Погребан британскиот принц Филип

Тале Кристо — Sat, 17 Apr 2021 16:06:15 +0000

Британскиот принцип Филип попладнево е погребан во капелата на замокот Виндзор. Кралицата Елизабета Втора се збогува со својот сопруг, со кого помина 73 години, во тесен круг на роднини, и во согласност со сегашните епидемиолошки мерки во Велика Британија. Принцот Филип почина на 99-годишна возраст во замокот Виндзор, по краток период на лошо здравје, поради што мораше да биде хоспитализиран неколку недели. Во шест часот наутро, ковчегот со телото на принцот беше преместен од приватната капела во салата, од каде започна поворката. Луѓето, кои не учествуваа во поворката, заминаа кон капелата нешто по девет часот. Телото на принцот беше положено на автомобил што тој самиот го дизајнирал и беше пренесено на местото за почивање. Капелата Свети Ѓорѓи е местото каде што се собраа учесниците на поворката, меѓу кои принцовите Чарлс, Вилијам и Хари, кој дојде без неговата сопруга Меган Маркл. Би-Би-Си објави дека во капелата, принцовите Хари и Вилијам седат еден спроти друг, односно Хари седи сам од едната страна, додека Вилијам седи со сопругата и децата. Меѓу членовите на семејството и гостите кои не учествуваа во поворката се војвотката од Корнвол, Камила, принцезата Јуџини, Кејт и Зара и други членови на кралското семејство. Поворката стигна до капелата во 9.53 часот, каде што во 10 часот се одржа национално едноминутно молчење. Церемонијата на погребот беше предводена од деканот на Виндзор, Дејвид Конер, а благословот го даде архиепископот од Кантербери, Џастин Велби. Конер рече дека „долгиот живот на Филип бил благослов за сите“ и дека луѓето биле „инспирирани од лојалноста на Филип кон кралицата, службата на нацијата и Комонвелтот, од неговата храброст, цврстина и верба“. Архиепископот Велби прочита дел од евангелието на Јован, цитирајќи го Исус Христос: „Јас сум воскресението и животот. Оној што верува во мене ќе живее. Кој живее и верува во мене, никогаш нема да умре”. Гостите, вкупно 30, седеа на оддалеченост од два метра, со маски. Хор од само четири члена ги пееше делата избрани од војводата од Единбург. На крајот на службата, телото на принцот беше сместено во кралската крипта во капелата. На ковчегот на принцот е положен неговиот личен грб, морнарска капа, меч и венец со цвеќиња.

Погребан големиот Тозовац: Во вечното почивалиште испратен со звукот на неговите легендарни хитови (ВИДЕО)

Тале Кристо — Fri, 09 Apr 2021 17:47:11 +0000

Легендарниот српски пејач Предраг Живковиќ Тозовац денеска во 15:05 часот попладнево беше погребан во Алејата на заслужни граѓани на новите гробишта во Белград. Тозовац во вечното почивалиште беше испратен со звукот од хармониката на Александар Софрониевиќ, додека вопозадина со звукот на виолината идеа неговите хитови „Виолино, не свирај“, а потоа и популарната „Љубави моја, туго“. Тозовац беше голем навивач на Црвена Звезда, на неговиот погреб му донеле и шал од клубоот. Раде Вучковиќ, голем пријател на Предраг Живоковиќ Тозовац, одржал говор на погребот, а сите присутни плачеле од неговите зборови. Погребот се емитуваше во живо на „Јутјуб“ каде можеа да го следат бројните обожаватели на Тозовац. Неговата кума, долгогодишна пријателка и колешка Мерима Његомир исто така, одржа говор на неговото испраќање. -Ќе ни останат спомените од заедничката работа, патувањата, концертите и бесконечните приказни кои траеја длабоко во ноќта. Најчесто и до раните утрински часови. Тоа беше нашето неповторливо и неповратно време. Без Тозовац, таа волшебна привлечност за дружење ќе го изгуби својот сјај затоа што тој ѝ даваше значење на секоја дружба… Драг мој куме, драг пријателе, драг брате, твојата уметност, беспрекорност, музичка големина, добро срце, ќе останат во нашето сеќавање, рече Мерима.

погребан – Kurir.mk

Погребан британскиот принц Филип

Погребан големиот Тозовац: Во вечното почивалиште испратен со звукот на неговите легендарни хитови (ВИДЕО)