појадок – Kurir.mk

Трите најлоши видови на појадок што треба да ги избегнувате

Ристе Здравков — Mon, 02 Oct 2023 08:01:57 +0000

Појадокот би требало да биде вашиот најздрав оброк, па би требало да смислите јадење кое ќе ви пружи доволно хранливи материи, витамини и минерали кои ќе го покренат вашето тело и ќе ви дадат енергија. Овошни напитоци Иако може да ви се чини дека овошното смути и јогуртот се идеален оброк за почеток на денот, вистина е многу различна. Соковите, јогуртот и смути напитоците најчесто содржат огромна доза на шеќер и адитиви. Точно е дека ќе ве освежат и ќе ви дадат моментна енергија, но таа брзо ќе исчезне. Наместо јогурт и смути, советуваме да одберете сирово овошје кое може да се јаде заедно со житарици. Ова е одличен избор на јадење и за лицата кои се на диететски режим на исхрана зашто ќе му дадете на својот организам билни влакна. Пецива Пецивото обично е избор за доручек. И колку и да ни се чини како едноставно решение кои ќе не заштити на почетокот на денот, имајте предвид дека не е најздраво. Поголемиот дел од пекарските производи содржат огромна количина адитиви, сол и шеќер. Освен тоа, тие се многу сиромашни со нутритивни вредности кои се важни за нормално фунцкионирање на организмот. Ако сакате пециво, тогаш најдобро е да ги одберете оние кои се направени од целосни житарици. „Жидарски“ доручек Мрсната, тешка и калорична храна никако не е на списокот на најздрави појадоци, туку советуваме што е можно побрзо да ги исфрлите јајцата со сланина, бел леб или салама во сендвич. Жидарскиот доручек може да си го дозволат само луѓе кои работат физички тешка работа, зашто кај другите – големите количини масти ќе завршат во облик на масно ткиво. Освен тоа, вашиот организам нема да ги добие потребните витамини и минерали.

Појадок за слабеење: Каша која телото го полни со енергија, го зголемува нивото на железо во крвта, а ги „топи“ килограмите

Ристе Здравков — Fri, 15 Sep 2023 12:57:36 +0000

Пребарувавме највкусен и најздрав појадок за слабеење, па најдовме совршен рецепт за каша. Овесните каши со децении се сметаат за најздрав појадок на сите времиња. Овојпат пронајдовме рецепт којшто ќе ви ја поправи крвната слика, а покрај тоа ќе ги „стопите“ и килограмите. Најдобро од сѐ е тоа што овој појадок може да го подготвите и на работа. Состојки: - овесни снегулки без додатоци (само овес); - 1 лажица какао; - 1 лажица лешници; - 2 лажици суво-грозје; - 1 лажица јаболко (или овошје по избор: банана, боровница, брусница); - 1 лажица ленено семе (мелено); - 1 лажица чиа семки; - вода; - 1 лажица мед. Подготовка: Во чинија измешајте ги сите суви состојки, количината на овесни снегулки е по желба. Потоа додадете жешка вода и мед, а потоа и јаболкото или овошјето по избор, па помешајте. По 5 минути кашата е подготвена за јадење. Ваквиот појадок ќе ве држи сити до ручек. На здравје!

ПИТА повкусна и од БУРЕК! Потребни ви се само 10 минути за да ја подготвите по стариот ДОКАЖАН рецепт (РЕЦЕПТ+ВИДЕО)

Ристе Здравков — Wed, 13 Sep 2023 06:00:32 +0000

Со јогурт, ова е идеален појадок СОСТОЈКИ: 350 гр мелено месо 2-3 големи главици кромид 1 лажица суви зачини или само сол мелен бибер масло за пржење 500 гр тенки кори За прелив: 200 мл кисела вода 200 мл јогурт 50 мл масло 4 јајца малку прашок за пециво Подготовка:

