подметнување пожар – Kurir.mk

Приведено лице поради сомневање за предизвикување на пожарот во Дабиле

Тале Кристо — Sun, 08 Aug 2021 12:47:26 +0000

Денеска (08.08.2021) од полициски службеници на СВР Струмица бил лишен од слобода Д.К.(29) од с.Баница, поради постоење основано сомнение дека предизвикал пожар, при што била опожарена трева и нискостеблеста вегетација. Имено, по пријава примена во СВР Струмица во 11.38 часот, според која на излез од Струмица кон с.Дабиле настанал пожар, Д.К. бил затекнат на лице место и задржан. Тој е приведен во полициска станица и во консултација со Јавен ообвинител од ОЈО Струмица, по расчистување и документирање на случајот ќе биде поднесен соодветен поднесок. Пожарот е изгаснат од страна на противпожарна екипа, а увид извршен од увидна екипа на СВР Струмица.

Приведено лице од радовишко, осомничено за подметнување пожар

Тале Кристо — Fri, 06 Aug 2021 15:38:27 +0000

Министерството за внатрешни работи соопшти дека во врска со настанатите пожари во с.Погулево и Дамјан, од страна на полициски службеници од Одделението за внатрешни работи Радовиш од слобода е лишен И.О. од с.Тополница. Тој откако ги забележал полициските службеници се обидел да избега, но бил фатен, приведен и се работи на расчистување на случајот. Инаку, на подрачјето на ОВР Радовиш на неколку метри оддалеченост имаше три пожари, од кои тој во с.Погулево е изгаснат, кај с.Парналија и Супурге е локализиран, а на влезот од с.Дамјан се преземаат мерки за негово гасење, стои во соопштението.

Уапсен 19- годишник поради подметнување на пожар

Предраг Кукиќ — Tue, 02 Apr 2019 09:28:49 +0000

Вчера од страна на полициски службеници од СВР Битола од слобода бил лишен 19- годишниот Ѓ.Н од село Врбоец, крушевско. Според пријавеното тој е уапсен поради тоа што бил забележан како подметнува пожар околу 10 часот и 40 минути во атар на село Врбоец, при што била опожарена ниско и високостеблеста дабова и букова шума. СВР Битола поднесе кривична пријава против Ѓ.Н. поради постоење основи на сомнение за сторено кривично дело „предизвикување општа опасност“, а судија на претходна постапка му одреди домашен притвор во траење од 30 дена.