погба – Kurir.mk

Погба по подолга пауза повторно тренира

Катерина Бојаџиева — Tue, 17 Jan 2023 10:14:15 +0000

Францускиот напаѓач во редовите на Јувентус се врати во тренажен процес со што стави крај на долгото отсуство од фудбалскиот терен. Погба лани се врати во Јувентус за кој настапуваше од 2012 до 2016 година, по што мина четири сезони во Манчестер јунајтед. На почетокот на септември го оперираше десното колено поради тешка повреда на менискусот што беше причината поради која го пропушти Светското првенство во Катар. Од Јувентус не прецизираа кога може да се очекува враќањето на Погба во редовите на италијанскиот прволигаш, а локалните медиуми наведуваат дека францускиот напаѓач би можел да се врати на теренот кон средината на февруари.

Солскјер се надева дека Погба може да игра против Башакшехир

Тале Кристо — Tue, 24 Nov 2020 07:41:01 +0000

Тренерот на Манчестер јунајтед, Оле Гунар Солскјер има надеж дека играчот за врска Пол Погба ќе биде подготвен за натпреварот од групната фаза во Лигата на шампионите против Башакшехир. – Се надеваме дека Погба ќе може да игра. Пол тренираше вчера. Да видиме што велат лекарите на денот на натпреварот. Што се однесува до Лук Шоу – се надевав дека ќе се врати за еден месец, но кога играч ќе добие уште една повреда на тетивата, не вреди да се ризикува. Тој сè уште не се врати на тренинзите со тимот. Се надевавме дека ќе пропушти само четири недели, но напротив, тој е поблизу до пропуштање на шест недели, изјави Солскјер за „Sky Sports“. Натпреварот „Манчестер јунајтед – Башакшехир ќе се игра вечер со почеток во 21 часот. Турскиот клуб го доби првиот натпревар со резултат 2:1.

Маркизио: Погба, врати се во Јувентус каде што ќе бидеш среќен повторно

Тале Кристо — Wed, 18 Nov 2020 07:23:34 +0000

Поранешниот играч за врска на Јувентус, Клаудио Маркизио, сака да го врати во торинскиот клуб играчот за врска на Манчестер јунајтед, Пол Погба. Поранешниот играч на Италија остави порака преку Твитер до францускиот играч за врска: – Те молам, Погба, врати се во Јувентус. Ќе бидеш среќен повторно. И јас исто така! Дваесет и седумгодишниот Французин играше за Јувентус од 2012 до 2016 година, по што се пресели во Манчестер јунајтед. Оваа сезона Погба одигра 11 натпревари на сите турнири, на кои постигна еден гол и направи две асистенции.

Јунајтед го продолжи договорот со Погба

Тале Кристо — Fri, 16 Oct 2020 18:33:38 +0000

Манчестер Јунајтед ја активираше клаузулата во договорот на Пол Погба, со која може да биде продолжен за уште 12 месеци – до летото 2022 година, според „Манчестер ивнинг њуз“. Во принцип, договорот истече по крајот на оваа сезона, но клубот ја активираше оваа опција минатата недела. Во врска со ова, претходно денес менаџерот на „црвените ѓаволи“ Оле Гунар Солскјер изјави дека Погба сигурно ќе биде дел од неговиот тим за оваа и следната сезона. Францускиот играч за врска се врати на „Олд Трафорд“ во 2013 година, откако клубот плати рекордни 105 милиони евра на Јувентус. Неодамна, тој повторно ја сподели својата желба еден ден да се пресели во Реал Мадрид, што најверојатно ја наведе управата да ја активира клаузулата.

Фернандеш: Погба е еден од најдобрите

Тале Кристо — Wed, 17 Jun 2020 21:20:05 +0000

Новата ѕвезда на Манчестер Јунајтед, Бруно Фернандеш не може да почека да игра со Пол Погба во средниот ред на тимот. „Црвените ѓаволи“ ќе се обидат да ја зголемат својата низа без пораз од 11 последователни натпревари во дуелот со Тотенхем во петок, кога двата тима се соочуваат едни со други. – Сите се возбудени што повторно го гледаат Погба во игра по долгиот третман на повредата. За мене да играм со него ќе биде нешто неверојатно. Нормално е секој да сака да биде негов соиграч. Тој е еден од најдобрите играчи. Јунајтед има само одлични играчи, но најважни се секогаш резултатите, рече Фернандес за „ТокСпорт“. „Црвените ѓаволи“ се три бода зад четвртопласираниот Челси.