СИТЕ САКАМЕ ДА ГИ ЈАДЕМЕ ЗА ПОЈАДОК, А НЕ ЗНЕМЕ КОЛКУ СЕ ШТЕТНИ! Овие 4 работи никогаш не ги јадете на празен стомак

Ристе Здравков — Mon, 14 Aug 2023 13:06:28 +0000

За здрав почеток на денот, но и за здрав живот важно е што внесуваме во организмот. Ни требаат минерали, витамини и други хранливи материи за да бидеме избалансирани и здрави. Меѓутоа, од друга страна, одредени намирници по кои често посегнуваме наутро може да имаат контра-ефект, па дури и да доведат до воспаление во телото. Хроничното воспаление е последица на бројни болести, како што се: дијабетес, срцеви заболувања, мозочен удар, но и лоша исхрана, стрес, недостаток на сон или недостаток на физичка активност. Еве кои намирници треба да ги избегнувате за појадок: Овесна каша Иако може да биде едноставен, лесен и здрав појадок полн со здрави влакна, витамини и јаглехидрати, овесната каша со вкус и додаден шеќер може да придонесе за вашето воспаление и да создаде контра ефект. Преработено црвено месо Јадењето црвено месо според некои експерти е директно поврзано со високиот холестерол. Исто така, лошо влијае на работата на срцето. Бел леб Белиот леб се прави од бело брашно, кое брзо се вари, па чувството на глад брзо се враќа. Исто така, белото рафинирано брашно се поврзува со зголемено ниво на воспаленија во организмот, па би било добро да го избегнувате што е можно повеќе. Слатки пецива или палачинки Палачинките и вафлите најчесто се мешавина од бело брашно и додаден шеќер, со многу малку протеини или влакна за балансирање на шеќерот.

Појадок за СОВРШЕНО УТРО: Никогаш не сте јаделе вака приготвен качамак (РЕЦЕПТ+ВИДЕО)

Ристе Здравков — Sat, 29 Apr 2023 14:16:09 +0000

Сега е вистинскот време да го пробате овој рецепт СОСТОЈКИ: остатокот од сварениот качамак малку сирење 2 јајца малку брашно трошки од леб сол, масло Подготовка:

БРЗ И ВКУСЕН ПОЈАДОК, А МОЖЕ ДА БИДЕ И УЖИНА! Со задоволство ќе го правите овој чиа пудинг со калинка!

Ристе Здравков — Tue, 25 Apr 2023 07:33:31 +0000

За овој вкусен оброк ќе бидат доволни малку чиа семки, бадемово млеко, калинка и мед. Доколку немате многу време да подготвите храна наутро, но сте свесни дека појадокот сепак е важен оброк, веруваме дека овој брз пудинг ќе ви биде од корист: Состојки: четири лажици чиа семе чаша бадемово млеко две или три лажици мед бобинки од калинка Подготовка: Измешајте го чиа семето со бадемово млеко, оставете да отстои две до три минути, потоа додадете го медот и повторно сè добро измешајте. Оставете во фрижидер најмалку три часа (може и преку ноќ). Распоредете во мали чинии или чаши, украсете со бобинки од калинка и послужете. Пријатно!

