поетско читање – Kurir.mk

Поетско читање по повод 100 години од раѓањето на Конески

Ивона Петрова — Wed, 10 Nov 2021 06:32:25 +0000

Поетско читање по повод 100 години од раѓањето на Блаже Конески и 30 години независност на државата, ќе се одржи денеска, со почеток во 19:30 часот во Институтот за македонски јазик во Скопје, информира компанијата „Инфомедиа системи“, која е организатор на настанот. Поетското читање е насловено „Блаже Конески – Проста и строга македонска песна“, во изведба на Дино Имери, пијано и Симона Спировска, актер. Настанот се реализира како дел од повикот на Владата за одбележување на 30 години од независноста.

Поетско читање во чест на 100 години од раѓањето на Блаже Конески и 30 години од независноста

Ивона Петрова — Mon, 23 Aug 2021 10:16:30 +0000

Во чест на 100 години од раѓањето на македонскиот поет, раскажувач, есеист, книжевен научник и лингвист Блаже Конески, вечер пред платото на Центарот за култура „Браќа Миладиновци“ во Струга ќе се одржи поетско читање. Интерпретацијата под наслов „Блаже Конески – Проста и строга македонска песна, 100 години од раѓањето на великанот“ ќе биде во изедба на актерката Симона Спировска и пијанистот Дино Имери. Настанот, како што соопшти организаторот, е дел од прославата на Владата на Република Северна Македонија, по повод одбележувањето 30 години од независноста. Ќе се пренесува во живо на Facebook страната Блаже Конески-Проста и строга македонска песна: https://www.facebook.com/Koneski2021.

Поетско читање по повод 100 години од раѓањето на Славко Јаневски

Ивона Петрова — Wed, 15 Jan 2020 07:13:27 +0000

По повод еден век од раѓањето на Славко Јаневски, Фондацијата за унапредување и промоција на културните вредности што го носи неговото име вечер од 19:30 часот во Културно-информативниот центар ќе организира поетско читање насловено „Произведувачи на зборот“. Со свои песни и творби ќе настапат 15-тина поети, меѓу кои Зоран Анчевски, Николина Андова-Шопова, Јовица Ивановски, Ана Голејшка, Ненад Јолдески, Билјана Стојановска, Ѓоко Здравевски, Владимир Лукаш, Милован Стефановски. Стихови од Јаневски ќе читаат актерите Ана Костовска и Владимир Петровиќ, а во музичката програма ќе учествуваат Полина Тасева (вокал) и Иван Петровски (гитара). Претходно, во 19 часот, делегација на Фондацијата „Славко Јаневски“ ќе положи цвеќе на неговиот споменик во паркот „Жена борец“. Во 2020 година се навршуваат сто години од раѓањето и 20 години од смртта на Славко Јаневски (Скопје, 11 јануари 1920 – Скопје, 20 јануари 2000) – раскажувач, романописец, поет, филмски сценарист, есеист и сликар. Припаѓа на првата, повоена генерација македонски писатели, која ги поставила темелите на современата македонска книжевност. Бил член на МАНУ и на Друштвото на писателите на Македонија. Неговиот роман „Село зад седумте јасени“ од 1952 година е првиот роман објавен на стандарден македонски јазик, иако постои дилема дека прв македонски роман е, всушност, „Улица“ – првото прозно дело на Јаневски од 1950 година, кое во нашата историја на литература се смета за повест. За прашањето каков вид проза е „Улица“, Фондацијата „Славко Јаневски“ во октомври минатата година организираше и тркалезна маса со учество на професори, книжевни критичари, писатели и поети

Јазикот е нашата татковина – поетско читање во чест на Блаже Конески

Ивона Петрова — Mon, 16 Dec 2019 09:02:35 +0000

Во Друштвото на писатели на Македонија во петок со почеток од 19 часот ќе се одржи поетско читање на кое поети од различни генерации ќе ја искажат својата почит кон ликот и делото на Блаже Конески. Тие ќе прочитаат по една песна од Конески по свој избор и една сопствена песна. Од ДПМ информираат дека ќе настапат: Зоран Анчевски, Катица Ќулавкова, Иван Џепароски, Кристина Николовска, Владимир Мартиновски, Виолета Танчева Златева, Тихомир Јанчовски, Сузана В. Спасовска, Снежана Стојчевска, а со писмо ќе се вклучи и Лидија Димковска. Настанот ќе го модерира Александра Јуруковска.

Меѓународни поетски читања на 57. Струшките вечери

Ивана Ефремовски — Thu, 23 Aug 2018 06:11:58 +0000

Во рамките на 57. Струшки вечери на поезијата денеска ќе се одржат портрети на минатогодишниот добитник нанаградата „Браќа Миладиновци“ Михаил Ренџов и на Паули Тапио лауреат на „Мостови на Струга“ за 2018 година. Потески читања ќе имаат и поетите од потесниот избор за наградата „Браќа Миладиновци“: Зоран Анчевски, Андреј Ал-Асади, Јордан Даниловски, Јовица Ивановски и Сузана В. Спасовска. Во рамките на манифестацијата ќе биде доделена наградата „Стојан Христов“ за најдобра поетска книга од поет-иселеник, а ќе се одржи и симпозиум „Писмото во егзил/Егзилот во писмото“. Неизоставен дел на фестивалот се меѓународните поетски читања и „Ноќите без интерпункција“, а ќе се одржи и „Поетско кафе“ – средба со издавачи, агенти и професионални посетители. Струшките вечери на поезијата почнаа синоќа со традиционалното читање на Константиновата Т`га за југ и палење на фестивалскиот оган пред Домот на поезијата, а претходно во Паркот на поезијата беше засадено дрво во чест на добитникот на „Златниот венец“, полскиот поет Адам Загајевски. (МИА)