Фред: Доколку остане Погба, следната година ќе бидеме уште посилни

Тале Кристо — Sun, 17 May 2020 13:50:24 +0000

Играчот од средниот ред на Манчестер Јунајтед, Фред го сподели своето мислење за неговиот соиграч Пол Погба. – Секој кој ги гледал натпреварите од СП 2018 година, знае дека Погба е одличен фудбалер. Секој што комуницира и игра со него цело време, исто така го знае тоа. Сите во Манчестер Јунајтед сакаат Погба да остане. Јас сум сигурен дека е во состојба да му помогне на тимот и да му даде многу. Да, ние играме на иста позиција, но колку посилни се играчите во еден тим, толку подобро. Доколку остане Погба, тогаш сигурен сум дека ќе бидеме уште посилни следната година, изјави Фред за „Goal.com“. Погба го пропушти поголемиот дел од сезоната 2019/20 поради повреда на глуждот. Играше на 7 натпревари во Премиер лигата и забележа две асистенции. За 27-годишниот Французин се заинтересирани Реал Мадрид и Јувентус.

Погба останува приоритет за Јувентус

Тале Кристо — Tue, 05 May 2020 17:11:35 +0000

Играчот од средниот ред на Манчестер јунајтед, Пол Погба, може да се врати во Јувентус. 27-годишниот Французин останува приоритетна опција за клубот од Торино во списокот со трансфер цели за следната сезона, напиша новинарот Николо Скира на социјалните мрежи. Спортскиот директор на Јувентус, Фабио Паратичи работи на вклучување играчи како Арон Ремзи или Даглас Коста во договор за размена со Манчестер јунајтед.

Маркизио: Му реков на Погба дека згреши со трансферот во Јунајтед

Тале Кристо — Tue, 28 Apr 2020 15:50:40 +0000

Легендата на Јувентус, Клаудио Маркизио откри дека му кажал на својот поранешен соиграч Пол Погба пред една година дека донел погрешна одлука во 2016 година да го напушти тимот и да му се приклучи на Манчестер Јунајтед. – Минатата година го сретнав на приватна манифестација и се расправав со него, велејќи му дека тој донел погрешна одлука да замине во Јунајтед и дека требало да остане во Јувентус. Сега работите се сменија малку, средниот ред на Јуве е различен, но се надевам дека ќе се врати, бидејќи тоа ќе биде добро за обете страни. Тој веќе ја познава Серија „А“ и ќе ја крене класата во состав, кој е веќе одличен, вели Маркизио. На прашање за тоа што мисли за Маурисио Сари, Маркизио вели дека отсекогаш му се допаѓал начинот на кој тој го толкува фудбалот, особено во Неапол, но и кога ја освои Лигата на Европа со Челси. – Сега влоговите во Торино се големи, но не е лесно да се пренесат идеи од еден клуб во друг. Тој го прави она што беше побарано да го стори – да се бори за Лигата на шампионите и врвот во Серија „А“, изјави Маркисио за„ Спорт Медијасет “.

Дугари: На Реал му треба Погба

Тале Кристо — Fri, 24 Apr 2020 07:53:16 +0000

Поранешниот француски напаѓач Кристоф Дугари смета дека на Реал Мадрид му е потребен Пол Погба за да го реши проблемот со средниот ред. Францускиот халф на Манчестер Јунајтед во неколку наврати се поврзуваше со трансфер на „Сантијаго Бернабеу“, но досега ова беше шпекулација, без вистински развој на ова прашање. Не е чудно работите да се менуваат ова лето. – Изгледа дека екипата на Реал Мадрид веќе старее. Тие имаат проблем во средниот ред, а Погба може да ги реши. Тој е играч кој постигнува голови, според мене тој е делот кој недостасува во сложувалката на Реал Мадрид. Оваа година беше доста незгодно за него поради повредите и неговата екипа не играше добро, но кога и да имаше шанса да игра, тој брзо ја враќаше својата најдобра форма. Го познавам Зизу и знам дека му се допаѓа Погба. Нема причина да се чека повеќе со неговото привлекување, смета Дугари.

ПСЖ влегува во трка со Јувентус за потписот на Погба

Тале Кристо — Sun, 23 Feb 2020 10:49:32 +0000

Играчот од средниот ред на Манчестер јунајтед, Пол Погба, може да замине во Пари Сен-Жермен, пренесува францускиот портал „Le10sport.com“. Според изворот, парижаните ќе се натпреваруваат за 26-годишниот Французин со Јувентус. Во тековната сезона, Погба одигра само седум натпревари во Премиер лигата, во кои оствари две асистенции. Цената на играчот од средниот ред според „Трансфермаркет“ е 100 милиони евра.