ЧЕТИРИ лоши работи кои можат да ви се случат ако го прескокнувате појадокот

Ристе Здравков — Mon, 24 Apr 2023 08:51:48 +0000

Одамна слушнавме дека појадокот е најважниот оброк, бидејќи ни ја обезбедува енергијата неопходна за обврските кои не очекуваат како што одминува денот. Меѓутоа, во последно време сè повеќе има луѓе кои избегнуваат да јадат кога ќе се разбудат, бидејќи мислат дека на тој начин ќе внесат помалку калории. Новинарите на порталот Best Life се консултирале со диететичарот и нутриционист Триса Бест, која објаснила од здравствена гледна точка зошто прескокнувањето на појадокот не е добра идеја. 1. Ја зголемува желбата за слатки – Прескокнувањето на појадокот може да ја зголеми желбата за храна, бидејќи доведува до пад на нивото на шеќер во крвта, предизвикувајќи ослободување на хормони кои му сигнализираат на телото да бара храна, а тоа доведува до желба за слатки или друга висококалорична храна – вели д-р Бест. – Покрај тоа, прескокнувањето на појадокот може да доведе до прејадување подоцна во текот на денот, бидејќи гладот се зголемува, што на долг рок придонесува за зголемување на телесната тежина. Прескокнувањето на појадокот може да ја зголеми желбата за нездрави грицки. Според една студија објавена во Journal of Nutrition, луѓето кои го прескокнуваат појадокот внесуваат повеќе калории во текот на денот од оние кои не го прескокнуваат појадокот. 2. Пад на нивото на енергија Кога ќе се разбудите наутро, на вашето тело му треба гориво за да го започне метаболизмот и да обезбеди енергија за претстојниот ден. Ако не појадувате, го лишувате телото од потребната енергија, поради што може да се чувствувате уморни и тромави. Студијата од 2010 година објавена во американскиот весник за клиничка исхрана покажа дека прескокнувањето на појадокот може да го намали нивото на енергија и потрошувачката на енергија во текот на денот. – Телото не прима хранливи материи за да го стимулира метаболизмот и да обезбеди енергија за психофизички активности, што доведува до чувство на замор и ниско ниво на енергија во текот на денот. Кога не појадувате, вашето тело може да се сврти кон други извори на енергија како мускулното ткиво, што дополнително може да придонесе за чувството на слабост – објаснува нутриционистот Бест. 3. Проблем со концентрацијата Прескокнувањето на појадокот може да влијае на вашата когнитивна функција, што ќе го отежне концентрирањето и да останете фокусирани. Според BMC Public Health, неколку студии покажале дека прескокнувањето на појадокот ја намалува когнитивната функција и работната ефикасност. Затоа појадокот се смета за најважен оброк во денот. – Прескокнувањето на појадокот ја намалува концентрацијата, бидејќи вашиот мозок не ја прима потребната гликоза, што може да доведе до намалени когнитивни перформанси, оштетување на меморијата и тешкотии во фокусирањето на задачите. Исто така, ако не појадувате, тоа може да доведе до флуктуации на нивото на шеќер во крвта, што дополнително влијае на концентрацијата и когнитивните функции – предупредува нутриционистот Бест. 4. Потенцијални дигестивни проблеми Правилно избалансиран појадок е полн со растителни влакна и хранливи материи кои му помагаат на вашиот дигестивен систем да работи добро. – Првиот оброк по станувањето од кревет може да го стимулира производството на дигестивни ензими кои помагаат во разградување на храната и подобрување на варењето. Кога ќе го прескокнете појадокот, вашиот дигестивен систем може да не работи толку ефикасно, што ќе доведе до проблеми како надуеност, запек или варење – предупредува д-р Бест.

Почнете од утре: Со ВАКОВ појадок за кратко време ќе изгубите 13 килограми

Ивана Ефремовски — Tue, 06 Dec 2022 21:36:34 +0000

Ако сакате да го намалите вишокот килограми, не го прескокнувате појадокот. Истражувањата покажуваат дека повеќето луѓе лесно можат да изгубат 13 килограми ако ја одберат вистинската храна за појадок. Експертите советуваат дека вашиот појадок треба да биде богат со протеини (сирење, јајца, јогурт, јаткасти плодови) и влакна (овесни снегулки, леб од цели зрна, житарки). Ваквиот појадок ќе ви даде енергија, а ќе ви го забрза метаболизмот. Се препорачува за појадок да внесете максимум 250 до 300 калории, а најдобриот трик за слабеење е прво да појадувате, а потоа да вежбате. На овој начин ќе ги сочувате во телото само важните материи од појадокот, а ќе ги согорите јаглехидратите. Како одличен појадок за губење килограми се препорачуваат јајцата (најдобро е да бидат варени) и овесната каша. Нема да згрешите ако додадете банана во кашата, која е вистинска енергетска бомба, и малку јаткасти плодови. Резултатите нема да бидат видливи доколку не вежбате и ако во текот на денот не внимавате на количината на храна и производите што ги јадете.

