Пожар во подземна гаража во Охрид: Евакуирани станари, потрошени сите боци со кислород

Ивона Петрова — Fri, 28 May 2021 08:04:29 +0000

Пожар ноќеска околу полноќ избувна во подземна гаража на станбена зграда во центарот на Охрид. Притоа опожарени се три возила, а евакуирани се станарите од влез на објектот, поради интензивен чад последица на пламенот. На лице место интервенираше Територијалната единица за противпожарна одбрана од Охрид со сите расположиви ресурси за таа намена. Пламенот е изгаснат, но во акцијата се потрошени сите боци со кислород наменети за интервенции во затворени простории. На местото на настанот беа присутни и екипи на Службата за итна медицинска помош, кои исто така интервенираа кај лица што подолго време вдишувале чад. Освен причинетата материјална штета, за среќа нема повредени во пожарот, а причината за неговото избувнување ќе ја утврди истрагата.

Скопјанец пронајден мртов во подземни гаражи на Партизанска

Ивона Петрова — Wed, 24 Jan 2018 11:49:52 +0000

Четириесет и осум годишниот Г.С. од Скопје вчера околу 19:50 часот бил пронајден мртов во подземните гаражи на булеварот „Партизански одреди“. Од страна на доктор од Итна медицинска помош била констатирана смрт. Извршен е увид на местото на настанот, а телото на починатиот е дадено за обдукција. Полицијата презема мерки за расчистување на настанот.

подземна гаража – Kurir.mk

Пожар во подземна гаража во Охрид: Евакуирани станари, потрошени сите боци со кислород

Скопјанец пронајден мртов во подземни гаражи на Партизанска