Кремљ: Подобрувањето на односите помеѓу Русија и САД исклучително зависи од „политичката волја“ на Џо Бајден

Тале Кристо — Wed, 20 Jan 2021 13:35:59 +0000

Кремљ оцени дека подобрувањето на односите помеѓу Русија и САД исклучително зависи од „политичката волја“ на Џо Бајден, кој денеска во Вашингтон положува заклетва како 46. претседател на САД. – Во Кремљ никој не се подготвува за оваа инаугурација. Тоа ништо нема да смени за Русија, која, како што е случај низа долги години, ќе го продолжи своето постоење настојувајќи да има добри односи со САД, изјави портпаролот на Кремљ, Дмитриј Песков. Тој додаде дека оживувањето на односите помеѓу Москва и Вашингтон зависи од „политичката волја“ на Бајден и неговата администрација. Односите Русија – САД се на најниско ниво од Студената војна поради несогласувања за голем број прашања. Претходно, претседателот на Русија, Владимир Путин навести дека доаѓањето на Бајден во Белата куќа не носи опуштање.

Ким Џонг-ун најави подобрување на односите на Северна Кореја со светот

Тале Кристо — Fri, 08 Jan 2021 12:01:18 +0000

Севернокорејскиот лидер Ким Џонг-ун денеска, на третиот ден од Конгресот на Работничката партија на Северна Корејка, изјави дека е неопходно земјата значително да ги подобри врските со светот. Тој се осврна и на односите со Јужна Кореја, но не прецизира што ќе преземе. – Општата ориентација и политичката позиција на нашата партија е сеопфатно ширење и развивање на надворешните односи, истакна Ким. Експертите претпоставуваат дека Пјонгјанг ќе стапи во контакт со Јужна Кореја, а најверојатно Ким сака разговори и со администрацијата на новиот американски претседател Џо Бајден. Ким на првиот ден од Конгресот, изјави дека неговиот петгодишен економски план од 2016 година не ги постигнал своите цели во „речиси ниту еден сектор“. – Стратегијата требаше да биде реализирана минатата година, но целите страшно изостанаа во речиси сите сектори, наведе Ким. Ким дојде на власт кон крајот на 2011 година, заменувајќи го неговиот татко Ким Џонг-ил. Тој денеска кој денеска полни 37 години. На Конгресот учествуваат 4.750 делегати и 2.000 набљудувачи, а на фотографиите се гледа дека никој не носи маски, а нема ниту физичка дистанца, за разлика од претходните јавни настани во Северна Кореја. Досега во Работничката партија на Северна Кореја одржала осум конгреси, а овој е втор за мандатот на Ким. Претходниот Конгрес траеше четири дена.

подобрување – Kurir.mk

Кремљ: Подобрувањето на односите помеѓу Русија и САД исклучително зависи од „политичката волја“ на Џо Бајден

Ким Џонг-ун најави подобрување на односите на Северна Кореја со светот