Во Тексас погубен човек кој пред 18 години си го убил семејството

Ивона Петрова — Fri, 07 Feb 2020 11:03:30 +0000

Маж од Далас, кој пред 18 години ги убил својата жена, двете деца и двајца роднини, денеска е погубен во градот Хантсвил во Тексас. Абел Охоа бил дрогиран и барал пари да купи уште дрога кога пукал во семејството во својата куќа во август 2002 година. Тој ја убил својата жена Сесилија (32), седумгодишната ќерка Кристал, деветмесечната ќерка Анахи и мајката и сестрата на сопругата. – Сакам да се извинам на своето семејство, на кое му нанесов тешка емотивна болка, рече Охоа пред да му биде вбризгана смртоносна инекција. Ова е второ погубување годинава во Тексас и трето во САД. За наредните месеци во Тексас се најавени уште седум погубувања.

Овој човек преживеа погубување: Кога седнал на столот за извршување на смртна казна, сите биле во шок

Ивана Ефремовски — Tue, 27 Feb 2018 19:37:36 +0000

61- годишниот Дојл Ли Хам, затвореник од Алабама преживеал извршување на смртна казна. Неговиот адвокат вели дека Хам претрпел силна болка додека безуспешно се обидувале да му ја пронајдат вената во која би ја инјектирале смртоносната инекција. Тврди дека неговиот клиент безуспешно бил боцкан во препоните, зглобовите и во долниот дел од ногата по што погубувањето било одложено. Хам се борел со лимфом, а требало да биде погубен во четвртокот поради убиство на Патрик Канингем во 1987. година. Погубувањето било прекинато во 23.30 часот, бидејќи било заклучено дека не можат да му ја најдат вената и погубувањето нема да може да биде извршено пред рокот. - Тие беа како месари, мојот клиент трпеше страшни болки - тврди адвокатот на Хам, Бернард Харкоурт. Хам бил осуден пред 31 година, бидејќи за време на вооружен грабеж го убил Патрик Канингем, кој работел ноќна смена во мотел. Хам го признал убиството, откако двајца негови соучесници сведочеле против него во замена за помала казна. Џенифер Елис, американска адвокатка, објаснила дека постои можност затвореникот повторно да се погуби, ако го преживее првото погубување. - Државата ќе бара право повторо да спроведе погубување, а адвокатот ќе тврди дека тоа би било сурово и необично. Сето тоа може да заврши на врховен суд. Без разлика на одлуката на судот, лицето не може да биде ослободено. Ако судот одлучи дека смее да живее, смртната казна ќе се смени во доживотна казна затвор - вели Елис.

погубување – Kurir.mk

Во Тексас погубен човек кој пред 18 години си го убил семејството

Овој човек преживеа погубување: Кога седнал на столот за извршување на смртна казна, сите биле во шок