Брз и лесен рецепт, појадок готов за 10 минути

Ивона Петрова — Thu, 10 Nov 2022 10:00:05 +0000

Ако сакате да пробате нешто ново за појадок, тогаш дефинитивно треба да ги вкусите овие тортиљи. Состојки: 3 јајца сланина кашкавал по желба кромид химајалска сол бибер маслинов зејтин лук во прав тортиљи Подоготвка: На загреана тава ставете малку маслиново масло, додадете кромид да се пропржи, потоа сланина и прелијте со јајца, па зачинете и додадете лук со прав. Тортиљата ставете ја преку омлетот и прекријте со чинија за да може убаво да го свртите и испечете од другата страна. Поделете ја тортиљата на половина за да може послесно да ја послужите и додадете салата по желба.

Совети за здрав појадок

Ивона Петрова — Fri, 23 Sep 2022 10:06:13 +0000

Појадокот е најважен оброк во денот. По добар ноќен сон или, особено – по пост, на телото му требаат хранливи материи и енергија што му се неотпходни за да функционира нормално. Здравиот појадок може да помогне да се избегнат грицките пред ручекот, како и за подобра концентрација. Општо земено, луѓето кои не го прескокнуваат појадокот имаат подобри навики во исхраната, што помага во контрола на тежината и ја намалува опасноста од дијабетес и срцеви заболувања. Следат шест здрави намирници коишто треба да ги вклучите во редовната исхрана. Јајца Тие се богати со протеини и се нискокалорични, па помагаат за ситост подолго време, како и за стабилно ниво шеќер крвта. Јајцата содржат и антиоксиданси лутеин и зеаксантин, што помагаат во спречување на нарушувања на видот. Тие се добри и за срцето, бидејќи го регулираат холестеролот. Чија семе Овие семиња се одличен извор на влакна. Ја апсорбираат водата, па го зголемуваат волуменот храна што се движи низ дигестивниот тракт и на тој начин го одржуваат чувството на ситост. Високата содржина на антиоксиданси, исто така, ги штити клетките од оштетување од слободните радикали. Чија семето може да се комбинира со бобинки, протеин од сурутка и бадемово млеко – како „смути“. Може, исто така, семките да се посипат на сендвич, тост или во овесна каша. Бобинки Боровинките, јагодите, малините, капинките – сите бобинки се одличен извор на антиоксиданти коишто се борат против повеќе болести, нискокалорични се и богати со влакна. Тие ги намалуваат воспаленијата, спречуваат оксидација на холестеролот во крвта и ги одржуваат здрави клетките што ги обложуваат крвните садови. Може да се јадат со житарки, овесна каша или јогурт, или да се додадат во „смути“ – како дополнителна енергија за денот. Јаткасти плодови Како заситена храна којашто може да ја намали опасноста од срцеви заболувања и го контролира нивото шеќер во крвта, сите видови јатки се богати со магнезиум, калиум и мононезаситени масти здрави за срцето. Додавањето неколку лажички сецкани ореви во јогурт, урда или овесна каша може да додаде крцкавост и да ја зголеми хранливата вредност на појадокот. Банани Тие се одлични за потиснување на гладот бидејќи содржат скроб што телото не може лесно и брзо да го свари. Наместо тоа, тој патува низ телото непроменет, а со тоа го поддржува здравјето на цревата. Незрелите банани содржат поотпорен скроб од зрелите банани, коишто имаат повеќе природни шеќери. Овесни снегулки Овесната каша содржи сложени јагленохидрати и влакна што го одржуваат шеќерот во крвта. Додавањето овошје богато со хранливи материи и јаткасти плодови богати со протеини може да ја направи овесната каша пообилен, заситен и хранлив, а здрав појадок.