирена очи… За сите овие техники ви требаат само неколку обични производи кои веројатно веќе ги имате во комплетот. Доколку не сте љубители на потешка шминка или немате премногу време за тоа, маскарата во боја ќе заврши доволно добра работа. Контурирање со бронзер Ако се обидувате да ја скриете брадата, играта на светлина и сенка е идеална алатка за тоа. Се што ви треба е квалитетна четка за контурирање и добра бронзерска пудра. Треба да нанесете бронзер на оние делови од лицето што сакате да ги сокриете. Од друга страна, деловите од лицето кои сакате да ги нагласите треба да останат посветли. За почеток, користете кружни движења за да ги затемните јаготките (линијата од увото до аглите на усните). Лицето така веднаш ќе изгледа поиздолжено. Истакнатите јаготки го префрлаат фокусот на пределот околу очите и го одвлекуваат вниманието од линијата на вилицата. Посветла пудра Со посветла нијанса на пудра, можете да ја истакнете областа под очите, центарот на челото и областа под јаготките. Овој препарат и споменатата техника ќе ви овозможат и да го прикриете вишокот во долната третина од лицето и да и дадете дефиниција на долната половина.

Ослободете се од подбрадокот со неколку лесни вежби

Ристе Здравков — Mon, 08 Aug 2022 12:07:41 +0000

Како и другите телесни мускули, мускулите на лицето може да се активираат и да се преобликуваат. Подбрадокот обично се јавува како резултат на прекумерна тежина или неактивност. Доколку овој проблем ви пречи, ќе го решите доколку ја стимулирате работата на мускулите на вратот. Ова ќе ги намали масните наслаги на овој дел од телото. Луѓето често занемаруваат дека мускулите на лицето го губат тонот ако не се стимулираат. И како што старееме, кожата ја губи својата еластичност, се опушта. Во видеото можете да погледнете вежби кои се ефикасни за отстранување на подбрадокот и за затегнување на кожата. Со нив обидете се да пиете повеќе вода и намалете ја количината на сол што ја внесувате.

Совети за отстранување на подбрадокот

Ивона Петрова — Fri, 01 Jul 2022 08:02:53 +0000

Подбрадокот може да се појави поради генетиката или, што е прилично често – од прекумерна тежина, особено по 30-та година од животот, кога кожата полека почнува да ја губи еластичноста. Тогаш кожата кај вратот почнува полека „да се опушта“, посебно кај луѓе кои се помалку активни или се склони кон дебелеење. Тоа, на радост на засегнатите, може да се подобри со лесни, но насочени вежби. Со нив, кожата станува позатегната, а подбрадокот се намалува. Важно е овие вежби да се изведуваат полека, постепено, без брзање и со свесност за секое движење. Следат три едноставни вежби, коишто се практикуваат секој ден. Вежбата „бакнежи кон небото“ Длабоко вдишете, подигнете ја брадата нагоре за да почувствувате напнатост во вратот. Потоа соберете ги усните – со 20 наизменични „бакнежи“ во воздухот и спуштања на главата измеѓу погледите нагоре. Повторете ја оваа вежба 5 – 10 пати секој ден. Вежба „уво до рамето“ Полека навалете ја главата на едната страна и обидете да го допрете рамото со увото. Приближете ги што е можно повеќе, но внимавајте да не се појави болка. Полека вратете ја главата во почетната положба и сторете го истото со другата страна. Повторете ја вежбата неколкупати. Вежба „поглед настрана“ Застанете исправено простум и испреплетете ги прстите на грбот. Во оваа положба, полека кревајте ги рацете колку што можете. Во исто време вдишете длабоко, свртете ја главата на едната страна, онака како да се обидувате да видите преку рамето зад себе. Останете во оваа положба пет секунди, па вратете се на почетната поза – со вдишување. Потоа свртете ја главата и на другата страна. На крај, полека спуштете ги рацете надолу.