подготовки – Kurir.mk

Почнаа подготовките за Охридскиот пливачки маратон

Магдалена Андонова — Tue, 23 Aug 2022 10:57:56 +0000

Распределба и прецизирање на обврските за реализација на годинашното издание на Охридксиот пливачки маратон денеска беа направени на координативен состанок со претставници на локалната самоуправа, охридските пливачки клубови и Пливачката федерација на Македонија. На состанокот, што се одржа во Општина Охрид, присуствуваше и охридскиот градоначалник Кирил Пецаков, а е договорено да се формира Организациски одбор за успешна реализација на Маратонот. За координатор на активностите, општинската прес-служба соопшти дека е поставен Ристе Јанкоски. Градоначалникот Пецаков, меѓу другото ја истакна важноста за Охрид и охриѓани од одржувањето на маратонот, давајќи силна поддршка за успешно издание. (МИА)

Вардар ќе настапи на „Хумел Купот“ во Германија

Бошко Тасиќ — Thu, 24 Jun 2021 18:57:02 +0000

Македонскиот ракометен шампион Вардар дефинитивно ќе настапи на „Хумел Купот“ кој на 21 и 22 август ќе се одигра во Гермнија. Домаќин на турниорот ќе биде Магдебург, а меѓу останатите учесници се Горење (Словенија) и на Хослтебро (Данска). Се работи за полуфинале и финале со тоа што доправа треба да се одредат паровите за битките. „Црвено-црните“ освен на овој турнир треба да играат и во Струга, а не се исклучува и можноста за дополнителни контролни средби пред четвртфиналето во СЕХА лигата. Вардарци ќе ги запалат моторите на 15 јули во Скопје каде ќе работат неколку дена пред да заминат на Златибор.

По добиените негативни резултати на коронавирус ЖФК „Каменица Саса“ продолжуваат со подготовките за настап во ЛШ

Магдалена Андонова — Thu, 30 Jul 2020 12:51:41 +0000

Екипата на Женскиот фудбалски клуб „Каменица Саса“ ја очекува ждрепката за натпреварите од Лига на шампиони. Како што информираа од стручниот штаб, тимот не престанува со подготовките за претстојната сезона во која влегува како фаворит за потврда на годинешниов успех. -Во таа насока, екипата е комплетна и работи со полн интензитет, со предвидената динамика за подготвителниот тренажен процес.Како ЖФК „Каменица Саса“ сакаме да ја информираме јавноста дека поради појавата на Ковид 19 во М.Каменица, кај поголемиот дел од тимот се вршени ПЦР тестови. Резултатите кај сите тестирани фудбалерки се негативни и истите ќе продолжат со редовни тренинзи и подготовки, информираа од екипата. Ждрепката за натпреварување и составот на групата во Лигата на шампиони како што додадоа, ќе се одржи во првата недела од септември, а натпреварите се закажани за периодот од 07 до 13 октомври годинава. -Домаќинот на натпреварите ќе биде одреден после ждребувањето за групната фаза, што е одлична шанса за каменичката публика да следи натпревари од највисокиот ранг во женскиот фудбал, Лига на шампиони, додадоа од стручниот штаб. За својот успех ЖФК „Каменица Саса“ досега се стекна со голем број на награди и признанија. Последната им беше доделена изминатиот викенд од страна на новинарите од Истокот, кои ЖФК „Каменица Саса“ ја прогласија како „Најдоброто од Истокот во областа на спортот“. (МИА)

Премиерлигашите добија дозвола за пријателски натпревари во подготовките за продолжување на сезоната

Тале Кристо — Wed, 03 Jun 2020 06:49:48 +0000

На клубовите од Англиското фудбалско првенство им е дозволено да играат пријателски натпревари во подготвителниот период пред продолжување на сезоната. Според „Телеграф“ дозволено е да се спроведе спаринг против екипи до кои може да се стигне побрзо, најмногу за еден и пол час, а секој играч мора да дојде со личен превоз. Покрај тоа, нема да има официјални судии на ваквите натпревари. Продолжувањето на сезоната во англиската Премиер лига, прекината поради пандемијата на коронавирус, е закажано за 17 јуни.

Цел живот јајце на око пржите погрешно: Еве како го прават тоа светските готвачи (ВИДЕО)

Дарко Андоновски — Sun, 11 Nov 2018 20:46:28 +0000

Јајце на око вообичаено е една од првите нешта што ги учиме да ги подготвиме во кујната. Но, ова може да ви ги промени погледите на тој оброк. Светски познатиот готвач Ерик Рипер на својот инстаграм објави видео во кое неговиот колега Хозе Андрес подготвува јајце на око, но не така како што сте научиле. Со ова видео ќе ја измени оваа постапка од корен. Тоа што не е променето се состојките. И понатаму ви е потребно јајце, масло за јадење и тиган, но постапката е изменета.

View this post on Instagram

Dear Friend @chefjoseandres sharing the Art of fried egg...Very impressive

A post shared by Eric Ripert (@ericripert) on Nov 6, 2015 at 6:16am PST

Привршуваат подготовките за 57. Струшки вечери на поезијата

Ивона Петрова — Wed, 15 Aug 2018 05:58:31 +0000

Привршуваат последните подготовки за 57. Струшки вечери на поезијата што ќе се одржат од 22 до 27 август во Струга. Деталите околу годинашното издание, Дирекцијата на СВП ќе ги соопшти денеска на прес-конференција. Манифестацијата ќе почне наредната среда претпладне со садење дрвце во Паркот на поезијата во чест на добитникот на највисокото признание „Златен венец“, за 2018 година, полскиот поет Адам Загајевски. Официјалното отворање е вечерта со палење на фестивалскиот оган и традиционалното читање на Константиновата Т’га за југ пред Домот на поезијата. Потоа следува Меѓународното поетско читање „Поетски меридијани“. Престижната награда „Златен венец“ на Загајевски ќе му биде врачена на затворањето на фестивалот, на традиционалното поетско читање „Мостови“, кога ќе бидат доделени и наградите „Мостови на Струга“ што ја доделуваат Струшките вечери на поезијата и УНЕСКО за најдобра дебитантска книга, а годинашниот добитник е Паули Тапио од Финска, како и „Браќа Миладиновци“ чиј добитник треба да биде објавен во текот на фестивалското издание. Дел од манифестацијата се и поетските читања, поезијата на пат, симпозиуми, омажи, ноќите без интерпункција..

Македонија комплетна ги продолжува подготовките во Турција

Ивона Петрова — Tue, 20 Mar 2018 07:34:17 +0000

Македонската фудбалска репрезентација ја очекуваат два контролни натпревари во турски Белек против Финска и Азербејџан. Под водство на селекторот Игор Ангеловски на првиот тренинг одржан вчера „рисовите“ тренираа во некомплетен состав. Поради клупски обврски недостасуваа Стефан Ристовки, Езџан Алиоски и Столе Димитриоски кои се очекува денеска да бидат заедно со репрезентативните колеги. Првиот натпревар Македонија ќе го игра на 23 со Финска, а четири дена подоцна е средбата со Азербејџан.