показна вежба – Kurir.mk

САЕ Тигар во акција заедно со италијанските карабиниери (ФОТО+ВИДЕО)

Ристе Здравков — Thu, 07 Oct 2021 11:25:01 +0000

„Проблематиката на насилниот екстремизам и тероризам како прилично сензитивна, сега веќе глобална, а не само национална закана, дополнително бара мултиплицирање на институционалните напори и потенцијали во квалитетно спротивставување, потпирајќи се подеднакво како на сопствените капацитети и нивната постојана надградба, така и на меѓународната институционална соработка, комуникација и партнерство“, ова меѓу другото го истакна министерот за внатрешни работи Оливер Спасовски денеска во Полицискиот центар ,,Ѓорче Петров“ на завршната показна вежба од едномесечната обука на припадниците на Специјалната антитерористичка единица „Тигар“ на МВР, во рамки на проектот ИПА 2016 „Јакнење на координативните капацитети за превенција и борба против насилен екстремизам и тероризам“, на која покрај раководството на МВР, присуствуваа Н.Е. Андреа Силвестри, амбасадор на Италијанската Република во земјава, претставници од Делегацијата на Европската Унија и поканети гости. Обуката ја спроведоа експерти од Специјалната единица за интервенции на италијанските карабинери. Во своето обраќање по повод вежбата министерот Спасовски потенцираше: „Заедно со нашите партнери од ЕУ, како и со користењето на низата конкретни механизми за помош и поддршка на Унијата, Министерството за внатрешни работи постојано работи на севкупното институционално зајакнување на сите организациони сегменти подеднакво, имајќи на ум една иста цел: структуирана полиција која што ќе биде во служба на безбедноста и сигурноста на граѓаните и на општеството, истовремено препозната како кредибилен и важен фактор во билатералните или мултлатералните полициски активности“, додавајќи: „Навистина ме радува фактот што нашата полиција и натаму ужива огромна поддршка и кредибилитет кај нашите пријатели од ЕУ, исто како што радува фактот дека од наша страна правиме извонредни напори таквата позиција да биде заслужена и задржана. Бездруго оваа обука, односно импактот од неа, дополнително ќе значи натамошно професионално-оперативно профилирање и надградување на полициските службеници, дотолку повеќе што станува збор за една од најчувствителните безбедносни проблематики – насилниот екстремизам и тероризам“, нагласи министерот Спасовски. Италијанскиот амбасадор Силвестри во оваа пригода пред присутните рече: ,,Ова е прв проект на ЕУ за превенција и борба против насилен екстремизам и тероризам имплементиран во Република Северна Македонија и на Балканот од страна на карабинерите и особено би ја истакнал личната посветеност и професионалниот пристап на обучувачите што резултираше со успешно завршување на овој значаен проект“. Амбасадорот Силвестри упати благодарност до министерот Спасовски и до раководството на МВР за досегашната одлична соработка во повеќе сфери од полициската работа и даде уверување дека и во наредниот период Владата на Италијанската Република преку Италијанската Амбасада во земјава останува отворена за реализација на нови значајни проекти како искрен поддржувач и партнер. Раководителот на Одделението за операции во Делегацијата на ЕУ, Фрик Јанмат го потенцираше значењето на денешниов проект - Јакнење на капацитетите за превенција и борба против насилен екстремизам и тероризам, за кој рече дека во себе вклучува активности за кои е потребен меѓуинституционален пристап, развојна стратегија со посебни методи, тактики и техники во справувањето со насилниот екстремизами тероризмот, посебно во делот на заштита на јавните добра, критичната инфраструктура и заштитата на граѓаните. Началникот на Одделот за специјални полициски операции Бранко Трајановски и командантот на САЕ „Тигар“ Митко Даневски на припадниците на САЕ –Тигар,им ги доделија сертификатите за успешно завршената обука, министерот Оливер Спасовски амбасадорот на Италијанската Република во земјава Н.Е Андреа Силвестри му додели благодарница за поддршката и успешната соработка, а директорот на БЈБ Сашо Тасевски му додели благодарница за поддршката и успешната соработка на Масимо Пани, претставник од Делегацијата на ЕУ во земјава.

ВО ЖИВО: Свеченост по повод Денот на полицијата, единиците на МВР со показни вежби

Ивона Петрова — Thu, 07 May 2020 09:26:24 +0000

Свеченост по повод 7 Мај - Денот на македонската полиција ќе започне во 11:30 часот во Полицискиот центар „Ѓорче Петров“, каде што во присуство на раководството на МВР, вработени и поканети гости од дипломатскиот кор ќе се обрати министерот за внатрешни работи Наќе Чулев. Ќе има показни вежби од единиците на МВР и доделување плакети за посебен придонес и заложба во работењето на Министерството за вработени во МВР и плакети за благодарност до претставниците на дипломатскиот кор.

Во касарната „Ѓорче Петров“ ќе биде пуштен во употреба објект за тактички вежби

Ивона Петрова — Wed, 20 Jun 2018 05:45:06 +0000

На свечена церемонија денеска во касарната „Ѓорче Петров“ ќе биде пуштен во употреба објектот за тактички вежби. Настанот е во организација на Министерството за внатрешни работи, а во соработка со ИЦИТАП - Одделот за правда на САД, Европската команда на Армијата на САД и американската Амбасада. Пред присутните воведни обраќања ќе имаат министерот за внатрешни работи Оливер Спасовски, американскиот амбасадор Џес Бејли и директорот на Европската команда на армијата на САД во Штутгартт, Вејн Раб. Спасовски и Бејли на церемонијата е предводено да потпишат писмо за донација, а потоа следува откривање на плочата и свечено пуштање во употреба на објектот. Донацијата изнесува над 900 илјади долари. По разгледувањето на објектот планирана е и показна вежба на Единицата за специјални задачи „Тигри“.

ФОТО ГАЛЕРИЈА: Специјалците на МВР спасуваа нападнат брод во Охридско

Даниел Василев — Sat, 05 May 2018 12:31:40 +0000

На пристаништето во Охрид припадниците на Единицата за специјални задачи, Езерската полиција и Хеликоптерската единица, во склоп на одбележувањето на 7 Мај- Денот на македонската полиција и презентираа на јавноста дел од своите професионални можности, ефикасно справувајќи се со едно сложено вежбовно сценарио во водите на Охридското езеро. Припадниците на МВР изведоа тактичко – показна вежба со напад на пловен објект заради совладување и лишување од слобода на опасни лица. Во склоп на одбележувањето на Денот на полицијата, утре на градскиот стадион во Штип припадниците на МВР ќе ги презентираат своите можности преку низа показни вежби.

ФОТО ГАЛЕРИЈА: Показна вежба на МВР по повод Денот на полицијата

Даниел Василев — Fri, 04 May 2018 14:17:55 +0000

Министерството за внатрешни работи денеска изврши показна вежба на дел од единиците во касарната „Ѓорче Петров“ по повод 7 мај, Денот на полицијата На показната вежба присустваше министерот Оливер Спасовски, како и видни функционери во МВР.